پر ختیځ لبنان د اسراییل بریدونو کې لږ تر لږه ۱۰ کسان وژل شوي او ۵۰ نور ټپیان دي
د لبنان په ختیځ کې د بقاع درې پر سیمې د اسراییل هوايي بریدونو په پایله کې لږ تر لږه ۱۰ کسان وژل شوي او ۵۰ نور ټپیان دي.
دوو امنیتي سرچینو رویټرز ته ویلي چې دا بریدونه د جمعې په ورځ د بعلبک سیمه کې شوي.
د اسراییل پوځ ویلي چې د حذب الله اړوند د قوماندې مرکزونه یې د بعلبک په سیمه کې په نښه کړي او زیاته کړې یې ده چې د وژل شویو کسانو په منځ کې د دې ډلې یو لوړپوړی غړی هم شامل دی. تر اوسه حذب الله په دې اړه څه نه دي ویلي.
