جيډي وېنس: ایرانیان لا هم د ټرمپ د ځینو سرو کرښو منلو ته چمتو شوي نه دي
د امریکا د ولسمشر مرستیال جيډي وېنس له فاکسنیوز سره په خبرو کې ویلي، چې ایرانیان لا هم د ټرمپ د ځینو سرو کرښو منلو ته چمتو شوي نه دي.
د امریکا د ولسمشر مرستیال جيډي وېنس له فاکسنیوز سره په خبرو کې ویلي، چې ایرانیان لا هم د ټرمپ د ځینو سرو کرښو منلو ته چمتو شوي نه دي.
نوموړي د خبرو اترو بهیر ته په اشارې سره زیاته کړه: «له ایران سره خبرې اترې له ځینو اړخونو ښې پرمخ لاړې، ټرمپ د یوې حللارې موندلو په لټه کې دی؛ که دا لاره د ډیپلوماسۍ له لارې وي او که له کومې بلې لارې».
دا په داسې حال کې ده، چې د امریکا ولسمشر ډونالډ ټرمپ تر دې وړاندې ویلي و چې که له ایران سره هوکړې ته رسېدل ممکن نه وي، واشینګټن چمتو دی چې د ایران پروړاندې پوځي اقدام وکړي.
له دې سره، ټرمپ دا ټینګار هم کړی و چې اټومي موضوع «ښکاره او جوته» ده او باید په هر ډول هوکړه کې شامله کړل شي.
