طالبان وایي د بدن ښکلا ۱۸ کسیزه لوبډله د جنوبي اسیا سیالیو لپاره بوتان ته روانه شوه

د دغې ادارې په وینا، د لوبډلې د رخصتۍ په مراسمو کې د طالبانو تر واک لاندې د بدني روزنې او ورزش عمومي ریس، احمدالله وثیق هم ګډون کړی وه.

دغه سیالۍ د اتو هېوادونو په ګډون د چنګاښ پر ۹مه پیلېږي او تر ۱۳مې نېټې پورې به دوام وکړي.

تر دې وړاندې د افغانستان د بدن ښکلا فدراسیون چارواکو ویلي و چې ، ټاکل شوې ده چې دغه لوبډله په خپل شخصي لګښت په یادو سیالیو کې ګډون وکړي.

همداراز دغه فدراسیون ویلي و، چې ۱۶ لوبغاړي به له څلورو پلاويو سره په دغه سیالیو کې د افغانستان استازیتوب وکړي.

په دغه سیالیو کې به د هند، پاکستان، بنګله‌دېش، سریلانکا، نیپال، بوتان، مالدیف او افغانستان په ګډون د سویلي اسیا هېوادونه برخه واخلي.