په خوست کې د طالبانو د والي ویاند مستغفر ګربز وایي، چې تېره شپه شاوخوا درې بجې پاکستاني جېټ الوتکو د خوست پر ګربز، اسماعیل خېلو او مندوزیو ولسوالیو هوايي بریونه کړي دي. نوموړي ویلي، چې په دغه بریدونو کې چاته ځاني زیان نهدی اوښتی.
د طالبانو ویاند ذبیحالله مجاهد منلې، چې د پاکستان پوځ د پنجشنبې په سهار (د تلې ۲مه) پر کندهار برید کړی. د هغه په وینا، د پاکستان دغه هوايي برید هیڅ تلفات نهدي اړولي.
د پاکستان د اطلاعاتو وزیر د افغانستان پر لسو سیمو هوايي بریدونه تایید کړل. نوموړي د یادو سیمو د موقعیت په تړاو له څه ویلو پرته زیاته کړې، چې په دې بریدونو سره د بېپيلوټه الوتکو د توغولو او ساتلو ځایونه په نښه شوي دي. طالبانو تر اوسه یوازې پر کندهار د برید پخلی کړی دی.
په پکتیا کې یوې سرچینې افغانستان انټرنشنل- پښتو ته له کندهار سربېره پر پکتیا د پاکستان هوايي برید تایید کړی دی. د سرچینې په وینا، پاکستان په دې برید کې د پکتیا په مرکز ګردیز ښار کې د طالبانو یوه نظامي اډه په نښه کړې ده. طالبانو په دې اړه لا تراوسه څه نهدي ویلي.
د افغانستان لپاره د ملګرو ملتونو ځانګړې استازې او د یوناما مشرې رباب فاطمې په نړۍوالو چارو کې د قطر د دولت له وزیرې مریم بنت علي المسند سره په کتنه کې د دوحې د عمل پروګرام یا ډيپياواې په تړاو خبرې کړې دي.
پاکستان نن سهار وختي (پنجشنبه د تلې ۲مه) شاوخوا ۳ بجې پر کندهار ښار هوايي برید کړی دی. د طالبانو ویاند د افغانستان له رسنیو سره په خبرو کې دغه برید تایید کړی دی. د نوموړي په وینا دا برید د کندهار ښار د نهمې ناحیې پر بیاباني سیمې شوی دی.
باخبره سرچینې افغانستان انټرنشنل ته وايي چې د شیعهګانو د عالي کمېسیون مشر محمدعلي اخلاقي، د څو ورځني بند وروسته د طالبانو د عدلیې وزیر عبدالحکیم شرعي په امر خوشې شوی دی.
د هېواد په بېلابېلو ولایتونو د طالبانو د مخالفو وسلهوالو جهبو د بریدونو له پراخېدو وروسته د بلخ په مرکز کې ۳ نوې امنیتي حوزې جوړېږي. د بلخ لپاره طالب مسوولینو د دغو نویو حوزو د جوړېدو لامل بیا د «ولس امنیت ته لا ښه توجه کول او تامینول» بللي دي.
د طالبانو د دفاع وزارت ویاند صدیقالله نصرت د پاکستان هغه ادعا رد کړې چې ګواکې له افغانستان څخه ۸ ډرونونه د دغه هېواد هوايي حریم ته ننوتي او د پاکستان هوايي دفاعي سیستمونو ویشتلي دي.
د طالبانو د کندز امنیه قوماندانۍ وايي، د دغه ولایت په دشت ارچي ولسوالۍ کې د «خالالدین» په نوم یو ډاکټر د چاقو په ګوزارونو وژل شوی دی.
په ملګرو ملتونو کې د افغانستان د استازولۍ سرپرست نصیر احمد فایق د طالبانو له لوري په کابل کې د پخواني ولسمشر حامد کرزي د کور پر محاصرې او د هغه له مېلمونه سره پر سپکاوي ډک چلند اندېښنه ښودلې او هغه یې غندلې ده. هغه ګوتڅنډنه کړې، چې افغانستان په زور او ګواښ سره نه اداره کېږي.
اروپايي ټولنې په کونړ او پکتیکا ولایتونو کې د پاکستان د وروستیو هوايي بریدونو په غبرګون کې یو ځل بیا د ملکي وګړو د بشپړ خوندیتوب غوښتنه کړې ده.
د طالبانو د ریاست الوزرا اقتصادي مرستیال ملا عبدالغني برادر په کندهار کې یوې غونډې ته ویلي، افغانستان له کلونو راهیسې پر وارداتو متکي هېواد پاتې شوی چې له امله یې هر کال په ډېره کچه اسعار له هیواد څخه بهر ځي. شنونکي بیا د طالبانو اقتصادي محدودونکې پالیسۍ د دغې چارې لامل بولي.
د کندوز اوسېدونکي ادعا کوي، د دغه ولایت د کرنې، اوبو لګونې او مالدارۍ ریاست د عوایدو عمومي مدیر مولوي عصمتالله د ۵ میلیونه افغانیو درغلۍ تورن شوی دی. ځايي اوسېدونکي وايي، ځینې لوړپوړي طالب چارواکي هڅه کوي، دغه موضوع په پټه حل او یاد کس بېرته خپلې دندې ته حاضر کړي.
په کابل کې د ایران سفارت مرستیال سید حسن مرتضوي د چهارشنبې په ورځ کندهار ته تللی دی. کندهار ته د نوموړي د سفر موخه لا څرګنده نهده، خو د طالبانو ویاند ویلي، چې ورسره یې په کتنه کې د دوه اړخیزو اړیکو په تړاو خبرې کړې دي.
په ملګرو ملتونو کې د افغانستان دایمي استازي نصیراحمد فایق ویلي، هغه ټولنه دوامدار ثبات، سوکالۍ او عدالت ته نه شي رسېدای چې نیمایي وګړي یې له زدهکړو، ګډون او پرېکړو کولو بېبرخې وي.
د اسیایي هیوادونو د اقتصادي ودې کمېټې مشر د طالبانو د رييسالوزرا د دفتر له رييس سره په انلاینغونډه کې ویلي، خپل غړي هېوادونه له جګړه ځپلي افغانستان سره مرستو ته هڅوي. طالب لوري بیا ویلي، له هېوادونو او نړیوالو بنسټونو سره د خپلو اصولو او عنعناتو مطابق د نېک تعامل غوښتونکي دي.
د افغانستان د پخواني ولسمشر حامد کرزي پر کور د طالبانو چاپې د سیاسي فعالانو او د ټولنیزو شبکو د کاروونکو پراخ غبرګونونه راپارولي دي. منتقدانو د گلستان سعدي بیت ته په اشارې «ترحم بر پلنگ تیز دندان ستمکاری بود بر گوسفندان» ویلي چې دا پېښه له طالبانو سره د تعامل د تګلارې ناکامي ښيي.
د اسامه بن لادن د زوی حمزه بن لادن د ویډیويي پیغام له خپرېدو وروسته د القاعدې شبکې مشرتابه او طالبان له یوې نوې ازموینې سره مخ دي. ددې ازموینې پایله ښايي، د القاعدې د نوي مشر ناببره اعلان وي.
د کندهار په نهمه ناحیه کې د «شهید نقیب الله» په نامه دیني مدرسې ته د ناوخته ورتلو له امله یو ماشوم په ملا ۷۰ لښتې وهل شوی دی. د وهل شوي ماشوم «محمد ظریف» کورنۍ وايي، په دې پېښه کې د قاري نعمان په نامه یو تن ښکیل دی.
په کابل کې د روسیې سفارت د افغانستان پر ختیزو ولایتونو د پاکستان د وروستیو هوايي بریدونو له امله د ملکي وګړو د مرګژوبلې په اړه اندېښنه څرګنده کړې او له ښکېلو خواوو یې غوښتي چې له «تقابل ډډه» وکړي او خپل اختلافات د خبرو له لارې حل کړي.