ټرمپ د فضايي موجوداتو په اړه د اسنادو خپرولو امر وکړ
د امریکا ولسمشر ډونالډ ټرمپ اعلان کړی، چې د جګړې وزارت او نورو ادارو ته به لارښوونه وکړي؛ څو د فضايي موجوداتو او ناپېژندل شويو الوتونکو شيانو اړوند دولتي اسناد خپاره کړي.
دغه اقدام په داسې حال کې کېږي، چې د امريکا پخواني ولسمشر بارک اوباما تازه ويلي چې د ځمکې بهر موجوداتو موضوع واقعي ده. ټرمپ د جورجيا ايالت د سفر پرمهال خبريالانو ته د اوباما د څرګندونو په اړه وويل: «هغه دغه معلومات له محرمو اسنادو ترلاسه کړي وو؛ خو دا کار يې بايد نه وای کړی».
اوباما وړانې ويلي و، داسې کوم ثبوت یې نهدی ليدلی چې ګواکې فضايي موجوداتو دې ځمکې ته سفر کړی وي؛ خو باور لري چې د کایناتو د پراخوالي له امله ښايي په بل ځای کې مېشت وي.
هغه د دغه پوښتنې په ځواب کې «کله چې ولسمشر شوئ، لومړۍ پوښتنه مو څه وه چې غوښتل مو په ځواب يې وپوهېږئ؟» په ټوکه وويل: «پردي (فضايي موجودات) چېرته دي؟»
د ۲۰۱۹کال په جون میاشت کې د برېتانيا د سروې شرکت (یوګوو) لهخوا ترسره شوې نظرپوښتنه ښيي، ۵۴ سلنه امريکايان باور لري چې ښايي حکومت د ناپېژندل شويو الوتونکو شيانو په اړه تر هغه څه ډېر معلومات ولري چې اعلان کړي یې دي.
