په ګویانا کې د کښتۍ ډوبېدو پېښه کې ۴۱ کسان مړه شوي

هغې پر اېکس پاڼه لیکلي چې د نورستان شریف خلک له دې وړاندې هم له سختې بې‌وزلۍ، ګڼو ستونزو او د لومړنیو ټولنیزو خدماتو له نشتوالي سره لاس او ګرېوان وو او اوس دغو سېلابونو د هغوی ژوند نور هم له ګواښ سره مخ کړی دی.

فوزیه کوفي وایي چې دوی هم د خپل توان تر کچې له ځایي خلکو سره په همغږۍ او اړیکه کې دي او چمتو دي چې د مرستې رسولو په بهیر کې برخه واخلي.

مېرمن کوفي په داسې حال کې د نورستان له سېلاب ځپلو سره د بېړنیو مرستو غوښتنه کوي چې په دې وروستیو کې د هېواد په بېلابېلو سیمو، په ځانګړي ډول په نورستان کې خونړیو سېلابونو خلکو ته درانه ځاني او مالي زیانونه اړولي او د مرستندویه ادارو د راپورونو له مخې سلګونه کورنۍ بېړنیو خوراکي او غیرخوراکي توکو ته جدي اړتیا لري.

بل لور ته، د طالبانو د پېښو پر وړاندې د چمتووالي ادارې اعلان کړی چې په نورستان کې د سېلابونو له امله د مړو شویو کسانو رسمي شمېر ۲۳ ته لوړ شوی او تر ۱۰۰ ډېر نور لا هم لادرکه دي.

په ورته وخت کې، اروپايي ټولنې او په کابل کې د ایران، ترکیې، بریتانیا او جاپان سفارتونو د دغو سېلابونو له قربانیانو سره همدردي ښودلې او د کډوالۍ نړیوال سازمان سیمې ته د خپلو مرستندویه ډلو د لېږلو خبر ورکړی دی.

ټرمپ دغه څرګندونې د لبنان له ولسمشر جوزف عون سره د لیدنې په څنډه کې خبریالانو ته وکړې او ویې ویل، امریکا د ایران پوځي توان «په جدي او پراخه کچه» کمزوری کړی دی.

هغه زیاته کړه، ایران وتوانېد چې ځینې تجهیزات د اردن له لارې ولېږدوي، خو که هلته نور عملیاتي ځواکونه موجود وای، ښايي دا کار ممکن نه وای. د هغه په وینا، امریکا د نړۍ تر ټولو پرمختللي پوځي تجهیزات لري او «نږدې هر څه یې درولي دي».

ټرمپ همدارنګه وویل: «ایران کولای شي خبرې وکړي، که نه نو باید د جګړې وزارت سره مخ شي».

د امریکا ولسمشر ادعا وکړه چې پر ایران بشپړه محاصره لګېدلې او هېڅوک نه شي کولای له هغې تېر شي. د هغه په ټکو، «دا محاصره د فولادي دېوال په څېر ده».

ټرمپ د حزب‌الله سره د احتمالي خبرو په اړه هم وویل، له هر اړخ سره خبرو ته چمتو دی، حتی له هغو ډلو سره چې د ده په وینا، ډېر کسان باور لري چې باید ورسره خبرې ونه شي.

هغه زیاته کړه، که د لبنان ولسمشر ترې غوښتي وای چې له حزب‌الله سره خبرې وکړي، نو دا کار به یې کړی وای، ځکه د ده په وینا، د لبنان ولسمشر له اوږدې مودې راهیسې د حزب‌الله له موضوع سره مخامخ دی.

ښاغلي لیندسي په ایمس خواله رسنۍ کې لیکلي چې په نورستان کې د سېلابونو له امله د اوښتو درنو ځاني او مالي زیانونو راپورونو سخت خواشینی کړی دی.

د برېټانیا ځانګړي استازي د دغې پېښې له قربانیانو سره د خپل هېواد پر همدردۍ ټینګار کړی او څرګنده کړې یې ده چې په دې سختو شرایطو کې د زیانمنو شویو کورنیو تر څنګ ولاړ دي. دا په داسې حال کې ده چې په سیمه کې لا هم د ژغورنې او مرستې رسونې عملیات په سختو شرایطو کې دوام لري.

په نورستان کې دغو ناڅاپي سېلابونو پراخ مالي او ځاني زیانونه اړولي او د سیمې د اوسېدونکو ګڼ کورونه او کرنیزې ځمکې یې هم ویجاړې کړې دي. د ژغورنې ډلې هڅه کوي چې په بند پاتې شویو سیمو کې له خلکو سره مرستې وکړي او لادرکه شوي کسان ومومي.

د طالبانو د پېښو پر وړاندې د چمتووالي ملي ادارې د چنګاښ په ۳۰مه اعلان وکړ چې په نورستان کې د سېلابونو له امله د مړو شویو کسانو شمېر ۲۳ ته لوړ شوی دی. د دغې ادارې د ویاند د مرستیال په وینا، تر اوسه د ۱۵ کسانو جسدونه موندل شوي، تر ۱۰۰ ډېر کسان لادرکه دي او ۸۰ نور ټپیان دي. بل خوا، اروپايي ټولنې او په کابل کې د اسلامي جمهوریت

د ترکیې د چارواکو د معلوماتو له مخې، نیول شوي افغان کډوال د کرکلارلي ښار د جبري ستنولو مرکز ته لېږدول شوي دي، څو د قانوني بهیر له بشپړېدو وروسته پرې لازم اقدامات وشي.

چارواکو همدارنګه د موټر چلوونکی او یو بهرنی وګړی د کډوالو د قاچاق په تور نیولي او ویلي یې دي چې د دوسیو د څېړنې لپاره یې عدلي او قضايي ارګانونو ته سپارلي دي.

ترکیې په وروستیو کلونو کې، په ځانګړي ډول اروپا ته د تلونکو لارو په اوږدو کې، د خپلو پولو امنیتي تدابیر سخت کړي او د ناقانونه کډوالو د نیولو او ایستلو لپاره یې پراخ عملیات ترسره کړي دي.

د ترکیې د کډوالۍ ادارې تر دې وړاندې ویلي وو چې د روان میلادي کال په لومړیو شپږو میاشتو کې په ټول هېواد کې ۱۹زره او ۵۷۴ افغان کډوال نیول شوي دي.

د دغې ادارې د شمېرو له مخې، افغانان په ترکیه کې د نیول شویو ناقانونه کډوالو تر ټولو لویه ډله جوړوي.

د رویټرز د راپور له مخې تمه کېږي چې نوی ګوند به د جمهوري غوښتونکي ولسي ګوند (CHP) له رایه ورکوونکو او پارلماني غړو څخه د وتلو لړۍ چټکه کړي.

دغه ګوند څه باندې یوه پېړۍ وړاندې د عصري ترکیې بنسټګر مصطفی کمال اتاترک جوړ کړی و.

اوزګور اوزل چې لا یې خپل نوي ګوند ته نوم نه دی ټاکلی، د مې میاشتې د یوې جنجالي محکمې د پرېکړې له مخې د جمهوري غوښتونکي ولسي ګوند له مشرۍ لرې شوی و.

محکمې د ۲۰۲۳ کال د ګوندي کانګرس پایلې لغوه کوې او د ګوند پخوانی مشر کمال کلیچداراوغلو یې بېرته د مشر په توګه وټاکه.

اوزل د ترکیې په پارلمان په وینا کې وویل، د ده او د ټیم استعفا د سیاسي فشارونو پر وړاندې تسلیمېدل نه دي، بلکې د ولسمشر اردوغان پر وړاندې د سیاسي مبارزې د نوي پړاو پیل دی.