د پاکستان لومړی وزیر شهباز شریف په پام کې لري، چې غزې ته د پاکستاني ځواکونو له استولو وړاندې له واشنګټن نه یوڅه وضاحتونه وغواړي. دریو سرچینو رويټرز ته ویلي، اسلام اباد غواړي له امریکا ډاډ ترلاسه کړي چې ځواک به یوازې د سوله ساتنې ماموریت پرمخ وړي.
شهباز شریف د پنجشنبې په ورځ په واشنګټن کې د ولسمشر ډونالډ ټرمپ په مشرۍ د سولې بورډ لومړۍ رسمي ناسته کې ګډون کوي.
دې ناستې ته د شلو نورو هېوادونو استازي هم ورځي.
ټرمپ به په دې غونډه کې د غزې د بیا رغونې یو څو میلیارده ډالري پلان اعلان کړي او د فلسطین سوله ساتي ځواک لپاره به د ملګرو ملتونو اړوند تګلاره باندې خبرې وکړي.
د پاکستان دریو دولتي سرچینو رویټرز ته ویلي چې شهباز شریف غواړي د ځواکونو له استولو وړاندې ددغه ځواک د واک ساحه او د قومانداني سلسله ښه درک کړي.
دغو سرچینو ویلي، چې دوی غزې ته ځواک استوي، خو د حماس په بې وسلې کولو کې ونډه نه شي اخېستی.
د پاکستان د بهرنیو چارو وزارت د رويټرز د تبصرې غوښتنې ته ځواب نه دی ویلی.
که څه هم پاکستان د بورډ د جوړېدو ملاتړ کړی، خو د حماس د وسلهوالو بېوسې کولو یې ماموریت اندېښمن کړی دی.
شنونکي وايي چې اسلاماباد باید د ټرمپ د خوشاله کولو لپاره د ځواکونو ورکولو او په کوردننه احتمالي غبرګون ترمنځ انډول وساتي.
په امریکا کې د پاکستان پخواني سفیر حسین حقاني ویلي چې د پاکستان خلک یوازې د فلسطینیانو د خوندي کولو لپاره د ځواک استولو پلویان دي. هغه وویل: «که د ځواکونو له استولو وروسته په غزه کې حالات د فلسطینیانو لپاره ښه نه شي، نو په پاکستان کې به د عامو خلکو غبرګون پراخ وي».
تهمینه صافۍ، چې د دغه نړیوال کنفرانس ګډوواله و، وویل چې هغې په پنل کې وړاندیز کړی څو د طالبانو د حاکمیت پر وړاندې یو منظم او مشروع سیاسي بدیل رامنځته شي.
د هغې په وینا، د جلاوطنه حکومت جوړېدل د طالبانو له احتمالي سقوط وروسته د ګډوډۍ مخه نیولی او د واک منظم او قانوني لېږد ته زمینه برابرولای شي.
صافۍ زیاته کړه چې په جلاوطنۍ کې مېشت افغانان دا مهال د سیاسي او مدني تنظیم په حال کې دي، د بشري حقونو د سرغړونو اسناد راټولوي، خپلواکې رسنۍ پیاوړې کوي او د قومي او سیاسي بهیرونو ترمنځ د همغږۍ هڅې ګړندۍ کوي، څو د لېږد پړاو لپاره یو ډیموکراټیک او ټوګډون بدیل چمتو شي.
د ۲۰۲۶ ورلډ فورم نړیوال کنفرانس چې د فبرورۍ له ۱۵مې تر ۱۷مې نېټې پورې په برلین کې وشو، د دیموکراسۍ، ټکنالوژۍ او مصنوعي ځیرکتیا پر راتلونکې متمرکز و. په کنفرانس کې افغان ښځینه فعالانو د افغانستان د ښځو د حقونو لپاره د نړیوالې ټولنې د عملي ملاتړ غوښتنه وکړه.
په غونډه کې لسګونه نړیوال سیاستوال، د سولې د نوبل جایزې ګټونکي او د بشري حقونو فعالان ګډونوال وو. د ګډونوالو په ډله کې د امریکا د بهرنیو چارو پخوانۍ وزیره هیلیري کلینټن هم شامله وه.
سربېره پر دې، یو شمېر افغان څېرې هم په کنفرانس کې حاضرې وې، چې پکې په اتریش کې د افغانستان سفیره منیژه باختري، د افغانستان د بشري حقونو د خپلواک کمېسیون پخوانۍ مشره سیما سمر، د ولسي جرګې پخوانی استازی بکتاش سیاوش او د میدان وردګو پخوانۍ ښارواله ظریفه غفاري شاملې وې.
ګډونوالو ټینګار وکړ چې د افغانستان د سیاسي راتلونکې په اړه بحثونه باید د ښځو، مدني ټولنې او سیاسي استازو په پراخ ګډون وشي، څو یو مشروع او دوامدار سیاسي چوکاټ رامنځته شي.
د جلاوطنه حکومت د جوړېدو په اړه په اتریش کې د افغانستان سفیرې منیژه باختري له افغانستان انټرنشنل سره په مرکه کې وویل چې په تبعید کې د حکومتونو جوړول تاریخچه لري او دا فکر په پخواني او معاصر وخت کې هېوادونو تجربه کړی. د هغې په وینا دا کار هغه وخت شونی دی چې په کوردننه د خلکو، سیاسونو او مدني ټولنو ترمنځ همغږۍ موجودې وي.
هغې زیاته کړه:« تر ټولو مهمه خبر داده چې نړیواله ټولنه باید طالبان په رسمیت ونه پیژني او تر یو جدي تغییر راتلو دې پر دغې ډلې فشارونه او تحریمونه ډېر کړي».
د برلین په نړۍوال فورم کې یوشمېر افغان ښځینه فعالانو له نړۍوالې ټولنې وغوښتل، چې د افغان ښځو د حقونو ملاتړ وکړي.
