په پاکستان کې د علین تکواندو افغان لوبډلې د سرو زرو، سپينو زرو او برونزو ۱۳ مډالونه وګټل
د افغان علین تکواندو لوبډله د ۲۰۲۶کال د پاکستان د زدهکوونکو ملي سیالیو په درېیم پړاو کې ښه ځلېدلې او ۱۳ بېلابېل مډالونه یې ګټلي دي. دغه سیالي د ۲۰۲۶کال (د فبرورۍ له ۱۳مې تر ۱۶مې) پورې په اسلاماباد کې د تکواندو په ګډون په بېلابېلو لوبو کې ترسره شوې.
علین تکواندو لوبډله د احمد مصطفی علین تر روزنې لاندې د شته ستونزو او محدودیتونو سره، سره د اسلاماباد د نړۍوال ساینس ښووځي په همکارۍ وتوانېده، په دغه سیالیو کې برخه واخلي.
د لوبډلې روزنکی احمد مصطفی علین وایي، افغان کډوال تنکي او کوچني لوبغاړي چې په دغه سیالیو کې یې د رسمي ګډون حق نهلرلو د سیالیو د تنظیموونکې کمېټې په همکارۍ او د یاد ښوونځي په ملاتړ وکولای شول، په دغه ډګر کې ښه وځلېږي.
د تکواندو په برخه کې د ټول پاکستان په ګډون ۱۸۰ لوبغاړو ګډون کړی و. د علین لوبډلې ۴ د سرو زرو، ۴ د سپينو زرو او ۵ د برونزو مډالونو په ګټولو سره د جدول درېیم ځای خپل کړ. دغه لاسته راوړنه د افغان تنکیو لوبغاړو د لوړې وړتیا او ظرفیت څرګندونه کوي.
