تهران واشنګټن ته پیغام استولی چې په خپل اټومي پروګرام کې نرمښت ښودلو ته چمتو دی
اسرایيل هیوم راپور ورکړی، چې ایران د عمان له لارې متحده ایالاتو ته یو نوی پیغام لېږلی او اعلان یې کړی، چې چمتو دی په خپل اټومي پروګرام کې لا ډېر نرمښت وښيي، خو په دې شرط چې اجازه ورکړل شي په خپله خاوره کې د یورانیمو د غني کولو تاسیسات او سانتریفیوژونه وساتي.
د دې وړاندیز لهمخې، دا تاسیسات به د یوې لنډمهالې دورې تر پایه فعال نه وي او د اټومي انرژۍ د نړۍوال اژانس تر سختې څارنې لاندې به فعالیت کوي. تهران ټینګار کوي، چې د یورانیمو غني کول به یوازې د غیر پوځي موخو لپاره وي.
باخبرو لوېدیځو سرچینو ویلي، دا پیغام وروسته له هغه ولېږل شو چې امریکا په جنیوا کې د ایران پر وړاندیز ناخوښي څرګنده کړه. نوی وړاندیز په واشنګټن کې تر څېړنې لاندې دی، خو لا هم د امریکا د غوښتنو تر پوره کېدو پورې ډېر واټن لري.
