د افغانستان لپاره د روسیې د ولسمشر ځانګړي استازي ضمیر کابلوف ویلي، چې اوس مهال د روسیې د کار په بازار کې د افغان کارګرانو د جذب لپاره پام وړ امکانات نه لیدل کېږي. نوموړي ولي، چې تراوسه په دې برخه کې د پرمختګ هیڅ نښه نه ویني.
د غزې سیمهییزو روغتیايي چارواکو ویلي، چې د چارشنبې په ورځ د اسراییل په هوايي بریدونو کې لږ تر لږه څلور فلسطینیان وژل شوي او دوه نور ټپیان دي.
د یوناما د بشري مرستو برخې مرستیال برونو لیمارکي د طالبانو د کډوالو چارو له وزیر عبدالکبیر سره په لیدنه کې د راستنېدونکو کډوالو د ستونزو د حل لپاره له طالبانو سره د یوناما پر همکارۍ او د افغانستان د خلکو اړتیاوو ته د نړیوالې ټولنې پر پاملرنې ټینګار کړی.
پاکستاني چارواکو د چارشنبې په ورځ (د تلې په لومړۍ نېټه) د پخواني لومړي وزیر عمران خان د پلویانو د راتلونکې یکشنبې (تلې پنځمې) د پلان شوي لاریون په درشل کې اسلاماباد ته پر تګ راتګ محدودیتونه لګولي او د ښار د امنیت لپاره یې پراخ تدابیر نیولي دي.
د امریکا د ولسمشر ډونالډ ټرمپ «د سولې بورډ» به د چارشنبې په ورځ د غزې د بیارغونې لپاره شپږ میاشتنۍ او ۲،۴۵ میلیارده ډالري طرحه وړاندې کړي.
د افغانستان د سوداګرۍ او پانګونې خونې او د افغان-امریکا سوداګرۍ ګډې خونې ترمنځ د سوداګرۍ، پانګونې او د خصوصي سکټور د پراختیا په موخه د همکاریو هوکړهلیک لاسلیک شو.
اریانا افغان هوايي شرکت خبر ورکړی، چې په ۲۰۲۶ کال کې یې د منځني اسیا د ۴۵ هوايي شرکتونو په منځ کې د غوره ۱۰ شرکتونو په نوملړ کې اووم مقام ترلاسه کړی دی. شرکت زیاتوي چې تېر کال اتم او سږ کال یې د خدماتو د کیفیت او فعالیتونو د پراختیا له امله یوه درجه پرمختګ کړی.
د اسلامي همکاریو سازمان سرمنشي اسماعیل ولد شیخ احمد له طالبانو سره د تعامل او عملي همکاریو دفاع کړې او ویلي یې دي، چې دغه تعامل باید د افغان ولس د ګټو او د بشري فعالیتونو د دوام لپاره وي. نوموړي د نجونو زده کړو، روغتیا او د ټولنیزې همغږۍ برخو ته هم اشاره کړې ده.
د پاکستان دولتي راډیو د بلوچستان د شیراڼي ولسوالۍ په دانا سر سیمه کې د ۱۰۳ افغانانو د نیول کېدو خبر ور کړی دی. یادې راډیو د خپلو سرچینو له قوله ادعا کړې، چې نیول شویو افغانانو غوښتل د پاکستان له لارې ایران او اروپا ته لاړ شي.
طالبانو په برلین کې هغو افغانانو ته د پاسپورټونو او نورو کونسلي خدماتو بهیر درولی چې په جرمني کې نه اوسي. پخوانی دیپلومات حمید کبیري وايي، طالبان له دې لارې پر افغانانو او اروپايي حکومتونو فشار راوړي چې د دوی استول شوي ډیپلوماتان ومني.
د طالبانو اړوند «البدر» بنسټ د خوست په لکڼو سیمه کې د دوشنبې په ورځ پر هغه ځای د یوه څلي د جوړولو چارې پیل کړې، چې د طالبانو د معلوماتو له مخې، ۱۶ کاله وړاندې پکې پر امریکايي ځواکونو ځانمرګی برید شوی و. د طالبانو چارواکي وايي، په نورو سیمو کې هم ورته څلي جوړوي.
دریو سرچینو افغانستان انټرنشنل ته وویل، چې طالبانو نن سهار د پخواني ولسمشر حامد کرزي د کور شاوخوا سیمه محاصره کړې او د هغه د لیدو لپاره ورغلو مېلمنو ته اجازه نه ور کوي، چې د کرزي کور ته داخل شي. په رسېدلو انځورونو کې د کرزي له کوره بهر یو شمېر پخواني چارواکی لیدل کیږي.
د بلوچستان ایالت پولیسو خبر ورکړی، چې د دغه ایالت د شېراني ولسوالۍ د دانهسر بایپاس سیمه کې د ښځو او ماشومانو په ګډون ۱۰۳ افغانان د اوسېدو قانوني اسنادو نهلرلو له امله نیول شوي دي.
د طالبانو کورنیو چارو وزارت خبر ورکړی، چې په فاریاب، کندوز، غزني او هرات کې یې د «غلا، قمار او د یو کس د وژنې» په تور د دوو ښځو په ګډون ۲۹ کسان نیولي دي. طالبانو زیاته کړې، چې نیول شوي کسان به قضايي ادارو ته ور وپېژندل شي.
ځایي سرچینو افغانستان انټرنشنل ته ویلي، د کندهار په سپین بولدک ولسوالۍ کې پر ډیورنډ کرښه د دروازې دواړه غاړو ته د وروستیو جګړو پاتې شونو او خنډونو د ټولولو چارې پیل شوې دي. د سرچینو په وینا، ښایي ډېر ژر د ویجاړې شوې دروازې د رغولو چارې هم پیل شي.
د پاکستان امنیتي سرچینو افغنستان انټرنشنل ته ویلي، چې له افغانستان نه پر دغه هېواد لږترلږه اته بېپیلوټه الوتکې توغول شوې دي. د دوی په وینا، دغه الوتکې کوهات ښار او تورخم ته څېرمه سیمو کې نسکورې شوې دي.
په بغلان او سمنګان کې د ترافیکي پېښو له امله د یوې ښځې په ګډون ۲ کسان مړه او ۵ نور ټپیان شوي دي. په بغلان کې د طالبانو د امنیه قومندانۍ ویاند شېر احمد برهاني ویلي، په ډنډ غوري ولسوالۍ کې د یوې ترافیکي پېښې له امله یوه ښځه مړه او پنځه نور ټپیان شوي دي.
د روزګان ولایت شمال لوري ته د «سري سیمه» دښتې چې په لسګونه جریبه ځمکه یې د انګورو باغونه جوړ شوي، هر کال سلګونه ټنه خواږه انګور بازار ته وړاندې کوي. بڼوال وايي، د رنګ او خوند له پلوه د بېلابېلو ډولونو انګورو حاصلات لري.
د افغانستان پخواني ولسمشر حامد کرزي افغان ورزشکارې فریبا هاشمي ته د بایسکل ځغلونې په سیالیو کې د هغې د بریا او د سپینو زرو مډال ګټلو مبارکي ورکړې ده. کرزي نورو افغان ښځینه لوبغاړو ته هم د بریا هیله کړې ده.
د طالبانو عدلیې وزارت خبر ورکړی، چې د شمال زون د غصب شویو ځمکو قضیو ته د رسېدنې ځانګړې محکمې په بلخ ولایت کې د «ډیپلوماټیک ښارګوټي» ۲زره او ۶۵۷ جریبه ځمکه دولتي اعلان کړې ده.
د ملګرو ملتونو د بشري چارو د همغږۍ دفتر (اوچا) وايي، په افغانستان کې د ۲۰۲۶کال په اګست میاشت کې د بشري مرستو رسولو پر وړاندې ۴۱ پېښې ثبت شوې چې د جولای د ۳۰ پېښو پرتله ۳۷ سلنه زیاتوالی ښيي. د اوچا په وینا، په دې موده کې د دوی څلور کارکوونکي هم نیول شوي دي.