څلور امریکایي ستورمزلي د «ارتېمز ۲» ماموریت لپاره فضا ته واستول شول
د امریکا د فلوریډا ایالت څخه څلورو امریکایي ستورمزلو د ناسا د «ارتېمز ۲» ماموریت لپاره فضا ته الوتنه وکړه، چې د سپوږمۍ په شاوخوا ۱۰ورځنی سفر هم په کې شامل دی.
د امریکا د فلوریډا ایالت څخه څلورو امریکایي ستورمزلو د ناسا د «ارتېمز ۲» ماموریت لپاره فضا ته الوتنه وکړه، چې د سپوږمۍ په شاوخوا ۱۰ورځنی سفر هم په کې شامل دی.
د رویترز خبري اژانس د چهارشنبې په ورځ راپور ورکړ، چې دا ماموریت د دې لسیزې لپاره د انسان د سپوږمۍ سطحې ته د بیرته رسولو تر ټولو لوی ګام ګڼل کېږي، او د چین د لومړي انسان چلوونکي ماموریت څخه مخکې ترسره کېږي.
ناسا ویلي، دا ماموریت د اوږدمهاله پلان یوه مهمه برخه ده چې موخه یې د انسان د سپوږمۍسطحې ته د بیرته راستنیدو او د فضا په ساحه کې د دوامداره شتون رامنځته کول دي.
دا ماموریت په داسې حال کې پیل کېږي چې د امریکا او چین ترمنځ فضایي سیالي زیاته شوې او نړیواله توجه د دواړو هېوادونو د فضایي پروګرامونو پر لور جلب شوې ده.
