سویس: له عراقچي مو وغوښتل چې په ایران کې د معترضینو پروړاندې تاوتریخوالي ودروي
د سویس د بهرنیو چارو وزیر ایګناتزیو کاسیس ویلي، چې د ایران د بهرنیو چارو له وزیر عباس عراقچي سره یې په خپله وروستۍ لیدنه کې په دغه هېواد کې د اعتراضونو پر مهال د معترضانو د نیولو او وژلو په اړه د خپل هېواد اندېښنه شریکه کړې ده.
نوموړي زیاته کړې، چې له ایراني لوري یې غوښتي، چې د اعتراض کوونکو پروړاندې تاوتریخوالی ودروي.
نوموړي دغه څرګندونې په داسې حال کې کړې دي، چې له تېرو څه باندې ۴۰ ورځو راهیسې د ایران په بېلابېلو ښارونو کې د حکومت ضد پراخ اعتراضونه روان دي، چې په ترڅ کې یې د امنیتي ځواکونو له خوا زرګونه اعتراض کوونکي وژل شوي دي.
دغه وژنې له پراخو نړۍوالو نیوکو سره هم مخ دي.
