روسیې له ایران سره د کړکېچ پر سوله ییز اواري ټینګار کړی
روسیې ویلي چې له ایران سره کړکېچ ډېر شوی، خو بیا هم له ډیپلوماتیکو او د خبرو اترو له لارې د سولهییز حل تمه لري. د ایران سمندري ځواکونو نن له روسیې سره ګډ پوځي تمرینونه پیل کړي او سي بي اېس رپوټ ورکړی چې امریکا او اسراییل پر ایران د برید لپاره د فبرورۍ ۲۱مه ټاکلې.
په داسې حال کې چې په سیمه کې تاوتریخوالی مخ په زیاتېدو دی، د ایران سمندري ځواکونو نن له روسیې سره ګډ پوځي تمرینونه پیل کړل. متحده ایالات په منځني ختیځ کې خپل پوځونه زیاتوي او پرلهپسې نور ځواکونه سیمې ته استوي.
د امریکايي رسنیو د راپورونو له مخې، واشنګټن پلان لري چې د بریدونو لړۍ پیل کړي څو تهران دې ته اړ کړي چې د اټومي دوسیې په اړه په خبرو کې امتیاز ورکړي. سي بي اېس ویلي چې امریکا او اسراییل پر ایران د فبرورۍ پر۲۱ مه ګډ برید کوي.
