آرشیف

د امریکا د مرکزي قوماندانۍ (سېنټکام) ویاند ټیم هاوکینز وايي، امریکايي پوځ په ایران کې خپلو ټولو ټاکل شويو پوځي موخو ته رسېدلی دی.

د ترکیې د استخباراتو مشر ابراهیم کالن او د قطر د امنیت شورا مرستیال حمد بن خمیس الکبیشي په یوه ناڅاپي سفر کابل ته تللي او د طالبانو له لوړپوړو چارواکو سره یې لیدلي دي. هغه څه و چې کالن او الکبیشي یې اړل کړل چې کابل ته سفر وکړي او له طالب چارواکو سره وګوري.

په ملګرو ملتونو کې د پاناما استازي د امنیت شورا په غونډه کې ویلي چې د ښځو د زده‌کړو، کار او ټولنیز مشارکت حقونه د افغانستان د خلکو له هویت، کلتور یا دین سره په ټکر کې نه شي راتلای.

د ترکیې دولتي خبري اژانس انادولو وايي، د دغه هېواد د استخباراتو رييس کابل ته له سفر سربېره کندهار ته هم تللی دی. دغې رسنۍ د کندهار د سفر په تړاو نور جزییات نه‌دي ورکړي. د طالبانو د بهرنیو چارو وزارت دویم سیاسي رييس ذاکر جلالي هم یوازې کندهار ته د ابراهیم کالن د سفر پخلی کړی دی.

د خاتم‌النبیین خصوصي پوهنتون د امتیاز خاوند محمدجواد محسني وايي، د دغه پوهنتون د نږدې دوو لسیزو فعالیتونو وروسته یې د کار جواز د طالبانو د عدلیې وزارت تر فشارونو لاندې او د «مذهبي او نژادي» لاملونو له امله لغوه شوی دی.

د طالبانو له پېښو سره د مبارزې مشر د یونېسف له استازو سره په کتنه کې له هغوی غوښتي چې، په ګودامونو کې شته مواد پر مستحقو کسانو ووېشي. نوموړي په ټینګار سره ویلي، چې په ګودامونو کې باید مواد تر اوږدې مودې ونه‌ساتل شي، بلکې پر مستحقو کسانو ووېشل شي.

د طالبانو د بهرنیو چارو وزارت په یوه خبرپاڼه کې مکې ته څېرمه د ایران په ملاتړ د یمني یاغیانو له‌خوا د بې‌پیلوټه الوتکې برید د ژورې اندېښنې وړ بللی او د مکې مکرمې او مدینې منورې پر سپېڅلو ځایونو یې هر ډول برید غندلی دی.

په قطر کې د طالبانو سفیر سهیل شاهین په دوحه کې د تانزانیا له سفیر حبیبو اویسي محمد سره په کتنه کې په داوړو هېوادونو کې د یو بل د ډيپلوماټيکو استازولیو د پرانېستنې غوښتنه کړې.

ترکي او پاکستاني چارواکو د چهارشنبې په ورځ، د وږي په ۲۵مه، اسوشیټېډ پرېس ته ویلي چې سعودي عربستان د یمني یاغیانو د بریدونو له زیاتېدو وروسته له دغو دوو هېوادونو د مرستې غوښتنه نه ده کړې.

په ننګرهار کې د طالبانو ولایتي رسنیز دفتر وایي، د دوی د امربالمعروف، نهي عن المنکر او شکایتونو اورېدلو ریاست محتسبینو پنځه مېرمنې چې د کورنیو ستونزو له امله د خپلو پلرونو په کورونو کې کېنول شوې وې، بېرته د خپلو مېړونو کورونو ته ستنې کړې دي.

افغانستان انټرنشنل ته رسېدلي اسناد ښيي چې هلمند پوهنتون له محصلانو ژمنلیک اخلي چې له مخې یې دوی باید د طالبانو د حکومت فرمانونه، د لوړو زده کړو وزارت مقررات او د پوهنتون اداري او انضباطي اصول مراعت کړي. د سرغړونې په صورت کې به له محصل سره انضباطي چلند کېږي او د شکایت حق نه لري.

د طالبانو د دفاع وزارت سرمفتش لطیف‌الله حکیمي د چین په پلازمېنه بیجینګ کې د شیانګشان په ۱۳م نړیوال امنیتي کنفرانس کې ویلي، افغانستان نه غواړي د سیمه‌ییزو سیالیو ډګر وي، بلکې غواړي د سیمې د هېوادونو ترمنځ د همکارۍ پر پل بدل شي.

د افغانستان لپاره د بریتانیې ځانګړي استازي ریچارډ لینډسي د افغانستان د سوداګرۍ او پانګونې خونې له مشر سره په انلاین غونډه کې د افغانستان د سوداګرۍ د اوسني وضعیت او له پاکستان سره د سوداګریزو لارو د تړلې پاتې کېدو او پر افغان بازارونو د دغه وضعیت د اغېزو په اړه پوښتنې مطرح کړې.

د ملګرو ملتونو سرمنشي انتونیو ګوترېش وايي، په افغانستان کې د ښځو پر کار او د نجونو پر زده‌کړو بندیزونه «مطلق د زغملو وړ نه دي».

په امريکا کې يوې محکمې د چهارشنبې په ورځ (د وږي ۲۵مه)، افغان وګړی محمد شريف‌الله ته د داعـ. ـش خراسان ډلې سره د همکارۍ په تور د شلو کلونو بند سزا واوروله. په دغه بريد کې، چې د ۱۴۰۰ لمريز کال د وږي په څلورمه ترسره شوی و، ۱۶۰ افغانان او ۱۳ امريکايي عسکر وژل شوي وو.

د طالبانو مخالفې وسله‌والې ډلې، متحدې جبهې ادعا کړې چې د بدخشان ولایت په تګاب ولسوالۍ کې یې د طالبانو یو غړی وژلی دی. د دغې جبهې په خپره شوې خبرپاڼه کې راغلي، دغه برید تېره شپه د تګاب ولسوالۍ په دښت آرا سیمه کې شوی دی.

د طالبانو دفاع وزیر د قطر د ملي امنیت شورا له مرستیال حمد بن خمیس الکبیسي سره کتلي او د دواړو لورو ترمنځ د اړیکو پر دوام غږېدلي دي. یعقوب مجاهد تر دې وړاندې د ترکیې د ملي استخباراتو له رييس سره هم کتلي دي.

د ملګرو ملتونو سازمان سرمنشي انتونیو ګوتېرش وایي په هُرمز تنګي، باب‌المندب او شاوخوا اوبو کې باید د نړیوالو قوانینو له مخې د بېړیو د تګ راتګ ازادي په بشپړ ډول ټینګه شي او ټولې خواوې دې ورته درناوی وکړي.

د هند استازي د ملګرو ملتونو په امنیت شورا کې وویل چې د افغانستان سوله او ثبات د سیمې او نړۍ لپاره مهم دی. هغه ټینګار وکړ چې هند د افغانستان د ثبات او د افغان ولس د ملاتړ لپاره خپلې بشري، روغتیايي، پراختیايي او اقتصادي مرستې روانې ساتلې دي.

په ملګرو ملتونو کې د قزاقستان استازي د امنیت شورا غونډې ته ویلي، واک ته د طالبانو له بیا ستنېدو پنځه کاله وروسته له هغوی سره «اصولي او عملي تعامل» د افغانستان په اړه د پرمختګ تر ټولو عملي لار ده، خو دغه تعامل باید د طالبانو د رسمیت پېژندنې په معنا ونه ګڼل شي.

په ملګرو ملتونو کې د ایران استازی وايي، طالبان مسوولیت لري چې د ګاونډیو هېوادونو پر ضد د ترهګریزو بریدونو د پلانولو او ترسره کولو لپاره د افغان خاورې د کارېدو مخه ونیسي. نوموړي زیاته کړه، چې د ثبات د ټینګښت لپاره له طالبانو سره د نړیوالې ټولنې د تعامل دوام اړین دی.