د نفتو بازار د پرانیستې په لومړیو شېبو کې؛ د تېلو بیې په بې‌سارې ډول لوړې شوې دي

هغه پر ایکس پاڼه څرګنده کړې، چې د پاکستان وروستي بمبارۍ یوازې د تحریک طالبان پاکستان پر ضد نه وې؛ بلکې اصلي موخه د افغانستان او سیمې بې‌ثباته کول وو. هغه ویلي: «د ولسمشر ټرمپ څرګندونه چې کار ښه روان دی، ښايي د پاکستان لپاره د شین چراغ معنا ولري».

نوموړي زیاته کړې، چې پاکستان اوږده تجربه لري او د لوېدیځ د پالیسیو په تطبیق کې یې تل د مجري په توګه عمل کړی دی. هغه ټینګار کړی، چې اوس‌مهال د ایران اړوند ستونزې، د چین د سترو پروژو مخنیوی، مرکزي اسیا ته د بې‌ثباتۍ غځول او په افغانستان کې د امریکا پاتې وسلو له‌منځه وړل د پاکستان او امریکا د نوې ستراتیژۍ برخه ده.

هغه ویلي، پر ایران د امریکا او اسراییل برید د سیمې امنیت له ګواښ سره مخ کړی او راتلونکی تمرکز به ښايي مرکزي اسیا او د چین اقتصادي ګټې، د روسیې نفوذ او د نفتو زېرمو ته لاسرسی وي.

هغه په پای کې ټینګار کړی، چې په ختیځ او سوېل کې له پاکستان سره کړکېچ، په لویدیځ کې د ایران جګړه او د سیمې اقتصادي حالت د افغانستان لپاره د اندېښنې وړ دي. هغه په خپلو څرګندونو کې ویلي، چې د افغانستان او سیمې راتلونکې مسیر لاروښانه نه‌دی؛ خو د وروستیو تحولات یوه برخه یې له مخکې نه د اټکل وړ ده.

سارا اډمز پر اېکس پاڼه کاږلي، یاد بریدونه د طالبانو هغه مرکزي زېرمتون هم په نښه کړی چې د افغانستان په مرکزي او شمالي ولایتونو کې د وسلو د وېش لپاره کارول کېده. د هغې په وینا؛ په دغه برید کې د پوځي کچې د مهماتو لویه اندازه له‌منځه تللې ده.

نوموړې زیاته کړې، چې د مرګ‌ژوبلې کره شمېر لاهم روښانه نه‌دی؛ خو لږترلږه ۱۳ طالبان وژل شوي دي، چې نومونه او د اوسېدو سیمې یې هم یادې کړې دي.

لاتراوسه د دغه ادعاوو په اړه د طالبانو او یا هم د پاکستان د پوځ له‌خوا رسمي غبرګون نه‌دی خپور شوی او د خپلواکو سرچینو له لوري هم دغه معلومات نه‌دي تایید شوي.

د پولیسو او ځايي ادارو په وینا؛ دغه اقدامات د پاکستان او طالبانو ترمنځ تر وروستیو نښتو وروسته سخت شوي دي. د پېښور پولیسو ویلي، د ښار په بېلابېلو سیمو کې یې چاپې وهلې او بې‌اسناده افغانان یې نیولي؛ خو د ټولو نیول شویو کره شمېر لا روښانه نه‌دی.

په جمرود کې تر ۵۰ ډېر افغانان نیول شوي او د قانوني بهیر تر بشپړېدو وروسته به له دغه هېواده واېستل شي. ورته عملیات په لنډي کوتل کې هم پیل شوي، چې نږدې لس کسان د تورخم له لارې افغانستان ته ستانه کړای شوي دي.

بل لور ته د ډيورنډ په کرښه د روان وضعیت له امله د لنډي کوتل بازار د دویمې ورځې لپاره هم تړلی و. همداراز د سوات پولیسو هم ۸۰ کسان نیولي دي. د بنو په ولسوالۍ کې هم د بې‌اسناده افغانانو پر ضد ۵۰ قضیې ثبت شوې دي.

په همدې حال کې د مهمند ولسوالۍ ادارې په حلیمزۍ او صافي حوزو کې مېشتو افغانانو ته وروستی خبرداری ورکړل شوی، چې د پېښور ځانګړو پنډغالو ته ولاړ شي؛ کنه له سخت قانوني چلند سره به مخ شي.

محمد معصوم ستانکزي زیاته کړې: «که د افغانستان پوځ د پردیو په اشاره دوه ځله په بشپړه ټوګه نه‌وای ړنګ شوی، ملی او جهادي قوت په یوه قوت بدل شوی وای، نن به افغانستان په سیمه کی تر ټولو پیاوړی پوځ درلود او چا به هیواد ته په بده سترګه نشوای کتلی او د تېري جرات به یی نشو کولی. اوس هم د ستری پانګی ساتلو ته اړتیا ده».

هغه د کب ۹مې د سرتېري ملي ورځې ته په اشارې څرګنده کړې، افغان سرتېرو تل د هېواد او خلکو لپاره قرباني ورکړې او ټولنه د ملي یووالي د سمبول په توګه ورته درناوی لري.

د هغه په وینا: «د کب د ۹مې نمانځل په اوسنی حالت کې یوه خاصه ځانګړتیا لري، ځکه هېواد ورته اړتیا لري».

د کب ۹مه د سرتېري له ملي ورځې سره برابره ده. واک ته د طالبانو له بیا رسېدو وړاندې به دغه ورځ د افغانستان په بېلابېلو برخو کې د شانداره مراسمو په جوړېدو سره نمانځل کېده او خلکو به هم سرتېري د ګلونو په ګېډیو نازول.

د طالبانو له بیا واکمنېدو سره دغه ورځ نه نمانځل کېږي او همداراز په افغانستان کې د پخوانیو سرتېرو ژوند له ګواښونو سره مخ دی.

د افغانستان د خبریالانو مرکز د یوې اعلامیې په خپرولو سره د طالبانو د اطلاعاتو او کلتور وزارت له‌خوا د «راه فردا» ټلوېزیون تړلو ته سخت غبرګون ښودلی او یاده کړنه یې د بیان د ازادۍ او د ازادو رسنیو له اساسي اصولو سره په ټکر کې بللې ده.

د افغانستان د خبریالانو مرکز ویلي، چې طالبان باید د سیاستوالو د څرګندونو له امله رسنۍ بندې نه‌کړي.

په اعلامیه کې راغلي: «واکمن چارواکي باید د بیان ازادۍ او د هېواد د وضعیت په اړه د اشخاصو شخصي نظرونو ته که ورسره موافق وي او که نه، درناوی وکړي او د اړوندو رسنیو له تړلو ډډه وکړي».

دا په داسې حال کې ده، چې د طالبانو د اطلاعاتو او کلتور وزارت د شنبې په ورځ د یوې خبرپاڼې په خپرولو سره ویلي و: «د راه فردا ټلوېزیون د نشراتو د درولو او د محمد محقق د ملکیتونو د مصادره کولو پرېکړه له دې امله وشوه، چې نومړي د پاکستان د پوځي رژیم له لوري د افغان ملکي وګړو بمبار جایز بللی او د اسلامي امارت انتقامي بریدونه یې غندلي وو».