تادین خان: که پاکستان خپله ناکامه پالیسي بدله نهکړي د افغانانو له ملي قیام سره به مخ شي
د افغانستان په تېر جمهوري نظام کې د کندهار امنیه قوماندان تادین خان اڅکزي اسلاماباد ته خبرداری ورکړ، چې که د افغانستان پر وړاندی خپله اوسنۍ «ناکامه» او «بدنامه» پالیسي بدله نهکړي، نو د افغانانو له ملي پاڅون سره به مخ شي.
تادین خان پر کابل او یو شمېر نورو ولایتونو د پاکستان د دوشنبې شپې د بریدونو په غبرګون کې ویلي، چې بهرنیو لاسوهنو هېواد ته داخلي جنګونه راوړي او افغان ملت يې په پردیو جګړو کې ښکېل کړی.
نوموړي زیاته کړې، «له دې سره سره پاکستان دې دا نه هېروي چې افغانان یو لوی ملت دي او حکومتونه هېوادونه نهشي ساتلی، دا ملتونه دي چې هېوادونه ساتي».
تادین خان د نړۍوالو له امنیتي او بشري حقونو اړوندو سازمانونو څخه غوښتنه کړې، چې په افغانستان کې د پاکستان د پوځ بریدونو د څېړلو لپاره دېیوه کمېټه جوړه کړي.
هغه همداراز ویلي: «موږ په افغانستان کې د عاجلې، ریښتینې ملي لویې جرګې د جوړېدو غوښتنه کوو، تر څو ملت خپل سرنوشت، اساسي قانون، مشروع حکومتولي، بهرنۍ او داخلي پالیسي او ستراتیژیکې ګټې پخپله پکې تعریف کړي».
