ایران د اروپايي ټولنې د غړو هېوادونو سمندري او هوايي ځواکونه "ترهګر" اعلان کړل
ایران د اروپايي ټولنې د غړو هېوادونو سمندري او هوايي ځواکونه "ترهګر" اعلان کړل. د ایران د بهرنیو چارو وزارت ویلي، دغه ګام یې د اروپايي ټولنې د هغې وروستۍ پرېکړې په غبرګون کې پورته کړی، چې سپاه پاسداران یې د ترهګرو په نوملړ شامل کړی و.
اروپايي ټولنې څو ورځې وړاندې د ایران د سپاه پاسداران نوم د ترهګرو ډلو په نوملړ کې شامل کړ او د دې پرېکړې لامل په ایران کې د وروستیو اعتراضونو پر ضد د تهران له لوري د سخت زور کارول بلل شوی دی.
د ایران د بهرنیو چارو وزارت بیا د اروپايي ټولنې د بهرنیو چارو وزیرانو دا پرېکړه غېرقانوني، بېبنسټه او «منافقانه» بللې چې لهمخې یې د سپاه پاسداران ډله د «ترهګرو په نوملړ» کې شامله کړې ده.
