واینټ: ټرمپ چمتو دی چې ډېر ژر پر ایران لوی پوځي برید وکړي
اسراییلي رسنۍ واینټ د دغه هېواد د چارواکو له قوله لیکلي، وروسته له هغه چې تهران په اټومي مذاکراتو کې د واشنګټن غوښتنې ونهمنلې، ټرمپ چمتو دی چې ډېر ژر پر ایران پراخ پوځي برید وکړي.
د ټرمپ د ادارې چارواکي په دې باور دي، چې ایراني چارواکي د وخت په ضایع کولو سره غواړي امریکا تېر باسي.
یادې رسنۍ ټینګار کړی، چې په اسراییل کې داسې انګېرنه موجوده ده چې برخلیک ټاکونکې شېبه نږدې شوې ده.
د یادې رسنۍ د راپور پر بنسټ، پر ایران د امریکا د پوځي اقدام وخت نږدې شوی او ښايي د امریکا لهخوا په راتلوونکو څو ورځو کې پوځي اقدام وشي.
