والسټریټ ژورنال ورځپاڼې راپور ورکړی، په داسې حال کې چې ایراني چارواکي له متحده ایالاتو سره د اټومي هوکړې غوښتونکي دي، خو په ورته وخت کې یې خپل پوځي چمتووالی ګړندی کړی، ترڅو د خبرو اترو د ناکامۍ په صورت کې د احتمالي جګړې لپاره چمتو وي.
د دغه راپور لهمخې، تهران د خپلو ځواکونو د بياځلې ځای پر ځای کولو، د پرېکړو واک د قوماندې ټيټو کچو ته سپارلو، د اټومي سایټونو د ساتنې پیاوړي کولو او د کورنیو اعتراضونو د ځپلو د پراخولو په حال کې دی.په راپور کې زیاته شوې، دا ګامونه ښيي چې د اسلامي جمهوري نظام مشران د خپل حکومت پایښت له ګواښ سره مخ ویني او ځانونه سختو سناریوګانو ته چمتو کوي.والسټریټ ژورنال همداراز وروستۍ "۱۲ ورځنۍ جګړې" ته اشاره کړې او لیکلي یې دي، چې دغې نښتې د اسلامي جمهوري نظام پوځي کمزورۍ او د هغه د سیمهییزو متحدینو په ځانګړي ډول د لبنان د حزبالله محدودیتونه رابرسېره کړل.د دغې ورځپاڼې د راپور لهمخې، دغې جګړې تهران ته یو فرصت برابر کړ، ترڅو خپل پوځي تکتیکونه وازمايي او اصلاح یې کړي او د نښتې د دوام پر مهال د خپلو لیرې ویشتونکو توغندیو دقت زیات کړي.
