د خیبر پښتونخوا د خیبر ولسوالۍ د تیراه بېځایه شوي له اتو میاشتو راهیسې له سختو ستونزو سره مخ دي. قبایلي مشران او د بېځایه شویو استازو ویلي، چې د پاکستان حکومت د درېیو میاشتو په ترڅ کې د دوی د بېرته ستنېدو ژمنه کړې وه؛ خو تراوسه یې هېڅ عملي ګام نهدی پورته کړی.
د ملګرو ملتونو د ماشومانو ملاتړ صندوق ویلي، د طالبانو له بیا واکمنېدو پنځه کاله وروسته تر ۲.۶ مېلیونه ډېرې افغانې نجونې له منځنیو زدهکړو محرومې شوې دي او د دغه وضعیت اغېزې د مېلیونونو نجونو پر راتلونکي او د افغانستان پر پرمختګ پرېوتې دي.
د ملګرو ملتونو د بشري چارو د همغږۍ دفتر (اوچا) وايي، له پاکستان نه افغانستان ته ستنېدونکي افغانان د ځمکې، سرپناه، کار او لومړنیو خدمتونو له جدي ستونزو سره مخ دي او د خپلو ماشومانو د زدهکړو او روغتیايي خدمتونو په اړه اندېښنې لري.
د «اېم اېس» مجلې په یوه تحلیلي مقاله کې راغلي، چې د افغان ښځو او نجونو ستونزه یوازې د افغانستان کورنۍ مسله نهده؛ بلکې د ښځو د حقونو نړۍوالې مبارزې یوه مهمه برخه ده.
د بلوچستان د کوټې ډویژن کمېشنر ذېشان لاشاري ویلي، لاهم شاوخوا ۲۳زره افغان کډوال په دغه ښار کې ژوند کوي او د افغان کډوالو د اېستلو بهیر دوام لري. د هغه په وینا، تر دې دمه له بلوچستان نه شاوخوا ۸۰۰زره افغان کډوال افغانستان ته ستانه شوي دي.
د ملګرو ملتونو په امنیت شورا کې د کانګو ډیموکراتیک جمهوریت استازي ویلي، چې په ټولنیز ژوند کې د ښځو ګډون افغانستان ته د نړۍوالې ټولنې د بېرته ستنېدو اساسي شرط دی. هغه ټینګار کړی، د ملګرو ملتونو ښځینه کارکوونکې هم باید وکړای شي چې له خنډ پرته خپلو دندو ته ستنې شي.
پاکستان او چین د سرحدي چارو د مدیریت لپاره پخوانی ځنډېدلی ګډ سرحدي کمېسیون بېرته فعال کړی دی. د پاکستان د بهرنیو چارو وزارت وایي، د دغه سرحدي کمېسیون لومړنۍ غونډه په اسلاماباد کې ترسره شوه.
رویټرز په یوه راپور کې ویلي، د ایران اقتصادي ناورين، لوړې بیې او د خلکو د پېرلو کمزوري ځواک زرګونه افغان کډوال اړ اېستي چې له کلونو کډوالۍ وروسته بېرته هغه هېواد ته ستانه شي چې پهکې پر ښځو او نجونو پراخ محدودیتونه لګېدلي دي.
د ټرمپ حکومت د فلسطیني ادارې د مشر محمود عباس په مشرۍ فلسطیني پلاوي ته یو وار بیا د ملګرو ملتونو په عمومي اسمبلۍ کې د ګډون لپاره ویزه نهده ورکړې. د امریکا د بهرنیو چارو وزارت ویلي، چې فلسطیني مشران له اسراییل سره د خپلو ژمنو په پوره کولو کې پاتې راغلي.
د بلوچستان د خضدار ولسوالۍ په اړینجي سیمه کې د پاکستان د خلکو ګوند د یوه مشر میر شفیق الرحمان مېنګل استوګنځي ته نږدې په یوه وسلهوال برید کې پنځه کسان وژل شوي او یو بل ټپي دی.
د ملګرو ملتونو په امنیت شورا کې د یونان استازي ویلي، د طالبانو جزايي اصولنامې د مېړه او ښځې د جلا کېدو په برخه کې د ښځو پر وړاندې محدودیتونه زیات کړي او کورني تاوتریخوالي او د ماشومانو ودونو ته یې مشروعیت ورکړی دی.
په سمنګان کې د طالبانو د کرنې ریاست د کرنیزو چارو مشر عبدالخلیل کریمی وايي، سږکال د دغه ولایت په فیروزنخچیر او حضرت سلطان ولسوالیو کې له بڼونو څه باندې ۱۸زره مټریک ټنه انګور راټول شوي دي.
د ملګرو ملتونو په امنیت شورا کې د کولمبیا استازي په افغانستان کې د بشري حقونو د سرغړونو پر دوام اندېښنه ښودلې. نوموړي له یادې شورا غوښتي، چې د ښځو او نجونو د حقونو محدودولو او د هغوی د «ځپلو او ځورولو» له امله د طالبانو کړنې وغندي.
د افغانستان په اړه د ملګرو ملتونو د امنیت شورا غونډه د چهارشنبې په ورځ د ۱۴۰۵ کال د وږي په ۲۵مه، په نیویارک کې جوړه شوه. د یوناما سرپرستې جورجت ګانیون د افغانستان د امنیتي، سیاسي، بشري حقونو او اقتصادي وضعیت په اړه د دې ادارې تازه راپور وړاندې کړ.
د لوګر ولایت لپاره د طالبانو امنیه قومندانۍ له مرکز پل علم او محمد اغې ولسوالۍ څخه د ۳۰ سوالګرو له راټولولو خبر ورکړ. دا په داسې حال کې ده، چې د ملګرو ملتونو د بشري چارو د همغږۍ دفتر «اوچا» ویلي، چې سږکال د افغانستان نږدې نیمايي خلک بشري مرستو ته اړتیا لري.
په ملګرو ملتونو کې د اېټالیا دایمي استازولۍ اعلان کړی، چې دغه هېواد له فرانسې، اروپايي ټولنې او ۴۲ نورو هېوادونو سره په ګډه په افغانستان کې د طالبانو له لوري د ښځو او نجونو دوامداره او سیستماتیک ځپل او جنسیتي تبعیض په کلکه غندلی دی.
د طالبانو له پېښو سره د مبارزې چمتووالي ادارې رييس ملا نورالدین ترابي د پیوستون کمېټې له مسوولینو سره په کتنه کې ویلي، دا یو حقیقت دی چې خلک خوراکي او غیرخوراکي مرستو ته اړتیا لري. د ملګرو ملتونو د راپورونو پر بنسټ، دمګړۍ په افغانستان کې ۷۵ سلنه کورنۍ له بېوزلۍ سره مخ دي.
سرچینو افغانستان انترنشنل ته ویلي چې د غزني په جاغوري ولسوالۍ کې د کانکور ګډونوال له شاوخوا ۲۶۸۰ تنو څخه ۱۱۰ تنو ته کم شوي دي. سرچینې وايي، له زده کړو د نجونو محرومول، د ځوانانو نهیلي، اقتصادي ستونزې او له هېواده بهر کډوالي د دې کمښت مهم عوامل دي.
د افغانستان کرېکټ ملي لوبډلې د هند پر وړاندې د درېیو شلاوریزو نړیوالو سیالیو په لړ کې د دوو پرلپسې ماتو وروسته د چهارشنبې په ماښام (د وږي ۲۵مه) سیالې لوبډلې ته میلمستیا وکړه او ډالۍ یې هم ورکړې. د دغو سیالیو وروستۍ لوبه به د پنجشنبې په ورځ (د وږي ۲۶مه) ترسره شي.
ځايي سرچینې او عیني شاهدان وايي، د چهارشنبې په ماښام شاوخوا ۸:۵۰ بجې د کابل ښار د یوولسمې امنیتي حوزې اړوند د سرای شمالي په سیمه کې د یوې نسبتاً زورورې چاودنې غږ اورېدل شوی دی. له چاودنې څو ساعته وروسته د ازادۍ جبهې یوې سرچینې د دغه برید مسوولیت منلی دی.
د امریکا د مرکزي قوماندانۍ (سېنټکام) ویاند ټیم هاوکینز وايي، امریکايي پوځ په ایران کې خپلو ټولو ټاکل شويو پوځي موخو ته رسېدلی دی.