د امریکا پوځ: ختیځ ارام سمندر کې درې تنه د نشهیي توکو قاچاقبر وژل شوي
د امریکا پوځ وایي، د ختیځ ارام سمندر په اوبو کې یې د نشهیي توکو د قاچاق په یوه عملیات کې درې پېژندل شوي «د نشه یي توګو ـ ترهګر» وژلي دي.
امریکايي چارواکو ویلي چې دغه کسان د جمعې په ورځ په هغه بېړۍ کې وو چې د نشهیي توکو د قاچاق په عملیاتو کې ښکېله وه.
د معلوماتو له مخې، پوځي ځواکونو یاد عملیات د ختیځ ارام سمندر په سیمه کې ترسره کړي، خو د پېښې د دقیق ځای او د وژل شویو کسانو د هویت په اړه نور جزیات نه دي خپاره شوي.
