د امریکا د ولسمشر ټرمپ د نېږدې ملګرو تر څنګ یو شمېر مهم امریکايي چارواکي غواړي چې د ټرمپ اداره دې په پاکستان کې د ایران د جنګي الوتکو د پټ ساتلو په اړه پلټنې او معلومات د امریکا له ولس سره شریک کړي.
د امریکا ولسمشر ډونالډ ټرمپ ویلي، د ایران جګړې د پای ته رسولو او د هرمز تنګي د کړکېچ د حل لپاره د چین مرستې ته اړتیا نه ویني. نوموړي دغه څرګندونې چین ته له سفر او د چین له ولسمشر شي جین پینګ سره تر لیدنې وړاندې کړې دي.
سرچینو افغانستان انټرنشنل ـ پښتو ته ویلي، چې د مولوي هبتالله سلاکار ملا جان محمد مدني چې څو ورځې وړاندې د بډو اخېستلو په تور نیول شوی و، د کندهار د علماوو شورا په منځګړتوب او ضمانت خوشې شوی. د سرچینو په وینا، د مدني قضیه اوس د مولوي هبتالله اخوندزاده د دفتر لهخوا څېړل کېږي.
په بنو ولسوالۍ کې د عوامي نیشنل ګوند یو سیمهییز مشر او عام خلک وايي، چې د خیبر پښتونخوا په جنوبي ولسوالیو کې د تاوتریخوالي پېښې ډېرې شوې دي. ددوی په وینا، ایالتي حکومت د ځايي جرګو پرېکړې نه دي عملي کړې او وضعیت لا کړکېچن شوی.
د طالبانو د ریاست الوزرا د دفتر رییس د افغانستان لپاره د ملګرو ملتونو د کډوالو عالي کمیشنرۍ مسول عرفات جمال سره په لیدنه کې ویلي، چې نړۍوالې ادارې دې په جرئت سره هغو هېوادونو ته د ملامتیا ګوته ونیسي چې له افغان کډوالو سره ناوړه چلند کوي.
د پاکستان د دفاع وزیر خواجه اصف یوځل بیا خبرداری ور کړی، چې که افغان طالبان د وسله والو جنګیالیو له ملاتړه لاس وانخلي، بیا به پرانېستې جګړه پیل شي. اصف د چارشنبې په ورځ د پاکستان د ملي اسمبلۍ په غونډه کې تور ولګاوه، چې کابل د اسلام اباد پر ضد «د هند جګړه» کوي.
د امریکا ولسمشر ډونالډ ټرمپ د چارشنبې په ورځ چین ته لاړ، چې له خپل چینايي سیال سره پر دوه اړخیزو مسایلو له نږدې وغږیږي له ټرمپ سره په سفر کې د اېنویډیا اجرایه رییس جینسن هوانګ او د ټېسلا او سپېس اېکس مشر ایلان ماسک هم ملتیا کوي.
د طالبانو له پېښو سره د مبارزې امادګۍ ادارې رییس ملا نورالدین ترابي په کابل کې د ازبکستان له سفیر ایبک عثمانوف او د یاد هېواد د سفارت له اقتصادي او سیاسي مرستیال سره کتلي او د بشري مرستو او د پېښو د مدیریت په اړه یې خبرې کړې دي.
د طالبانو ترواک لاندې د افغانستان برېښنا شرکت رییس په کابل کې د ایران له سفیر سره په لیدنه کې د برېښنا په سکتور کې پر پانګونې او ګډو همکاریو او د ۵۰۰ کیلوولټ برېښنا لېږد پر طرحې او بیا نوې کېدونکې انرژۍ خبرې کړې دي.
د طالبانو د کورنیو چارو وزارت د چارشنبې په ورځ خپلو امنیتي ځواکونو ته نوي موټرسایکل او موټر وېشلي، خو پر دغو وسایطو د پولیسو له نامه سره پخوانۍ دود «ملي» کلمه نه ده کارول شوې. د طالبانو د مشر له قوله ویل شوي، چې نوموړي د ملي مختاړي د لرې کولو امر کړی.
د طالبانو د کډوالو او راستنېدونکو چارو وزیر مولوي عبدالکبیر او په کابل کې د ترکیې شارژدافیر سادین ای یلدیز د دوه اړخیزو همکاریو د پراختیا، په ترکیه کې د افغان کډوالو د ستونزو او د کابل او اسلاماباد ترمنځ د اړیکو په اړه غږیدلي دي.
د طالبانو ۲۱۵ قول اردو وایي چې سرحدي ځواکونو یې له پاکستان سره د کرښې په اوږدو کې د هلمند ولایت د بهرامچې ولسوالۍ په رباط سیمه کې درې هغه موټر نیولي چې انساني درمل پکې بار وو او په غیرقانوني توګه یې هېواد ته د راوړلو هڅه کوله.
د جرمني فدرالي پولیسو له لوګزامبورګ سره پر لاره یو ۳۵ کلن افغان د هغه د یوې پخوانۍ قضیې په تور نیولی دی. دغه افغان په پېچکش د یو بل تن په وهلو تورن دی او هامبورګ محکمې د څیړنو لپاره د هغه د توقیف امر ورکړی و.
د ملګرو ملتونو پراختیایي پروګرام (یو این ډي پي) په خپل وروستي ټولنیز-اقتصادي راپور کې ویلي چې په افغانستان کې ۷۴ سلنه خلک لا هم له اقتصادي ناامنۍ او د خوړو له کمښت سره مخ دي.
د طالبانو مشر هلمند ته د خپل وروستي سفر پرمهال په لښکرګاه ښار کې د کرېکټ په یوه معیاري لوبغالي کې د عیدګاه جومات د بنسټ ډبره اېښې ده. د هلمند د کرېکټ امریت اوس یاد لوبغالی د حج او اوقافو ریاست ته د جومات جوړولو لپاره سپارلی او لوبغاړو ته امر شوی چې خپل ورزشي توکي ور ټول کړي.
د طالبانو د کورنیو چارو وزارت خپلو امنیتي ځواکونو ته نوي موټرسایکل او موټر وېشلي دي. د طالبانو د کورنیو چارو وزارت ویاند د چارشنبې په ورځ وویل، چې پولیسو ته په یولړ مراسمو کې دوه زره موټرسایکل، ۱۰۰ نوي موټر، د اوروژنې ریاست ته ۵۰ موټر او ترافیکو ته ۱۵۰ موټر سپارل شوي دي.
د ناروې کمېټې (NRC) عمومي مشر یان اېګلنډ وایي، چې په ایران کې تر څلور مېلیونه ډېر افغان کډوال په دغه هېواد کې د امریکا او اسراییل د جګړې له پامه غورځول شوي یا هېر شوي قربانیان دي.
د تاجکستان د ملي امنیت دولتي کمېټې له دغه هېواد څخه د لسګونو افغان کډوالو د ایستلو لاملونه «جدي جرمونه» بللي دي. یادې کمېټې ویلي، چې د افغانانو په منځ کې یې له ترهګرو ډلو سره د اړیکو ۲۲پېښې، د جنسي تیري ۱۵، د جعلي اسنادو ۵۹۴ او د تاجکستان د امنیت ضد ۲۵ پېښې ثبت کړې دي.
د روسیې امنیت شورا ویلي چې له افغانستان نه د اپیمو د ناقانونه قاچاق د کمېدو له امله په دغه هېواد کې د افغانستان جوړو هیرویینو د نیول کېدو او ضبط کېدو کچه کمه شوې ده. د روسي چارواکو په وینا، د نشه يي توکو اړوند ثبت شوي جرمونه د تېر کال په پرتله ۴۰ سلنه کم شوي.
د ملي جمهوري غورځنګ مخکښ او پښتون سیاستوال افراسیاب خټک وایي، پاکستان نهشي کولی ځان له دغه ستر مسوولیت څخه خلاص کړي چې په ډېرو سوېلي سیمو کې یې خپل کنټرول او حاکمیت له لاسه ورکړی دی.
پاکستاني ځواکونو د خیبر پښتونخوا او پنجاب ایالتونو پر پوله د یوه ځانمرګی برید له شنډولو خبر ورکړی. د خیبر پښتونخوا ځایي چارواکي وایي، امنیتي ځواکونو یې یو بریدګر چې له چاودېدونکو توکو ډک موټر یې لېږداوه؛ موخې ته تر رسېدو مخکې وژلی دی.