د طالبانو د اوبو او انرژۍ وزارت وایي چې د تخار ولایت د درقد ولسوالۍ په یتیم تپه سیمه کې د امو سیند د غاړو د تحکیماتو پروژې د اتم لاټ چارې بشپړې شوې او د نهم لاټ عملي کارونه پیل شوي دي.
د یاد وزارت د معلوماتو له مخې، د اتم لاټ پروژه چې یو کیلومتر اوږدوالی او ۲۲ متره سور لري، د څه باندې ۶۵ میلیونه افغانیو په لګښت بشپړه شوې ده.
د دې پروژې لګښت د یاد وزارت له پراختیایي بودجې څخه تمویل شوی دی.
همدارنګه، د نهم لاټ پروژه چې ۱۱۵۰ متره اوږدوالی لري، د څه باندې ۸۱ میلیونه افغانیو په ارزښت پیل شوې ده. د دې پروژې مالي لګښت هم د طالبانو د اوبو او انرژۍ وزارت له پراختیایي بودجې ورکول کېږي.
تهمینه صافۍ، چې د دغه نړیوال کنفرانس ګډوواله و، وویل چې هغې په پنل کې وړاندیز کړی څو د طالبانو د حاکمیت پر وړاندې یو منظم او مشروع سیاسي بدیل رامنځته شي.
د هغې په وینا، د جلاوطنه حکومت جوړېدل د طالبانو له احتمالي سقوط وروسته د ګډوډۍ مخه نیولی او د واک منظم او قانوني لېږد ته زمینه برابرولای شي.
صافۍ زیاته کړه چې په جلاوطنۍ کې مېشت افغانان دا مهال د سیاسي او مدني تنظیم په حال کې دي، د بشري حقونو د سرغړونو اسناد راټولوي، خپلواکې رسنۍ پیاوړې کوي او د قومي او سیاسي بهیرونو ترمنځ د همغږۍ هڅې ګړندۍ کوي، څو د لېږد پړاو لپاره یو ډیموکراټیک او ټوګډون بدیل چمتو شي.
د ۲۰۲۶ ورلډ فورم نړیوال کنفرانس چې د فبرورۍ له ۱۵مې تر ۱۷مې نېټې پورې په برلین کې وشو، د دیموکراسۍ، ټکنالوژۍ او مصنوعي ځیرکتیا پر راتلونکې متمرکز و. په کنفرانس کې افغان ښځینه فعالانو د افغانستان د ښځو د حقونو لپاره د نړیوالې ټولنې د عملي ملاتړ غوښتنه وکړه.
په غونډه کې لسګونه نړیوال سیاستوال، د سولې د نوبل جایزې ګټونکي او د بشري حقونو فعالان ګډونوال وو. د ګډونوالو په ډله کې د امریکا د بهرنیو چارو پخوانۍ وزیره هیلیري کلینټن هم شامله وه.
سربېره پر دې، یو شمېر افغان څېرې هم په کنفرانس کې حاضرې وې، چې پکې په اتریش کې د افغانستان سفیره منیژه باختري، د افغانستان د بشري حقونو د خپلواک کمېسیون پخوانۍ مشره سیما سمر، د ولسي جرګې پخوانی استازی بکتاش سیاوش او د میدان وردګو پخوانۍ ښارواله ظریفه غفاري شاملې وې.
ګډونوالو ټینګار وکړ چې د افغانستان د سیاسي راتلونکې په اړه بحثونه باید د ښځو، مدني ټولنې او سیاسي استازو په پراخ ګډون وشي، څو یو مشروع او دوامدار سیاسي چوکاټ رامنځته شي.
د جلاوطنه حکومت د جوړېدو په اړه په اتریش کې د افغانستان سفیرې منیژه باختري له افغانستان انټرنشنل سره په مرکه کې وویل چې په تبعید کې د حکومتونو جوړول تاریخچه لري او دا فکر په پخواني او معاصر وخت کې هېوادونو تجربه کړی. د هغې په وینا دا کار هغه وخت شونی دی چې په کوردننه د خلکو، سیاسونو او مدني ټولنو ترمنځ همغږۍ موجودې وي.
هغې زیاته کړه:« تر ټولو مهمه خبر داده چې نړیواله ټولنه باید طالبان په رسمیت ونه پیژني او تر یو جدي تغییر راتلو دې پر دغې ډلې فشارونه او تحریمونه ډېر کړي».
د برلین په نړۍوال فورم کې یوشمېر افغان ښځینه فعالانو له نړۍوالې ټولنې وغوښتل، چې د افغان ښځو د حقونو ملاتړ وکړي.