په کندهار کې د طالبانو د والي دفتر وايي، د ترکیې د ملي استخباراتو ادارې مشر ابراهیم کالن د چهارشنبې په ورځ (د وږي ۲۵مه) په کندهار کې د طالبانو له والي محمد شیرین اخوند سره هم لیدلي دي. کالن په کابل کې له ګڼو طالب چارواکو سره تر کتنو وروسته کندهار ته تللی او بیا پاکستان ته لاړ.
ای۲۴نیوز د پنجشنبې په ورځ (د وي ۲۶مه) راپور ورکړ، چې د امریکا بهرنیو چارو وزارت له ارزونې وروسته، سعودي عربستان ته د ۴۸ اېف-۳۵ جنګي الوتکو د پلورلو له طرحې سره موافقه کړې ده.
د هند کرېکټ ملي لوبډلې د افغانستان پر وړاندې د درې شلاوریزو نړیوالو سیالیو لوبلړۍ په درېیو پرله پسې بریاوو پای ته ورسوله او افغانستان یې په وروستۍ لوبه کې هم په ۱۲۷ منډو مات کړ.
سیمهییزو سرچینو افغانستان انټرنشنل- پښتو ته ویلي،چې د لوګر د محمد اغې ولسوالۍ اړوند په برګ سیمه کې ناپېژاندو وسلهوالو یو قومي مخور ببرک احمدزی په ډزو وژلی دی. د سرچینو په وینا، دغه پېښه نن (پنجشنبه) رامنځته شوې او بریدګر هم په تېښته بریالي شوي دي.
د افغانستان د ملي امنیت پخوانی مشر احمد ضیا سراج وايي، ترکیه او قطر هڅه کوي طالبان وهڅوي چې د تحریک طالبان پاکستان له ملاتړه لاس واخلي او د دې ډلې مشران له افغانستان څخه وباسي، خو د ده په وینا، طالبان د اسلاماباد دغه غوښتنې نهشي منلی.
د تحریک طالبان پاکستان یا ټيټيپي وسلهوالې ډلې د خیبر پښتونخوا په کُرمه ایجنسۍ کې د پاکستاني پوځ پر یوه پوځي موټر له بمي برید څخه خبر ورکړی دی. دغه ډله ادعا لري، چې د دې برید په پایله کې پنځه پاکستاني پوځیان وژل شوي او څلور نور ټپیان شوي دي.
د افغان کډوالو د اېستلو او بیا مېشتولو په برخه کې همکار بنسټ «افغان ایواک» وايي، د یوې افغانې یتیمې ماشومې د قانوني سرپرستۍ او منلو اړوند قضیه یې د امریکا سترې محکمې ته وړاندې کړې ده.
د جرمني په هامبورګ ښار کې یوه ۴۰ کلن افغان د پنجشنبې په سهار (د وږي ۲۶مه) په خپل کور کې خپله ۳۴ کلنه مېرمن وژلې او وروسته یې ځان پولیسو ته سپارلی دی. د هامبورګ د پولیسو د معلوماتو له مخې، پېښه د سهار شاوخوا ۸:۱۵ دقیقې د برامبک په سیمه کې د یوه اپارتمان دننه رامنځته شوې ده.
د افغانستان د پخواني ولسمشر ډاکټر نجیبالله لور هیله نجیب وايي، د افغانستان په اړه د روسیې، پاکستان، امریکا او ایران د امنیتي اندېښنو تر څنګ افغانان باید پر دې هم پوه شي، هغه ډلې چې ځینې هېوادونه یې «ترهګر» بولي، د چا لپاره د اتلانو په توګه مطرح کېږي.
د افغانستان لپاره د ملګرو ملتونو ځانګړی راپور ورکوونکی رېچارډ بېنېټ وايي، د افغان نجونو پر مخ د منځنیو ښوونځیو د دروازو تړل کېدو پنځه کاله پوره شوي او د نجونو یو بشپړ نسل له منځنۍ زدهکړې بېبرخې شوی دی.
د افغانستان د عدلیې پخواني وزیر فضل احمد معنوي وايي، چې افغانستان په تېرو څو لسیزو کې د سیمهییزو او نړیوالو قدرتونو د ګټو او سیالیو پر ډګر بدل شوی وو.
د افغانستان لپاره د روغتیا نړیوال سازمان له خلکو غوښتي، که دوی یا د کورنۍ کوم غړی یې د شکرې، لوړ فشار، زړه ناروغۍ، سرطان او نورو مزمنو ناروغیو له امله تر درملنې لاندې وي، د خپلې روغتیايي پاملرنې په بهیر کې دې فعاله ونډه واخلي.
د طالبان د رييس الوزرا اقتصادي مرستیال ملا عبدالغني برادر د کندوز په ابدان دښته کې د یوه صنعتي پارک د بنسټ ډبرې د اېښودو مراسمو کې وویل، پر وارداتو د تکیې راکمېدو لپاره باید تولیدات پیاوړي او معیاري شي. نوموړي زیاته کړه، چې پانګوالو ته یې د پانګونو لپاره امتیازات منلي دي.
د پاکستان خيبرپښتونخوا ایالت د کورمې ولسوالۍ په چمکنۍ سیمه کې د سړک غاړې په یوه چاودنه کې لږ تر لږه شپږ پاکستاني سرتېري وژل شوي او دوه نور ټپیان دي.
د طالبانو د کانونو او پټرولیم وزارت خبر ورکړی چې د طوطيمیدان ګازي بلاک د تخنیکي ستونزو د حل په موخه یې تاشکند ته یو پلاوی استولی او د یادې پروژې د شته خنډونو پر حل یې له ازبکستاني لوري سره خبرې کړې دي.
د امریکا د ډرونونو شرکت «پاورس» له پاکستاني پوځ سره یو تفاهملیک لاسلیک کړی چې له مخې یې د ډرونونو په تړاو لومړنی فرمایش هم ترلاسه کړی. د شرکت بنسټګر بریټ ویلیکووچ ویلي، چې دغه هوکړه د بېپیلوټه هوايي سیستمونو په برخه کې ده.
د نجونو پر زده کړو د طالبانو د بندیز له پنځم کال سره هممهاله، د ماشومانو لپاره د ملګرو ملتونو وجهي صندوق (یونیسف) وايي، افغانستان لا هم د ځمکې په سر یوازینی هېواد دی چې نجونې او ښځې پکې له منځنیو او لوړو زدهکړو محرومې دي.
د ترکیې د ملي استخباراتو رییس ابراهیم کالن د پاکستان پلازمېنې اسلاماباد ته تللی او د پاکستان د پوځ له لوی درستیز عاصم منیر او د ای اېس ای له رییس عاصم ملک سره یې لیدلي دي.
د افغانستان د رسنیو ملاتړ سازمان (امسو) د پاکستان له امنیتي ادارو غوښتي چې په اسلام اباد کې د لادرکه شوي افغان خبریال سید قاسم هاشمي او ټولنیز فعال حامد احساس د ځای او وضعیت په اړه معلومات شریک کړي.
د سولې نوبل جايزه ګټونکې ملالې يوسفزۍ بنسټ ويلي، چې پر زدهکړو د طالبانو د بندیز لګولو پر مهال په ټولګیو کې ناستې نجونې اوس شل کلنۍ ته رسېدلې دي، خو د دغو محدودیتونو له امله تراوسه هیڅوک ځواب ورکولو ته نه دی اړ اېستل شوی.
د طالبانو د ریاست الوزرا اقتصادي مرستیال عبدالغني برادر د سالنګونو د بیا رغونې چارې له نږدې کتلې او د کابل-سالنګ لویې لارې د چارو پر چټکتیا یې ټینګار کړی دی.