د ایران مذاکراتي پلاوی له امریکا سره د خبرو اترو لپاره سویس ته ورسېد
د ایران د بهرنیو چارو وزیر عباس عراقچي د یوه ډیپلوماټیک پلاوي په مشرۍ نن شپه د سویس جنیوا ښار ته ورسېد. تر دې وړاندې ایراني رسنیو راپور ورکړی و، چې نوموړی له امریکا سره د اټومي مذاکراتو د دویم پړاو لپاره له تهران څخه د سویس په لور روان شوی دی.
عراقچي تر دې وړاندې ویلي و: «زموږ توغندي د خبرو اترو موضوع نهدي».
ایراني رسنیو دا هم ویلي و، چې د اټومي خبرو اترو غېر مستقیمه غونډه به د سېشنبې په ورځ د عمان په منځګړیتوب له امریکا سره وشي.
