د طالبانو اړوندو رسنیو خبر ورکړی، چې د کاپیسا ولایت په تګاپ ولسوالۍ کې د یادې ډلې امنیتي مسوولینو د یوې کورنۍ د څلورو غړو د وژنې په تور یو کس نیولی. د طالبانو د ځایي ادارو په وینا، دغه کس یې تر پېښې څو ساعته وروسته د تګاپ او اله سای ولسوالیو ترمنځ په «درم درم» سیمه کې نیولی دی.
د ښځو ازادۍ شبکې د سولې نړۍوالې ورځې په مناسبت ویلي، چې تلپاتې سوله یوازې د جګړې او تاوتریخوالي په پای ته رسېدو نهشي رامنځته کېدای؛ بلکې ازادۍ، عدالت، برابرۍ او د بشري کرامت درناوي ته هم اړتیا لري او په افغانستان کې د ښځو له حضور پرته سوله نهشي ټینګېدای.
په ملګرو ملتونو کې د افغانستان دایمي استازی نصیر احمد فایق وایي، طالبان د افغانستان له سیاسي اړخونو څخه یوازې یو اړخ دی او نهشي کولای چې په یوازې ځان د دغه هېواد استازیتوب وکړي. هغه ویلي، افغان ښځې باید د افغانستان د راتلونکي سیاسي بهیر برخه اوسي.
د افغانستان د تکواندو، غېږنیونې، جودو او کورش لوبغاړي د ۲۰۲۶کال د ناګویا ۲۰م پړاو اسیایي لوبو کې د ګډون په موخه جاپان ته تللي دي. د دغه څلورو برخو ملي لوبغاړو، روزونکو او د تخنیکي کادر غړو تر سفر وړاندې د سیالیو لپاره د بشپړ چمتووالي خبر ورکړی و.
افغانستان انټرنشنل ته په لېږلو پیغامونو کې یوشمېر ښاریانو د غیرپلاني سیمو لپاره د ودانیزو جوازونو د ورکړې بهیر له درېدلو شکایت کړی او ویلي یې دي، د یادې پرېکړې له امله یې هغه دوسیې چې د اداري او تخنیکي پړاوونو ډېره برخه بشپړه کړې وه؛ له ناڅرګند برخلیک سره مخ شوې دي.
د کابل پوهنتون محصلانو افغانستان انټرنشنل ته په لېږلي پیغام کې ویلي، چې د لیلیې مودې کمېدو له ستونزو سره مخ کړي دي. د دوی په خبره، وړاندې محصلان په لیلیه کې د دوو کلونو لپاره اوسېدل؛ خو سږ کال دغه موده یو کال ته را کمه شوې ده.
په ملګرو ملتونو کې د مکسیکو مرستیالې استازې جېسیکا سېلر ویلي، چې هغه د بشریت پر وړاندې د جنایت په کنوانسیون کې د خپلواک جنایت په توګه د «جنسيتي توپیر» د شاملولو په لټه کې ده.
د خوړو نړیوال پروګرام خبرداری ورکړی چې په یمن کې د جګړو بیا پیلېدل به د دغه هېواد د خوړو خوندیتوب لا پسې خراب کړي. د دغه پروګرام سرپرست مشر کارل سکاو وایي، په زرګونو کسان په داسې حال کې کمپونو ته ورځي چې هېڅ هم ورسره نشته.
باخبره سرچینو افغانستان انټرنشنل ته ویلي چې د طالبانو د عدلیې وزیر عبدالحکیم شرعي د شیعهګانو عالي کمېسیون د نیول شویو غړو د خوشې کولو په بدل کې له یو شمېر شیعه مشرانو غوښتي چې د کابل په «امید سبز» ښارګوټي کې خپل کورونه تخلیه کړي.
د هند د ممبۍ ښار پولیس وايي چي د دغه ښار په چترپتي شیواجي مهاراج نړیوال هوایي ډګر کې یې دوه افغان وګړي د جعلي اسنادو او ناسمو معلوماتو په کارولو سره د هند د پاسپورټونو د ترلاسه کولو په تور نیولي دي.
د افغانستان د پخواني ولسمشر نجیب الله لور او د بشري حقونو فعالې هیله نجیب، د نجونو د زده کړو په تړاو، د طالبانو د بهرنیو چارو وزارت د ویاند عبدالقهار بلخي وروستۍ څرګندونې غندلي او په باور یې بلخي په مرکه کې هڅه کړې چې دا بندیز «د ملي ګټو» په نوم توجیه کړي.
د نیویارک ښاروال زهران ممداني وايي، چمتو دی له ولسمشر ډونالډ ټرمپ سره د نیویارک ښار د ژوند د لګښتونو د کمولو لپاره، سره له سیاسي اختلافاتو، ګډ کار وکړي.
د بشري حقونو په چارو کې د فرانسې ځانګړې استازې ایزابل روم، ویلي چې د طالبانو له بیا واکمنېدو پنځه کاله وروسته هم په افغانستان کې د ښځو او نجونو وضعیت باید د نړیوالې ټولنې له لومړیتوبونو څخه وي.
افغان ابدالیان د ۲۰۲۶ کال اسیايي لوبو د کرېکټ په سیالیو کې د ګډون لپاره د جاپان ناګویا ښار ته رسېدلي او ټاکل شوې چې د خپلې لومړۍ لوبې په ترڅ کې د پنجشنبې په ورځ د کوربه هېواد جاپان پر وړاندې د کرېکټ ډګر ته ووځي.
د پاکستان او سعودي عربستان د بهرنیو چارو وزیرانو د ملګرو ملتونو د عمومي غونډې په څنډه کې داسې تړون لاسلیک کړ، چې له مخې به یې له دې وروسته د دواړو هېوادونو د ډېپلوماټیکو او ځانګړو پاسپورټونو لرونکو د سفر لپاره د ویزې اړتیا نه وي.
د امریکا د ولسمشر ډونالډ ټرمپ ادارې وړاندیز کړی چې د منځني ختیځ د انرژۍ د زیانمنو شویو زېربناوو د بیارغونې او د هرمز تنګي له لارې د تېلو او ګازو پر لېږد د سیمې د اتکا کمولو لپاره د ۵ میلیارد ډالرو په ارزښت د پانګونې صندوق جوړ کړي.
د سولې د نوبل جایزې ګټونکې ملاله یوسفزۍ وایي، افغان نجونې له خپل راتلونکي څخه بېبرخې شوي خو د طالبانو د ځپونکي رژیم پر وړاندې مقاومت کوي. هغې زیاته کړې چې طالبان، په افغانستان کې د لوېدیځ د لاسوهنو زېږنده ده او دوی د ټولو افغانانو استازیتوب نهشي کولای.
یو شمېر افغان ښځینه فعالانو د ملګرو ملتونو د عمومي اسامبلۍ د ۸۱مې غونډې په څنډه کې په یوه ناسته کې له نړیوالې ټولنې غوښتي چې د افغان ښځو د وضعیت په اړه له اندېښنو څرګندولو او تکراري ژمنو تېر شي او د عدالت، حساب ورکونې او په سیاسي بهیرونو کې د ښځو د ګډون لپاره عملي اقدامات وکړي.
د امریکا د پوځي او امنیتي چارو ویبپاڼې «سوفریپ» په یوه تحلیلي راپور کې ادعا کړې چې د ترکیې او قطر لوړپوړو امنیتي چارواکو د سپټمبر پر ۱۶مه په کابل کې له طالب مشرانو سره د القـ .ـاعدې، د دوحې تړون، د تحریک طالبان پاکستان او د بلوچستان ازادۍ پوځ په اړه خبرې کړې دي.
د پېښور عالي محکمې په پښتونخوا کې په طبي او د غاښونو په پوهنځیو کې د زده کړه کوونکو افغان محصلینو د جبري ایستلو مخه نیولې او اړوندو ادارو ته یې د ۱۴ ورځو په موده کې د ځواب د ورکولو امر کړی دی.
د ملګرو ملتونو سرمنشي خبرداری ورکړی، چې د جګړو ډېرېدو د نړۍ وضعیت خراب کړی دی. نوموړي زیاته کړې چې اختلافاتو د امنیت شورا کار فلج کړی او بېوزله خلک یې له سختو شرایطو سره مخ کړي دي.