د پاکستان په سنا کې د اپوزيسيون او حکومتي استازو ترمنځ د خیبرپښتونخوا د امنیتي وضعیت پر سر جنجال رامنځته شو. دغه جنجال هغه مهال پیل شو، چې د اپوزيسيون غړي مولانا عطاالرحمان د پوښتنې په توګه مطرح کړه، چې ایا خيبرپښتونخوا «ترهګرو ته سپارل شوی»؟
د سپاه پاسداران اړوند فارس خبري اژانس د یوې باخبره سرچینې له قوله راپور ورکړی، چې د ایران اسلامي جمهوریت به له امریکا سره د مذاکراتو دویم پړاو ته د «پنځو باور جوړونکو شرطونو» له پوره کېدو پرته داخل نهشي.
د متحدې جبهې مشر جنرال سمېع سادات ویلي، د طالبانو او پاکستان ترمنځ د روانې شخړې د پایته رسېدو لپاره تګلاره نهشته او د پاکستان د پالیسیو تناقضات جګړه اوږدوي. د نوموړي په وینا، اسلاماباد ۲۰ کاله طالبان پیاوړي کړل، خو له ۲۰۲۱ کال وروسته دا تګلاره پر ستراتیژیکو ستونزو بدله شوې.
د امریکا ولسمشر ډونالډ ټرمپ ویلي، چې ډېر ژر به د ایران د جګړې په اړه د چین له ولسمشر سره مفصلې خبرې وکړي. هغه زیاته کړې، ایران پوهیږي چې باید اټومي وسلې ترلاسه نهکړي.
د ویښتو تویېدل په افغانستان او نړۍ کې یوه ډېره عامه روغتیایي ستونزه ده چې د سړو سربېره په مېرمنو کې هم لیدل کیږي. د پوستکي متخصصان وايي، دا ستونزه یوازې ظاهري نه ده، بلکې کله ناکله د بدن د داخلي حالت، هورمونونو او د ژوند د طرز له بدلونونو سره مستقیم تړاو لري.
د ملګرو ملتونو د ماشومانو ملاتړ صندوق وایي، د ماشوم د ودې لومړنۍ ۱۰۰۰ ورځې د تغذیې له پلوه تر ټولو مهم پړاو دی. یونېسف زیاتوي، په زابل، کونړ، سمنګان او بادغیس ولایتونو کې، چې د خوارځواکۍ کچه پهکې له نورو ځایونو لوړه ده، ۶۶ زره کورنیو ته د تغذیې لپاره نغدي مرستې ورکول کېږي.
د افغانستان لپاره د پاکستان ځانګړي استازي محمد صادق ویلي، چې د استرالیا د ترهګرۍ ضد برخې له سفیرې مېرمن ګېما هاګینز سره یې د افغانستان د امنیتي وضعیت او په دغه هېواد کې د «مېشتو» ترهګرو ډلو په اړه خبرې کړې دي. طالبانو په وار وار افغانستان کې د ترهګریزو سازمانونو حضور رد کړی دی.
د پاکستان طالبانو تحریک د زدهکړو پر ضد دریځ رد کړی او ویلي یې دي، چې د خیبر پښتونخوا د لکي مروت او ټانک په ګډون ځینو سیمو کې د همدې ډلې په نوم د وېرې خپرولو لپاره ګواښلیکونه خپاره شوي. د دغې ډلې ویاند محمد خراساني یاده چاره رد او د پاکستاني استخباراتو «پروپېګنډه» یې بللې ده.
په ننګرهار کې د طالبانو ولایتي رسنیز دفتر د سېشنبې په ورځ ویلي، چې په دې ولایت کې د خښتو بټۍ د نوې ټاکل شوې نرخنامې د مراعت کولو په شرط بېرته پرانېستل شوې دي. د راپور لهمخې، دا پرېکړه په ننګرهار کې د طالبانو د والي په لارښوونه او د ښاري محکمې د حکم له صادرېدو وروسته شوې ده.
د امریکا د انرژۍ وزارت اړوند احصایوي ادارې د سېشنبې په ورځ وویل چې دوی اټکل کوي د هرمز تنګی به د مې میاشتې تر وروستیو پورې په عملي ډول تړلی پاتې شي او د بېړیو تګ راتګ به له راتلونکې میاشتې په تدریجي ډول بېرته پیل شي.
د روسیې ولسمشر ولادیمیر پوتین ویلي چې د مسکو نوی ستراتیژیک اتومي توغندی «سرمات» به د روان کال تر پایه پورې ځای پر ځای شي او دا یې «په نړۍ کې تر ټولو قوي توغندی» بللی دی. لویدیز امنیتي شنونکي د روسیې د نوي نسل وسلو په اړه د پوتین څرګندونې مبالغه وزمه بولي.
د پنټاګون یوه لوړپوړي چارواکي د سېشنبې په ورځ وویل چې له ایران سره د امریکا د جګړې لګښت تر دې دمه ۲۹ میلیارده ډالرو ته رسېدلی. دا د تېرې میاشتې د اټکل په پرتله ۴ میلیارده ډالره زیاتوالی ښيي.
د طالبانو د رییس الوزرا اداري مرستیال عبدالسلام حنفي د خوړو نړیوال پروګرام (ډبلیو اف پي) له مسوولانو سره په لیدنه کې د افغانستان د محلي اقتصاد د پیاوړتیا، له اړمنو کورنیو سره د مرستو او د کاري فرصتونو د رامنځته کولو په اړه خبرې کړې دي.
د کویت د بهرنیو چارو وزارت اعلان کړی چې د ایران سفیر یې له دې امله احضار کړی چې په سپاه پاسداران پورې تړلې یوې ډلې «بوبیان» ټاپو ته د نفوذ هڅه کړې ده.
په هالنډ کې یوه روغتون د احتیاطي اقدام په توګه ۱۲ روغتیايي کارکوونکي له دې امله قرنطین کړي، چې په هانټاویروس د اخته ناروغ د وینې او ادرار نمونې یې له سختو روغتیايي پروتوکولونو پرته سمبال کړې وې.
د طالبانو مشر ملا هبت الله د په کابل، هرات او غزني کې نوي مسوولان ټاکلي دي. د نویو ټاکنو پر بنسټ، د طالبانو د غزني مخکینی والي عبدالصمد جاوید د کابل د امنیه قوماندان په توګه ټاکل شوی او د کابل امنیه قومندان ملا ولي جان حمزه د غزني د والي په توګه ګومارل شوی دی.
د افغانستان لپاره د ناروې نوي ټاکل شوي ځانګړي استازي بیورن هانسن په کابل کې د طالبانو د بهرنیو له چارو وزیر امیرخان متقي سره پر دوه اړخیزو او سیمه ییزو مسایلو خبرې کړې دي.
د امریکایي ځواکونو مرکزي قوماندانۍ (سنټکام) د سېشنبې په ورځ اعلان وکړ چې د امریکا پوځ د سمندري محاصرې له پیل راهیسې ۶۵ سوداګریزې بېړۍ اړې کړې چې خپله لاره بدله کړي او څلور بېړۍ یې له کاره غورځولې دي.
د افغانستان کرکټ بورډ اعلان کړی چې د افغانستان شل اوریز غوره لیګ (اېپيایل- ټي۲۰) د دویم پړاو د ترسره کېدو لپاره د پنځو لوبډلو د پلور د غوښتنلیکونو لړۍ د روانې مې میاشتې په ۱۵مه نېټه پیلېږي او د جون تر ۳۰مې نېټې پورې به دوام ولري.
په کابل او ولایتونو کې یو شمېر خلک شکایت کوي، چې ځینې خصوصي بانکونه د اختر په ورځو کې خلکو ته له ۲۰ زرو ډېرې افغانۍ نه ور کوي. د مشتریانو په وینا، له بهره د حوالو ټولې پیسې هم نه ور کول کیږي.
د طالبانو د اطلاعاتو او کلتور وزارت تایید کړې چې په کابل کې د طلوع نیوز خصوصي رسنۍ دوه خبریالان منصور نیازی او عمران دانش څو ورځې وړاندې نیول شوي دي. د طالبانو په اعلامیه کې راغلي چې د یادو خبریالانو دوسیه تر څېړنو لاندې ده او محکمې تر اوسه پرېکړه نه ده کړې.