یو شمېر لوستې افغانې ښځې وايي، د طالبانو د بندیزونو له امله یې په افغانستان کې د زده کړو، کار او مسلکي پرمختګ فرصتونه له منځه تللي او د ښه راتلونکي لپاره له خپلو ماشومانو او کورنیو سره په خطرناکو لارو ګاونډیو هیوادنو ته اړې شوې دي.
د طالبانو یو شمېر مخالفانو د پاکستان د نړیوال پارلماني کانګرس په نوښت په اسلام اباد کې د «افغانستان ستونزمن وضعیت او د سولې لار» په نوم جوړ کنفرانس کې ګډون کړی. د کنفرانس یوې ګډونوالې ستاره ایاز افغانستان انټرنشنل ته وویل، چې په کنفرانس کې امان الله پیمان او طاهر زهیر ګډون کړی.
د طالبانو د صنعت او سوداګرۍ وزارت وايي، ددغه وزارت وزیر نورالدین عزیزي د یوه پلاوي په مشرۍ د بېلاروس په بلنه دغه هېواد ته سفر کړی دی. د سفر موخه د بېلاروس د صنعت په دویم نړیوال نندارتون کې ګډون او د دواړو هېوادونو ترمنځ د اقتصادي او سوداګریزو همکاریو پراخول ښودل شوي دي.
د طالبانو د احصایې او معلوماتو ملي ادارې خبر ورکړی، چې د روان کال له پیل راهیسې په ایران کې د مېشتو نږدې ۷۴ زره افغان کډوالو هویت تثبیت شوی او هغوی ته اړوند اسناد وېشل شوي دي.
د طالبانو د عامې روغتیا وزیر نور جلال جلالي بېلاروس ته د خپل سفر په لړ کې له خپل بلاروسي سیال هودژایف الکساندر سره لیدلي. د طالبانو د روغتیا وزارت په وینا، دواړو لوریو د درملو، طبي تجهیزاتو او روغتیايي کارکوونکو د ظرفیت لوړونې په برخو کې پر همکاریو هوکړه کړې ده.
ټاکل شوې چې امریکايي ځواکونه تر چارشنبې پورې په عراق کې له خپلو پاتې اډو څخه هم ووځي. ایران او د هغه متحدان دا وتل د بري په توګه نمانځي. تهران اوس په هغه هېواد کې پراخ نفوذ لري چې د څه باندې دوو لسیزو جګړو په ترڅ کې پکې شاوخوا ۴۵۰۰ امریکایان وژل شوي دي.
ځايي سرچینو افغانستان انټرنشتل ته وویل، چې د غور لپاره د طالبانو د والي په دفتر کې چاودنه شوې ده. عیني شاهدان وایي چې د غور ولایت له ودانۍ څخه لوګي پورته شوي دي. ځايي سرچینې تاییدوي چې دا چاودنه په غور کې د طالبانو د والي په دفتر کې شوې ده.
د پاکستان سرحدي ځواکونو د بلوچستان ایالت د کیچ ولسوالۍ په تربت ښار کې د اېم-۸ لویې لارې د جدګال ډن په سیمه کې د ۴۵ افغان کډوالو د نیولو خبر ورکړی دی. دغه افغان کډوال د نورو قانوني اقداماتو لپاره د تربت ښار پولیسو ته سپارل شوي دي.
د طالبانو د هرات ولایت مسوولانو خبر ورکړی چې د هرات او قزاقستان د سوداګرو ترمنځ د ۲۰ میلیونه ډالرو په ارزښت سوداګریز تړونونه لاسلیک شوي. دواړو لوریو د سوداګریزو راکړو ورکړو، پانګونې او د افغانستان د صادراتو د زیاتوالي پر پراختیا ټینګار کړی.
باخبره سرچینو افغانستان انټرنشنل ته ویلي، چې د سېشنبې په سهار (د تلې ۷مه) د نورستان ولایت په کامدېش ولسوالۍ کې د ازادۍ جبهې او طالبانو ترمنځ یو وار بیا نښته پیل شوې ده. د سرچینو په وینا، دغه نښته د طالبانو له برید سره پیل شوې او د دواړو لورو ترمنځ جګړه لاهم روانه ده.
د قزاقستان د ترانسپورت وزارت خبر ورکړی، چې افغانستان ته د دغه هېواد د غلو دانو صادرات د روان زېږدیز کال په لومړیو اتو میاشتو کې څلور برابره زیات شوي او ۶۵۵زره ټنو ته رسېدلي دي.
افغانستان انټرنشنل ته په رسېدلې ویډیو کې ښکاري، چې ډیورنډ کرښې ته څېرمه د کندهار په سپین بولدک ولسوالۍ کې طالبان یوشمېر ماشومان سخت وهي. سرچینو ویلي، چې دغه ماشومان پر کرښه د قاچاق په تور نیول شوي دي. د طالبانو لهخوا له ماشومانو سره دغه تاوتریخجن چلند سخت غبرګونونه راپارولي دي.
په نیمروز کې د طالبانو د اطلاعاتو او فرهنګ ریاست خبر ورکړی، چې د زرنج ښار په درېیمه حوزه کې د یادې ډلې ځواکونو د انساني قاچاق ۳ پټنځایونه کشف کړي. د یاد ریاست د معلوماتو له مخې، د عملیاتو پرمهال تر ۱۰۰ ډېرو مساپرو د قاچاق مخه نیول شوې.
د مخالفو ډلو تر فعالیتونو وروسته د طالبانو د مشر په سپارښتنه په بلخ کې د یادې ډلې د والي په مشرۍ د طالبانو د استخباراتو ریاست دفاع او کورنیو چارو وزارتونو د استازو په ګډون یو پلاوی د شماللوېدیځ زون ۱۲ غرنیو ولسوالیو ته تللی او له خلکو یې د امنیت په ټینګښت کې د همکارۍ غوښتنه کړې.
سرچینو افغانستان انټرنشنل- پښتو ته ویلي، چې طالبانو په کندهار کې د نشهيي توکو په وړاندې د مبارزې پخوانی رییس ګل محمد شکران او د هغه زوی نیولي او بندیان کړي دي. سیمهییز طالب مسوولین د نورو معلوماتو له ورکولو پرته وایي، چې دوی یې له خلکو سره د جنجال له کبله نیولي دي.
د افغانستان د کورش ملي لوبغاړي معراجالدین چکمار د ۲۰۲۶کال ناګویا اسیايي لوبو په ۶۶ کیلوګرامه وزن کټګورۍ کې له خپل قرغزي سیال ماتې وخوړه او له یادو سیالیو بهر شو.
د اوکراین ولسمشر ولادیمیر زېلېنسکي وايي، چې شمالي کوریا روسیې ته ۱۰زره نور سرتیري استوي؛ ترڅو د اوکراین پر وړاندې په جګړه کې ورسره مرسته وکړي. د اوکراین دفاعي استخباراتو ادارې د معلوماتو له مخې، دغه ځواکونه روسیې ته تر لېږد دمخه غوره او روزل کېږي.
د کډوالۍ نړۍوال سازمان په خپل وروستي راپور کې ویلي، چې د ۲۰۲۳کال د سپټمبر له نیمایي د ۲۰۲۶کال د اګسټ تر ۳۱مې پورې شاوخوا ۶.۵ مېلیونه افغانان له ایران او پاکستان نه افغانستان ته ستانه شوي دي.
د طالبانو د چاپېریال ساتنې ادارې مشر مطیعالحق خالص د ملګرو ملتونو د سیاسي استازولۍ (یوناما) له مرستیال بروتو لیمیرکویس او مل پلاوي سره یې د چاپېریالي ستونزو او اقلیمي بدلون په اړه خبرې کړې او له هغه یې غوښتي، چې په دې اړه نړۍوالو غونډو کې د دوی د استازو ګډون ته لاره هواره کړي.
په بلخ کې د طالبانو د صنعت او سوداګرۍ رییس امیر محمد متقي وایي، اوسمهال په دغه ولایت کې د اوړو د پروسس ۵۰ فابریکې فعالیت کوي چې سلګونه کسانو ته یې د کار زمینه برابره کړې ده. هغه له سوداګرو غوښتي، چې د اوړو مستقیم واردات کم او پر ځای یې د غنمو واردات زیات کړي.
د ایران د بهرنیو چارو وزیر عباس عراقچي نیویارک ته د خپل سفر په پای کې له «صدا و سیما» خبري اژانس سره په خبرو کې ویلي، چې د ایران په دریځ کې هیڅ بدلون نهدی راغلی.