مایک هاکبي: ایران باید ډونالډ ټرمپ هم په مذاکراتو او هم د زور په کارولو کې جدي ونیسي
په اسرایيل کې د امریکا سفیر مایک هاکبي د شنبې په ورځ له "نیوز مکس" سره په خبرو کې ویلي، چې د ایران رژیم باید د امریکا ولسمشر ډونالډ ټرمپ هم د مذاکراتو په ډګر کې او هم د زور په کارولو کې جدي وګڼي.
نوموړي زیاته کړې: «جګړه ښايي یوازینۍ لاره وي چې ایران پرې د جدیت کچه درک کړي او پوه شي چې موږ څومره جدي یوو».
هاکبي ویلي، چې ایران څو میاشتې وړاندې د ټرمپ جدیت درک نهکړ او «له همدې امله پښېمانه شو».
هاکبي له نیوز مکس سره په خبرو کې ویلي، ټرمپ غواړي چې ایران د یورانیمو غني کول او د بالسټیک توغندیو جوړولو بهیر ودروي.
نوموړي زیاته کړې: «دا کارونه وکړئ او ښایي موږ یوې هوکړې ته ورسېږو او سوله وکړو. خو که ایران یې ونهمني، نو موږ ته نور ټول انتخابونه هم د مېز پر سر پراته دي».
