طالبانو په هلمند کې د رسنیو مسوولینو ته ویلي چې د «خرافاتي مطالبو» پر خپرولو بندیز دی

د طالبانو د کرنې، اوبو لګولو او مالدارۍ وزارت نن شنبه، د زمري په درېیمه، وویل چې په دې لیدنه کې دواړو لوریو د افغانستان او ترکیې ترمنځ د اقتصادي همکاریو پر پیاوړتیا ټینګار وکړ.

د طالبانو د کرنې وزیر له ترکي ډیپلومات څخه وغوښتل چې د افغان سوداګرو او ناروغانو لپاره د ویزو په ترلاسه کولو کې لازمې اسانتیاوې برابرې کړي څو دوه اړخیزه سوداګري او تګ راتګ اسانه شي.

د طالبانو د کرنې، اوبو لګولو او مالدارۍ وزارت په یوه خبرپاڼه کې ویلي چې په دې کتنه کې د کرنې په سکتور کې د ترکیې د پانګونې او د افغاني کرنیزو محصولاتو لپاره د بازار موندنې په اړه هم خبرې وشوې.

عطاءالله عمري ویلي چې افغانستان د کرنې په برخه کې د پانګونې لپاره ښه فرصتونه لري او دوی په دې برخه کې د ترکي پانګوالو ملاتړ کوي.

د طالبانو کرونې وزارت د ترکیې شارژدافیر ساډین اییلډیز له قوله ویلي، چې هغه د کرنې او مالدارۍ په برخو کې د همکاریو د دوام ډاډ ورکړی او ژمنیه یې کړې، چې د افغان سوداګرو د ستونزو د هوارولو او د ویزو په برخه کې د اسانتیاوو برابرولو په تړاو به له اړوندو ترکي چارواکو سره وغږیږي.

د ایران د تایباد د دوغارون سوداګریزې ـ صنعتي ازادې سیمې د اقتصادي پراختیا مرستیال حسن نوري‌زاده ایرنا اژانس ته ویلي، چې ایران له افغانستان سره د سیستان او بلوچستان د میلک، د جنوبي خراسان د ماهیرود او د رضوي خراسان د دوغارون له رسمي پولو سره ګډه پوله لري.

د هغه په وینا، افغانستان ته د ایران د صادرېدونکو توکو ۶۰سلنه د دوغارون له رسمي سرحد څخه لېږدول کېږي.

هغه وویل، چې افغانستان ته د ایران ډېری صادرات ودانیز توکي، اوسپنه او فلزات، خوراکي توکي، مېوې او سبزيجات او نفتي محصولات دي.

له بلې خوا، ایران له افغانستان څخه تخمونه، کنجاړه او ودانیزې ډبرې واردوي.

یاد ایراني چارواکي ویلي، چې هرات د افغانستان دویم لوی اقتصادي بازار بلل کېږي. د هغه په وینا، افغانستان ته د ایران د صادرېدونکو توکو له ۹۰ سلنې زیات د هرات ښار پر لور ځي او د اسلام کلا له لارې ډېری اقتصادي تعاملات د هرات له سوداګرو او اقتصادي فعالانو سره کېږي.

د هغه په وینا، اوس مهال هره ورځ له ۱۲۰۰ څخه ډېر ایراني او بهرني باروړونکي موټر د اسلام‌کلا او دوغارون له دوو رسمي سرحدونو افغانستان او ایران ته تګ راتګ کوي.

د هغه په وینا، دا شمېر د کال په بېلابېلو موسمونو کې بدلېږي.

نوري‌زاده زیاته کړه چې د ایران او افغانستان ترمنځ د سوداګرۍ د زیاتوالي لپاره باید له ټولو شته امکاناتو استفاده وشي. د هغه په باور، دا کار به د ایران، رضوي خراسان او د تایباد د سرحدي سیمې اقتصادي وده پیاوړې کړي او په دې محرومه سرحدي سیمه کې به د دوامدارو کاري فرصتونو د رامنځته کېدو زمینه برابره کړي.

د افغانستان لپاره د ملګرو ملتونو ځانګړي راپور ورکوونکي ریچارډ بېنیټ خبرداری ورکړی چې په ایران کې مېشت افغان کډوال د امریکا او ایران ترمنځ د نښتو له امله تر ټولو زیان‌لیدونکي ډله ده چې ډېری وخت د نړیوالو له پامه غورځول کېږي.

بېنیټ د خپلې اېکس پاڼې له لارې په خپاره کړي پیغام کې لیکلي چې د ایراني چارواکو له لوري د افغان کډوالو په ګډون د اعدامونو د لړۍ دوام د غندنې وړ دی.

په ورته وخت کې، د افغان کډوالو د حقونو بنسټونو او فعالانو هم په پرله پسې ډول په ایران کې د افغانانو د خپلسرو نیولو، ځورولو او اعدامونو په اړه اندېښنې ښودلې دي.

د راپورونو له مخې، د ایران د قضایه ځواک له لوري په وروستیو میاشتو کې د څو تنو افغانانو په ګډون د اعدامونو سزاګانې عملي شوې دي چې د بشري حقونو د سازمانونو له سخت غبرګون سره مخ شوې دي.

د یاد وزارت لخوا په خپره شوې خبرپاڼه کې چې شنبې (د زمري ۳مه) حپره شوې راغلي چې د نشه‌یي توکو پر وړاندې د مبارزې ځواکونو یې په تخار کې یو کس د ۲۹ کیلوګرامه تریاکو د قاچاق په تور نیولی، چې په یوه موټر کې یې ځای پر ځای کړي وو.

د خبرپاڼې له مخې، دغو ځواکونو د کابل ښار د درېیمې امنیتي حوزې په مربوطاتو کې دوه نور کسان هم د دوه زره او ۳۶۵ نشه‌یي ګولیو د لېږد په تور نیولي دي.

بلخوا، د کابل امنیه قوماندانۍ ویلي چې امنیتي ځواکونو یې د بګرامیو ولسوالۍ په مربوطاتو کې پنځه تنه د غلا په تور نیولي دي.

بګرامیو کې د طالبانو امنیه قوماندان، ابرار احمد حاجي لبیب، ویلي چې نیول شویو کسانو د خلکو له کورونو غلاوې کولې او د امنیتي ځواکونو په عملیاتو کې ونیول شول.

د نوموړي په وینا، له نیول شویو کسانو څخه یوه وسله، یوه مخابره، یوه ریکشا او یو موټرسایکل هم ترلاسه شوي دي.

طالبان وایي، نیول شویو کسانو پر خپلو جرمونو اعتراف کړی او دوسیې یې عدلي او قضايي ارګانونو ته سپارل شوې دي.

ندیم دغه څرګندونې د خوست شیخ زاید پوهنتون د محصلانو د فراغت په مراسمو کې کړې دي.

هغه ویلي، د جمهوري نظام پر مهال د حکومت له ټولو پرېکړو اطاعت لازم نه و، ځکه د ده په وینا، په هغه نظام کې داسې چارې موجودې وې چې له اسلامي شریعت سره په ټکر کې وې. نوموړي د بانکي نظام او د سود پر بنسټ د پورونو ورکړه د هغو بېلګو په توګه یادې کړي چې د ده په باور باید رد شوې وای.

د طالبانو د لوړو زده‌کړو وزیر زیاته کړې چې د جمهوري نظام پر مهال دیني عالمانو خلکو ته ویل چې هغه چارې ونه مني چې له شریعت سره په ټکر کې وي، ځکه د ده په وینا، د هغه نظام ټولې تګلارې د منلو وړ نه وې.

ندیم د طالبانو د اوسني نظام په اړه ادعا کړې چې د دې ډلې ټولې پرېکړې د قران او حدیث پر بنسټ ولاړې دي او له همدې امله، د ده په وینا، د مشرانو له پرېکړو سرغړونه د منلو وړ نه ده.

طالب چارواکي په وار وار ټینګار کوي چې د دوی نظام د اسلامي شریعت پر بنسټ اداره کېږي، خو د دې ډلې منتقدین بیا وايي، چې طالبان شریعت په خپله ګټه کاروي او انصاف او عدالت اصل ته یې پام ندی کړی. دوی وایي طالبانو ټول واک اخیستې او د خپلې ډلې پرته بل چاته په رهبرۍ کې ځای نه ورکوي.
دوی وایي طالبانو تېر کال «د جزا قانون» په نوم خپل یو قانون کې د ټولنې خلک په څلورو برخو ویشلي او په دې کار سره یې حتی د جزا په برخه کې هم د خپلې ډلې کسان استثنی کړي.