د بلوچستان په کوټه کې د ځمکې پر سر د نښتې له امله د يوې ښځې په ګډون پنځه کسان وژل شوي
د بلوچستان د کوټې ښار د سریاب کيچي بېګ پوليستاڼې اړوند سيمه کې د ځمکې پر سر د نښتې له امله د يوې ښځې په ګډون پنځه کسان وژل شوي دي. د پولیسو په وینا؛ په دغه نښته کې وسلې هم کارول شوې دي.
ځایي پوليسو ویلي، د یادې پېښې د تورنو کسانو پر ضد مقدمه ثبت شوې او د هغوی د نيولو لپاره په بېلابېلو سيمو کې چاڼیز عملیات روان دي. پولیسو زياته کړې، د پېښې د ټولو اړخونو په اړه پلټنې لاهم دوام لري.
