یونېسف له ایران څخه غوښتي چې د لاریونونو پرمهال نیول شوي ټول ماشومان خوشې کړي

د کرملین ماڼۍ ویاند دیمیتري پسکوف د پنجشنبې په ورځ (د سلواغې ۳۰مه) په مسکو کې خبریالانو ته ویلي، چې روسیه دمګړۍ د هغو درې اړخیزو خبرو پایلو ارزونه کوي، چې د روانې اوونۍ د سه‌شنبې او چهارشنبې په ورځو کې په سویس کې تر سره شوې دي.

نوموړي زیاته کړې، چې د روسیې ولسمشر ولادیمیر پوتین ته له اوکراین سره د سولې په تړاو د ورستیو مذاکراتو بشپړ راپور وړاندې شوی او له یاد هېواد سره به د خبرو او راتلونکي اقدام پرېکړه د همدې راپور پر بنسټ تر سره شي.

پسکوف زیاته کړې:«روسیه او اوکراین د موضوع په حل کې د اروپايي ټولنې ګډون ته هېڅ اړتیا نه‌ویني. اروپایان اوسمهال د مذاکراتو پر میز هیڅ حضور نه‌لري. روسیه په دې باور ده، چې د اروپا دریځ د سولې پر ځای د جګړې له دوام سره مرسته کوي او له اوکراین سره د راتلونکو مذاکراتو د وخت او ځای په اړه لا تر اوسه څه پرېکړه نه‌ده شوې».

همدارنګه د کرملین ماڼۍ ویاند ویلي، چې په جنیوا کې له وروستیو درې اړخیزو مذاکراتو وروسته د روسیې او واشنګټن ترمنځ هېڅ اړیکه نه‌ده نیول شوې او د راتلونکو مذاکراتو مهالوېش ټاکل په امریکايي لوري پورې اړه لري.

د ځايي پوليسو مشر په يوې خبري ناسته کې وويل، چې د لارۍ چلوونکي د موټر کنټرول له لاسه ورکړی و او تر چپه کدو وروسته چاودنه رامنځته شوې ده. د چارواکو په وينا، په مړه شویو کسانو کې د لارۍ چلوونکی هم شامل دی.

په ټولنيزو رسنيو کې په خپرو شویو ويډيوګانو کې ښکاري، چې د چاودنې له ځایه د اور لمبې پورته کېدې. دا پېښه د سانتياګو ښار د شمال په رېنکا سيمه کې، د يوې لويې لارې او صنعتي سيمې ته نږدې رامنځته شوې ده.

د اور وژنې د ادارې په وينا، د چاودنې شدت د شاوخوا ۱۵۰ تر ۲۰۰ مترو پورې احساس شوی او لږ تر لږه ۵۰ نورو موټرو ته هم زيان اوښتی دی.

د چيلي ولسمشر ګابريل بوريچ ویلي، چې د چاودنې ځينې توکړې هلته درې سوداګريزو واحدونو ته ورغورځېدلې دي، خو تر اوسه د نورو زيانونو راپور نه‌دی ورکړل شوی. همدارنګه د سانتياګو والي کلوديو اورېګو ویلي، چې د ټپيانو له ډلې د پنځو کسانو روغتيايي حالت نازک دی او يو تن يې سل په سلو کې سوځېدلی او د مرګ له جدي ګواښ سره مخ دی.

هغه د پنجشنبې په ورځ (د سلواغې ۳۰مه) په خپله اېکس‌پاڼه لیکلي، چې مصنوعي ځیرکتیا باید د هر چا وي او هر څوک ورته لاسرسی ولري.

ګوترېش زیاته کړه: «مصنوعي ځیرکتیا باید د هر چا په ګټه وي.مصنوعي ځیرکتیا باید د هر چا لپاره خوندي وي».

مصنوعي ځیرکتیا یا اې‌ای په ساده توګه هغه ټېکنالوژي ده، چې کمپیوټرونه یا ماشینونه په‌کې د انسانانو د هوښیارو فعالیتونو تقلید کوي.

د مصنوعي ځیرکتیا سیسټمونه کولای شي زده‌کړه وکړي، فکر وکړي، پېژندنه وکړي او پرېکړې وکړي. دا سیسټمونه د انسانانو له‌خوا د لویو ډیټاګانو پر بنسټ جوړیږي او ترتیبیږي او په دې توګه د خپلو کړنو دقت او سرعت لوړوي.

د مصنوعي ځیرکتیا سیسټمونه په بېلابېلو کچو وېشل شوي. لکه؛ ضعیف AI، عمومي AI او سوپرAI.

ضعیف اې‌ای: دا ډول مصنوعي ځیرکتیا یوازې ځانګړو دندو ته جوړې شوې او یوازې په یوې ځانګړې برخې کې فعالیت کوي.

مثلاً د سیري یا الیکسا په څېر غږ پېژندونکي سیسټمونه چې یوازې د غږونو پېژندلو او ځواب ورکولو وړتیا لري.

عمومي اې‌ای: عمومي مصنوعي ځیرکتیا کولای شي انسانانو ته ورته هوښیار فعالیتونه تر سره کړي. دا سیسټمونه کولای شي په بېلابېلو برخو کې زده‌کړه وکړي، ورکړي او نوې تجربې ترلاسه کړي.

سوپر اې‌ای: دا هغه ډول مصنوعي ځیرکتیا ده، چې له انسانانو په فکري استحکام او هوښیارۍ کې برلاسې ده. دا ډول AI لا تر اوسه نه‌ده رامنځته شوې، خو په راتلونکي کې د دې جوړېدو احتمال شته.

مصنوعي ځیرکتیا په عمومي ډول د ډیټا پر بنسټ کار کوي. په دې پروسه کې ماشینونه د لویې کچې ډیټا تحلیلوي او د دې ډیټا پر بنسټ زده‌کړه کوي، معلومات وړاندې کوي او د پوښتنې ځواب وايي. د ماشین زده کړه (Machine Learning) او ژوره زده‌کړه (Deep Learning) د مصنوعي ځیرکتیا مهمې برخې دي.

په ماشیني زده‌کړه کې ماشینونه د ډیټا پر بنسټ بېلابېلې بڼې او الګوګانې زده‌کوي. په ژوره زده‌کړه کې بیا نیورل شبکه (Neural Network) کارول کېږي، چې د انسان دماغ ته ورته فعالیت کوي او د ډېرو پېچلو معلوماتو تحلیل کولای شي.

مصنوعي ځیرکتیا هغه ټېکنالوژي ده، چې د انسانانو ژوند او ټولنه کې یې لوی بدلونونه رامنځته کړي دي. که څه هم AI ډېرې ګټې لري خو ځینې ننګونې او خطرونه هم له ځان سره لري.

د دې لپاره چې اې‌ای د انسانانو د ژوند د ښه کولو لپاره وکارول شي اړینه ده، چې د دې ټېکنالوژۍ کارونې لپاره مناسب قوانین او اخلاق وضع شي.

مصنوعي ځیرکتیا په راتلونکې کې نور هم پرمختګ کوي او کولای شي د نړۍ د راتلونکو مسایلو د حل لپاره یوه مهمه وسیله شي.

شهباز شريف دغه څرګندونې د پنجشنبې په ورځ (د سلواغې ۳۰مه) «د غزې د سولې پلاوي» په لومړۍ غونډه کې وکړې، چې د ډونالډ ټرمپ په مشرۍ د واشنګټن ډي‌سي په ښار کې جوړه شوې وه. هغه وويل، چې د دې پلاوي په پرانيستې غونډه کې ګډون ورته وياړ دی او ټينګار يې وکړ، چې په غزه کې د تلپاتې سولې ترلاسه کول د دې نوښت اصلي موخه ده.

د پاکستان لومړي وزير د غزې لپاره د سولې د هڅو د بريا په اړه هيله څرګنده کړه او ويې ويل، نن ورځ کېدای شي د منځني ختيځ د سولې د تحقق لپاره د تاريخ د یوه «زرين فصل» په توګه ثبت شي.

هغه همداراز غوښتنه وکړه، چې د ملګرو ملتونو د امنيت شورا د پرېکړه ليکونو پر بنسټ دې فلسطينيانو ته خپل حقونه ورکړل شي او ټينګار يې وکړ، چې په غزه کې د اوربند د سرغړونو بندېدل د تلپاتې سولې لپاره اړين دي.

شهباز شريف د خپلو خبرو په دوام کې د نړۍوالو شخړو په هواري کې د امريکا د ولسمشر رول وستايه او ويې ويل، چې د ډونالډ ټرمپ پر وخت مداخلې د پاکستان او هند ترمنځ جګړه ودروله او د دواړو هېوادونو ترمنځ اوربند د زرګونو کسانو ژوند وژغوره او سویلي اسيا يې له يوې سترې فاجعې وساتله.

زېلېنسکي د روژې مياشتې معنوي ارزښت ته په اشارې سره وويل، دا مياشت د رښتينې دوعا، عبادت او د ايمان د پياوړتيا وخت دی. د هغه په وينا، سږکال د اوکراين ډېری مسلمانان بیا د جګړې په سختو شرايطو او د لومړۍ کرښې په سنګرونو کې د روژې هرکلی کوي.

د اوکراين ولسمشر د کريميا د تاتارانو حالت ته هم اشاره وکړه او زياته يې کړه، چې د کريميا د تاتار ولس يوه برخه لا هم د روسيې تر «اشغال» لاندې او په بند کې ژوند کوي. هغه ټينګار وکړ، چې د اوکراين حکومت د خپلو ټولو وګړو د ازادۍ د بېرته ترلاسه کولو لپاره هلې ځلې روانې ساتلې دي.

زېلېنسکي همداراز د اسلامي نړۍ له ملاتړه مننه وکړه او ويې ويل، چې د مسلمانانو دوعاوې او يووالی د اوکراين لپاره ارزښت لري. هغه هيله څرګنده کړه، چې د روژې په مياشت کې دوعا او پيوستون به د باعزته او تلپاتې سولې د ټينګېدو لامل شي.

هغه په پای کې د نړۍ ټولو ولسونو ته د رښتينې سولې او ډاډمن امن هيله وکړه او ټينګار يې وکړ، چې جګړه او تاوتريخوالی بايد د نړۍ په هېڅ ګوټ کې عادي چاره ونه‌ګرځي.