ایران او سعودي عربستان د اټومي مذاکراتو د وروستیو پرمختګونو په اړه خبرې کړې دي
د ایران د بهرنیو چارو وزیر عباس عراقچي د سعودي عربستان د بهرنیو چارو له وزیر شهزاده فیصل بن فرحان سره د تهران او واشنګټن ترمنځ د روانو اټومي مذاکراتو د وروستیو پرمختګونو په اړه خبرې کړې دي.
د ایران د بهرنیو چارو وزارت د یوې خبرپاڼې په خپرولو سره ویلي، چې د تهران او واشنګټن د مذاکراتي پلاویو ترمنځ په سویس کې د دویم پړاو اټومي مذاکراتو په درشل کې د ایران د بهرنیو چارو وزیر عباس عراقچي د سعودي عربستان د بهرنیو چارو وزیر شهزاده فیصل بن فرحان سره ټلیفوني خبرې کړې دي.
په خبرپاڼه کې راغلي، چې دواړو لوریو د خپلو خبرو پرمهال د امریکا او ایران ترمنځ د دویم پړاو اټومي خبرو د پرمختګونو په اړه هیلهمندي ښودلې ده.
دا په داسې حال کې ده، چې د ایران او امریکا ترمنځ د اټومي مذاکراتو دویم پړاو خبرې د سېشنبې په ورځ په سویس کې د عمان په منځګړیتوب ترسره شوې.
