د ۲۰۲۶کال نړۍوال جام؛ د متحده عربي اماراتو لوبډلې افغانستان ته د ۱۶۱ منډو هدف وټاکه

د «کرېک‌اېنفو» د راپور له‌مخې؛ راشدخان توپ ته ډېر څرخونه نه‌ورکوي، خو په هوا کې د لوړ سرعت او د وېکټو ترمنځ د مستقیمې کرښې په ساتلو سره توپ‌وهونکي تر فشار لاندې راولي؛ دا د هغه د خوښې وړ الګو شاهد اپریدي د توپ‌اچونې سټایل ته ورته سبک دی.

راشدخان ۱۷ کلن و، چې د ۲۰۱۵کال په اکتوبر کې یې زېمبابوې ته د افغانستان د سفر پر مهال خپله لومړۍ یو ورځنۍ نړۍواله لوبه ترسره کړه. لا دوه کاله نه وو تېر شوي، چې د نږدې ۶۰۰ زره امریکايي ډالرو په بدل کې د هند په غوره لیګ (ای‌پي‌اېل) کې د سن‌رایزرز حیدراباد لوبډلې له‌خوا وپېرل شو.

هغه په خپل لومړي فصل کې ۱۷ وېکټې واخیستې او تر هغه وروسته یې له ګایانا امازون وریرز سره په ۲۰۱۷کال کې د کارابېن لیګ په تاریخ کې لومړنی هېټ‌ټریک ثبت کړ او اډېلایډ سټرایکرز سره یې قراردادونه لاسلیک کړل.

نوموړي له اډېلایډ سټرایکرز سره یو ځای په ۲۰۱۸کال کې د اسټرالیا د بېګ‌باش لیګ لومړنۍ اتلولي خپله کړه. راشد خان د افغانستان په ملي لوبډله کې هم ستر ریکارډونه ثبت کړي، چې په دې کې د اېرلنډ پر وړاندې په یوه ۲۰ اوریزه لوبه کې د یوازې ۳ منډو په بدل کې د ۵ وېکټو اخیستل شامل وو، چې د افغانستان د پرله‌پسې ۱۱ بریاوو د ریکارډ لامل شو.

نوموړي دغه راز په ۲۰۱۷کال کې د ۱۸ منډو په ورکولو سره د ۷ وېکټو په اخیستلو، په کارابین سیمه کې د وېسټ‌انډیز پر وړاندې د افغانستان په لومړنۍ تاریخي یو ورځنۍ بریا کې بنسټیز رول ولوباوه.

په همدې کال کې راشد خان د ای‌سي‌سي د همکارو هېوادونو د کال غوره لوبغاړی هم غوره شو. په ورپسې کال کې راشد خان تر ټولو ځوان توپ‌اچوونکی شو، چې د نړۍ د یو ورځنیو لوبو په ډلبندۍ کې په لومړي مقام کې راغی.

هغه د نړۍوال کرېکټ په تاریخ کې تر ټولو ځوان لوبډلمشر شو او همدارنګه تر ټولو چټک لوبغاړی و، چې په یو ورځنیو لوبو کې یې ۱۰۰ وېکټې پوره کړې.

د ټېسټ کرېکټ په لومړي کال کې راشد خان د اېرلنډ پر وړاندې د افغانستان په لومړنۍ بریا کې په دویمه پاڼۍ کې پنځه وېکټې واخیستې. تر دې شپږ میاشتې وروسته یې د بنګله‌دېش پر وړاندې په تاریخي لوبه کې د یوې نیمې سلیزې په جوړولو او دوه ځلې د پنځو وېکټو په اخیستلو سره په ټوله کې ۱۱ وېکټې ترلاسه کړې.

هغه په ۲۰۲۱کال کې یو ځل بیا د زېمبابوې پر وړاندې د افغانستان په بریا کې ۱۱ وېکټې په خپل نوم کړې. راشد خان له سن‌رایزرز حیدراباد سره په پنځو فصلونو کې د ۶.۳۳ اقتصادي اوسط په لرلو ۹۳ وېکټې ترلاسه کړې او د دغې لوبډلې یو له اصلي ستنو شمېرل کېده.

په ۲۰۲۲کال کې ګجرات ټایټنز ته له لېږد وروسته نوموړي د ۱۹ وېکټو په اخیستلو سره په خپل لومړي فصل کې د دغې لوبډلې په اتلولۍ کې مهم رول ولوباوه. راشد خان نن په نړۍوال جام سیالیو کې د متحده عربي اماراتو د لوبډلې د یو لوبغاړي په سوځېدو په نړۍوالو لوبو کې ۷۰۰ وېکټې ترلاسه کړې او د ۷۰۰ وېکټو تر تاریخي او تلپاتې ریکارډ یې په خپل نوم کړ.

دغه لوبه د افغان لوبډلې د مخ ته تګ لپاره خورا مهمه ده، افغان لوبډلې په خپله لومړۍ سیالۍ کې له نیوزېلنډ څخه ماتې خوړلې وه او په دویمه لوبه کې سویلي افریقا په دویم سوپر اور کې افغان لوبډلې ته ماتې ورکړه.

که افغانستان لوبه وګټي، نو ښایي بل پړاو ته به د تګ چانس ولري؛ خو په دې لوبه کې ماتې به یې لوبډله له نړۍوال جام څخه بهر کړي، ځکه د افغانستان د کرېکټ ملي لوبډلې تراوسه د ۲۰۲۶کال په ۲۰ اوریز نړۍوال جام کې کومه بریا نه‌ده ترلاسه کړې.

که څه هم افغانستان د ډله‌ییزو لوبو پړاو په پاتې دوو لوبو کې د متحده عربي اماراتو او کاناډا پر وړاندې د بریا ډېر چانس لري؛ خو د یادې لوبډلې برخلیک د نورو سیالیو په پایلو پورې تړلی دی.

افغانستان له اماراتو سره د خپلو لوبو په تاریخ کې له ۱۴ هغو ۱۱ بریاوې او ۳ ماتې ثبت کړې دي؛ خو له دې سره که نیوزېلنډ په خپله راتلونکې لوبه کې کاناډا ته ماتې ورکړي، ان د اماراتو پر وړاندې د افغانستان بریا هم ښايي له سیالیو څخه د افغان لوبډلې د بهر کېدو لامل شي.

بشارت زیاته کړه، د هغه مسلکي معیارونه په هیڅ ډول نه‌دي بدل شوي او د یوه مبارز په توګه چې تل د غوره لوبغاړو په ډله کې و؛ هغه په ​​ټولو شرایطو کې د مسلکي اصولو، نظم او درناوي سره چلند کړی او هغه به دغه چلند ته دوام ورکړي.

دغه افغان لوبغاړي له ټولو هغو کسانو هم مننه وکړه، چې په دې برخه کې یې د هغه ملاتړ کړی او لیکلي یې دي: «زه له هر هغه چا مننه کوم، چې زما ترڅنګ ولاړ وو؛ زه د دوی د ملاتړ ستاینه کوم».

څو ورځې وړاندې د UFC سازمان په رسمي وېب‌پاڼه د جاوید بشارت دریځ له «فعال» څخه پر «د مبارزې په حال کې نه‌دی» بدل شو، یادې موضوع د نوموړي لوبغاړي او د ازاده مبارزو مینه‌والو ترمنځ ګڼې پوښتنې راپورته کړې.

اوس د هغه له رسمي تایید سره دا روښانه شوه، چې جاوېد بشارت نور په UFC کې لوبه نه‌کوي. خو د هغه کشر ورور فرید بشارت چې تر اوسه یې کومه ماته نه‌ده تجربه کړې، په دغه سازمان کې خپلو لوبو ته دوام ورکوي.

۲۹ کلن جاوېد بشارت په خپلو مسلکي لوبو کې ټولټال ۱۵ بریاوې او ۲ ماتې لري. هغه په ​​UFC سازمان کې ښه فعالیت ثبت کړی، چې څلور بریاوې، دوه ماتې او یوه مساوي لوبه یې کړې ده.

په دغه سازمان کې د هغه وروستۍ لوبه هم په بریا پای ته ورسېده. دا لا روښانه نه‌ده، چې جاوېد بشارت به د UFC سازمان تر پرېښودو وروسته د MMA له کومې ادارې سره تړون لاسلیک کړي.

افغانستان له سوېلي افریقا څخه په هغې لوبه کې چې "دوه سوپر اوورونو" ته وغځېده، تر ماتې وروسته اوس باید ځان له رواني پلوه بېرته چمتو کړي. دا په دغه ټورنمنټ کې د افغانستان پرله‌پسې دویمه ماته وه؛ هغې ماتې چې په سیالیو کې یې د دې لوبډلې مزل ستونزمن کړی دی.

که څه هم افغانستان د ګروپي پړاو په پاتې دوو لوبو کې د متحده عربي اماراتو او کاناډا پر وړاندې د بریا ډېر چانس لري، خو د دې لوبډلې برخلیک د نورو سیالیو په پایلو پورې هم تړلی دی.
افغانستان له اماراتو سره د خپلو مخامخ لوبو په تاریخ کې له ۱۴ سیالیو څخه ۱۱ بریاوې او ۳ ماتې ثبت کړې دي. خو له دې سره، که نیوزیلنډ په خپله راتلونکې لوبه کې کاناډا ته ماتې ورکړي، ان د اماراتو پر وړاندې د افغانستان بریا هم ښايي له سیالیو څخه د افغان لوبډلې د حذف کېدو لامل شي.
بل لور ته، متحده عربي امارات له کاناډا څخه تر هیلې بښونکې بریا وروسته په لوړه روحیه دغې لوبې ته راځي.

دغه لوبډله د ګروپي پړاو خپلې دواړه پاتې لوبې په ډیلي کې ترسره کوي، خو امارات هم بل پړاو ته د وتلو لپاره معجزې ته ورته پایلو ته اړتیا لري. که نیوزیلنډ کاناډا ته ماتې ورکړي چې د دې کار احتمال ډېر دی، نو امارات باید هم افغانستان او هم ماتې نه خوړلې سوېلي افریقا ته په لوی توپیر ماتې ورکړي، ترڅو خپل رن‌رېټ له نیوزیلنډ څخه پورته کړي؛ هغه ماموریت چې خورا ستونزمن برېښي.

د هند او د پاکستان د کرېکټ ملي لوبډلو ترمنځ لوبه نن د سریلانکا په کولمبو کې ترسره شوه.

د لوبې پچه د پاکستان لوبډلې وګټله او لومړی یې د توپ‌اچونې پرېکړه وکړه.

د هند لوبډلې په شلو اورونو کې د ۷ ویکټو په زیان سره ۱۷۵ منډې جوړې کړې او د پاکستان لوبډلې ته یې په شلو اورونو کې د ۱۷۶ منډو هدف ورکړ.

د هند لپاره تر ټولو ډېرې ۷۷ منډې اېشان کېشن وکړې.

د لوبې په دویمه پاڼۍ کې د پاکستان لوبډلې د نندارچیانو د تمې خلاف توپ وهنه وکړه، چې د یادې لوبډلې ټول لوبغاړي په ۱۸م اور کې په ۱۱۴ منډو وسوځېدل او په دې توګه هند دغه لوبه د ۶۱ منډو په توپیر وګټله.

د پاکستان لپاره تر ټولو ډېرې ۴۴ منډې عثمان‌خان جوړې کړې او پاتې نور لوبغاړي په خورا کمو منډو او ان له منډو جوړولو پرته وسوځېدل.

د هند لپاره په توپ اچونه کې هایډیک پانډیا، بمبرا، اکشرپټیل، ورن چکروټي دوه ـ دوه ویکټي واخیستي.