په جلاوطنۍ کې د کډوالو د بشري حقونو د مدافعانو نړیوال فدراسیون شهباز شریف ته په یوه لیږلي لیک کې له اسلام اباده غوښتنه کړې چې د روژې او اختر په ورځو کې د افغان کډوالو جبري بېرته ستنول وځنډوي.
دغه فدراسیون په خپله اعلامیه کې ویلي چې د افغان کډوالو اېستل جدي بشري کړاوونه رامنځته کولی شي، کورنۍ بېلېږي او په ځانګړي ډول ښځې او ماشومان تر ګواښ لاندې راځي.
په اعلامیه کې ویل شوي چې د روژې میاشت د رحمت او زغم موسم دی او د دې مبارکو ورځو په بهیر کې د انسانیت او همغږۍ اصول باید عملي شي.
دغه فدراسیون وړاندیز کړی چې د کډوالو د وضعیت د حل لپاره انساني، رضاکاره او له نړیوالو معیارونو سره سم میکانیزم جوړ شي او د نړیوالو ادارو په مرسته دوامدارې او د درناوي پر بنسټ حل لارې پلې شي.
فدراسیون ویلي، چې دا ډول پرېکړه به نه یوازې د ناوړه بشري پایلو مخه ونیسي، بلکې د پاکستان اخلاقي مقام او سیمهییز دریځ هم ورسره پیاوړی کیږي.
