ملګري ملتونه: له ۲۰۲۲ کال راهیسې په اوکراین کې له ۵ زرو څخه زیاتې ښځې او نجونې وژل شوې دي
ملګري ملتونه وایي، چې د ۲۰۲۲ کال د فبرورۍ میاشتې راهیسې، کله چې پر اوکراین د روسیې له خوا پراخ یرغل پیل شو، تر دا مهاله له ۵ زرو څخه زیاتې ښځې او نجونې وژل شوې او ۱۴ زره نورې ټپیانې شوې دي.
په جنیوا کې د ملګرو ملتونو د ښځو څانګې مشرې صوفیا کالټروپ د جمعې په ورځ په یوې خبري ناسته کې خبریالانو ته وویل چې دغه شمېرې د جګړې له پیل راهیسې ثبت شوې دي.
