پر لبنان د اسراییل په بریدونو کې د حزب‌الله د یوه جګپوړي چارواکي په ګډون ۱۰ کسان وژل شوي

رویټرز ویلي، چې یادو امریکايي چارواکو د په نښه کېدونکو کسانو په اړه نور جزییات نه‌دي ورکړي او دا یې هم نه‌ده څرګنده کړې، چې د امریکا پوځ به له پراخو ځمکنیو ځواکونو پرته د رژیم د بدلولو لپاه څه ډول اقدام وکړي.

رویټرز اژانس تېره اونۍ هم راپور ورکړی وو، چې د امریکا پوځ د ایران پړ وړاندې د څو اونیو دوامدارو عملیاتو لپاره چمتوالی نیسي او په یادو عملیاتو کې به د ایران پر امنیتي تاسیساتو او همدارنګه د یاد هېواد پر اټومي زیربناوو بریدونه هم شامل وي.

یوه امریکايي چارواکي ویلي: «تمرکز پر هغو کسانو دی چې د سپاه پاسداران ځواکونو قومانده او کنټرول په واک کې لري. خو د داسې کسانو په نښه کول پراخو اضافي سرچینو ته اړتیا لري».

په دې وروستیو کې د امریکا ولسمشر په ښکاره توګه په ایران کې د حکومت د بدلولو احتمال مطرح کړی او تېره اونۍ یې ویلي وو: «داسې ښکاري چې دا به تر ټولو غوره پېښه وي چې رامنځته کېدای شي».

په ورته مهال سپاه پاسداران خبرداری ورکړی، که امریکا د ایران پر خاوره برید وکړي، دوی به هم په سیمه کې د امریکا د پوځي اډو پر وړاندې غچ اخیستونکي اقدامات ترسره کړي.

د یاد سازمان په خبرپاڼه کې ویل شوي، چې د امریکا کانګرس باید ټولې ممکنه هڅې وکړي، څو د قضایي ځواک خپلواکي تأمین کړي، د قاضیانو، وکیلانو او د قضایي ادارو کارکوونکو ملاتړ وکړي او د قضایي ځواک مشروعیت یقیني کړي، چې د اجراییه قوې څارنه وکړي، څو د بشري حقونو سرغړونه او ناعادلانه چلندونه رامنځته نه‌شي.

د بښنې نړیوال سازمان ټینګار کړی، چې د قضایي ځواک کمزوري کول کولی شي د بشري حقونو د رعایت او د عادلانه محاکمې په برخه کې جدي خطرونه رامنځته کړي. د امریکا سترې محکمې د ډونالډ ټرمپ له لوري لګول شوې ګمرکي تعرفې لغو اعلان کړي او دا کار یې ناقانونه بللی، خو ورسره هم‌مهاله بیا ټرمپ په یو‌ ځانګړي اقدام کې د نړۍ په ټولو هېوادونو د ۱۵۰ورځو لپاره لس سلنه ګمرکي تعرفې وضعه کړې.

ډونالډ ټرمپ د نړۍ پر ټولو هېوادونو د ۱۵۰ ورځو لپاره لس سلنه ګمرکي مالیه ولګوله | افغانستان انټرنشنل پښتو

د بښنې نړیوال سازمان د ټرمپ دغه اقدام غندلی او ویلي یې دي، چې دا چاره په امریکا کې د محاکمو او قضایي ادارو خپلواکي تر پوښتنې لاندې راولي.

د امریکا ولسمشر ډونالډ ټرمپ د جمعې په ورځ (د کب لومړۍ) په سپینه ماڼۍ کې د یوه خبري کنفرانس پر مهال ویلي، چې په نسبتا لنډ وخت کې په ایران کې ۳۲۰۰ کسان وژل شوي دي.

نوموړي زیاته کړې: «د ایران خلک له خپلو مشرانو څخه ډېر توپیر لري او دا یو ډېر، ډېر، ډېر خواشینونکی حالت دی. زه په حقیقت سره د ایران د خلکو لپاره خواشینی یم، دوی په دوزخ کې ژوند کوي».

نوموړي د ایران په اړه یادې څرګندونې پر داسې مهال کړي، چې هغه تېره ورځ ایراني چارواکو ته پریکنده خبرداری ورکړ، چې د اټومي هوکړې نه‌کولو له امله به ایران له بدو پېښو سره مخ شي.

د امریکا د استازو جرګې غړي وایي، دغه چاره ځکه کوي، څو ټرمپ پرته د کانګرس له اجازې د ایران پر وړاندې پوځي اقدام ونه‌کړي.

د امریکا د اساسي قانون له‌مخې، د جګړې اعلان د کانګرس واک دی، نه د ولسمشر؛ پرته له هغو محدودو حالاتو چې د ملي امنیت له امله اړینه وي، محدود پوځي عملیات ترسره شي. همدارنګه، د رویټرز خبري اژانس تېره اونۍ راپور ورکړ، چې د امریکا پوځ د دې امکان لپاره چمتووالی نیسي، که ټرمپ د برید امر ورکړي، څو اونۍ باید اوږده یا پراخ پوځي عملیات ترسره کړي.

په تېرو کلونو کې، د کانګرس ګڼو غړو، له دواړو ګوندونو جمهوري غوښتونکو او ډیموکراتانو څخه، هڅه کړې چې د پرېکړو له لارې ولسمشر د نورو هېوادونو پر وړاندې د پوځي اقدام له ترسره کولو څخه د کانګرس له اجازې پرته منع کړي، خو دا هڅې تر اوسه ناکامه شوې دي.

جمهوري غوښتونکي چې په سنا او د استازو په مجلس کې لږ اکثریت لري، دا پرېکړې بندې کړي او دلیل یې دا دی، چې کانګرس باید د ملي امنیت په برخه کې د ولسمشر واک محدود نه‌کړي.

په تازه اقدام کې، ډیموکرات سناتور ټیم کین د ویرجینیا ایالت او جمهوري غوښتونکی سناتور رند پال د کنټاکي ایالت د تېرې میاشتې په پای کې داسې مساله په سنا کې ثبت کړې، چې د ایران پر وړاندې هر ډول توند اقدام په روښانه ډول د کانګرس د اجازې په صورت کې ترسره شي.

ټیم کین د جمعې په ورځ (د کب لومړۍ) په یوې اعلامیه کې ویلي: «که زما ځینې همکاران د جګړې ملاتړ کوي، باید زړورتیا ولري چې د جګړې په اړه رایه ورکړي او خپلو رأی ورکوونکو ته جواب ویونکي وي، نه دا چې د خپلو مېزونو ترشا پټ شي». دا څرګندونې په داسې حال کې وشوې، چې د امریکا تجهیزات او پوځي ځواکونه سیمې ته لېږدول کېدل.

د سناتور کین یوه مرستیال ویلي، چې تر اوسه د دې پرېکړې د څېړنې لپاره په سنا کې کوم ځانګړی وخت نه‌دی ټاکل شوی.

په استازو مجلس کې هم، د جمهوري غوښتونکو استازی ټوماس‌مسي او د ډیموکراتانو استازی رو خانا ویلي، چې د راتلونکې اونۍ په جریان کې به د ورته پرېکړې د رایې ورکولو هڅه وکړي.

رو خانا پر خپله اېکس‌پاڼه یو پېغام کې ویلي: «د ټرمپ د حکومت چارواکي وايي، چې د ایران پر وړاندې د برید ۹۰ سلنه امکان شته. هغه پرته د کانګرس د اجازې داسې اقدام نه‌شي کولای».

د اوکراین ولسمشر ولادیمیر زېلېنسکي د جمعې په ورځ (د کب لومړۍ) له فرانسې خبري اژانس سره د اوکراین او روسیې د جګړې په تړاو په تازه مرکه کې ویلي: «تاسو نه‌شئ ویلای چې موږ جګړه بایلو؛ موږ یې په یقیني توګه نه‌بایلو. اوسنۍ اساسي پوښتنه داده، چې ایا موږ به یې وګټو؟ او دا یوه ډېره قېمتي پوښتنه ده».

نوموړي دا څرکندونې پر داسې مهال کړي، چې روسیه پر اوکراین فشار راوړي‌، څو د سولې په بدل کې د «ډونباس» سیمه مسکو ته خوشې کړي.

زېلېنسکي زیاته کړې: «امریکایان او روسان دواړه وايي،که غواړئ جګړه همدا سبا پای ته ورسېږي، له ډونباس څخه ووځئ».

له ډونباس څخه د اوکراین د وتلو خبرې په داسې مهال کېږي، چې زېلېنسکي په خپلې تازه مرکه کې ویلي، چې ځواکونه یې د سویل په لومړیو کرښو کې ځوابي بریدونو کې د پرمختګ په حال کې دي.

زېلېنسکي زیاته کړې: «زه به ډېرو جزییاتو ته نه‌ځم، خو نن کولی شم چې تر هر څه وړاندې خپل پوځ او ټولو دفاعي ځواکونو ته مبارکي ووایم، ځکه چې تر نن ورځې ۳۰۰ کیلومتره ځمکه ازاده شوې ده».

زېلېنسکي همداراز ویلي، که چېرې د کېیف او مسکو ترمنځ اوربند کېږي، نو د اروپا سوله‌ساتي ځواکونه باید یوازې په خوندي سیمو کې نه، بلکې د جګړې په لومړۍ کرښو کې د اوکرایني سرتېرو ترڅنګ ځای پر ځای شي، څو د روسیې د راتلونکو بریدونو مخه ونیول شي.