د پاکستان د جمعیت علمای اسلام ګوند مشر مولانا فضل الرحمان پر مکه د یمني وسله والوبرید پر ټولې اسلامي نړۍ برید ګڼلی او له پاکستان څخه یې غوښتي، چې د حرمین شریفین د ساتنې په اړه دې خپله روښانه تګلاره ژر اعلان کړي.
ځايي سرچینې وايي، د بدخشان په مرکز فیض اباد کې د یوه ساعت په واټن دوه چاودنې شوې دي. لومړۍ د طالبانو یوې دیني مدرسې ته څېرمه او دویمه د یفتل بالا په چاهوشدره کې د یوې مدرسې دننه په یوه جنراتور کې د ځای پر ځای شوي ماین له امله شوې.
د ترکیې د استخباراتو رییس ابراهیم کالن پرون کابل ته تللی او د طالبانو د استخباراتو له رییس عبدالحق وثیق، ملا عبدالغني برادر، دفاع وزیر یعقوب مجاهد او د کورنیو چارو وزیر سراجالدین حقاني سره یې لیدلي. په ناستو کې د افغانستان او پاکستان د سوداګریزو لارو پر خلاصون هم خبرې شوې دي.
د خیبر پښتونخوا په بر سوات ولسوالۍ کې پر یوې ۹ کلنې ماشومې د جنسي تېري او بیا د هغې د وژنې پر ضد د ښځو او نارینه وو د اعتراضي لاریونونو لړۍ دوام لري. په دغو اعتراضي لاریونونو کې تر ډېره د مدین او نږدې سیمو مېرمنې او زدهکوونکې ګډون کوي او یو شمېر نارینه یې هم ملاتړ کوي.
افغانستان انټرنشنل ته د طالبانو د لوړو زده کړو یو مکتوب رسېدلی، چې ښيي یادې ډلې د خاتمالنبیین پوهنتون د فعالیت جواز لغوه کړی دی. په مکتوب کې ویل شوي، چې دغه پوهنتون یې «اسلامي ارزښتونو» ته د سپکاوي، د پوهنتون له ځایه د ناوړه استفادې او د اصلاحاتو نه راوستو له امله تړلی دی.
د افغانستان د سوداګرۍ او پانګونې خونه وايي، د ایران د سفارت استازو وړاندیز کړی چې د دغه هېواد یو شمېر وزیران، والیان او اقتصادي مسوولان دې په کابل کې د امام ابوحنیفه پنځم ملي او نړیوال نندارتون ته وبلل شي. یادې خونې ددغه وړاندیز هرکلی دی.
سرچینو افغانستان انټرنشنل ته ویلي، چې د امربالمعروف محتسبانو په کندهار کې د صرافۍ پر مارکیټ چاپه وهلې او یو شمېر صرافان او د هغوی کارکوونکي یې له ځان سره وړي دي. سرچینو ویلي، چې یاد کسان د ږیرو د خرېیلو په تور نیول شوي دي.
د طالبانو د پنجشېر ولایت د کانونو او پټرولیم ریاست وايي، چې د عنابې ولسوالۍ په اړوندو سیمو کې ځايي خلکو د فیروزې ډبرو کان موندلی دی.
پخواني ولسمشر حامد کرزي پر مکې مکرمې د برید هڅه په سختو ټکو غندلې او له سعودي عربستان سره یې د خواخوږۍ ترڅنګ، په هر حالت کې د حرمین شریفین د حرمت پر خوندیتوب ټینګار کړی. کرزي هیله ښودلې، چې د ښکېلو هېوادونو او اړخونو په تدبیر او لرلید شخړې پای ته ورسیږي.
د بلوچستان د کیچ ولسوالۍ پر مکران لویه لاره د پاکستان د امنیتي ځواکونو په ډزو کې یوه افغانه مېرمن او یو موټرچلوونکی ټپیان شوي دي. ځايي پوليسو ویلي، پېښه «ماشاالله هوټل» ته نږدې هغه مهال شوې چې پاکستاني ځواکونو د یوه موټر د درولو هڅه وکړه.
د اسلامي همکاریو سازمان په سعودي عربستان کې پر مکه او مدینه د یمن د حوثي وسلهوالو د بریدونو هڅه غندلې ده. دغه سازمان په یوې خبرپاڼه کې د سعودي عربستان له ځمکنۍ بشپړتیا خپل بشپړ ملاتړ څرګند کړی دی.
د ملګرو ملتونو سرمنشي د افغانستان په اړه په خپل تازه راپور کې ویلي، چې د طالبانو وسلهوالو مخالفو ډلو د مئ له لومړۍ نېټې د جولای تر وروستۍ نېټې پورې په ۲۱ ولایتونو کې د ۸۸ بریدونو مسوولیت منلی دی. ملګرو ملتونو ویلي، له دغه بریدونو څخه یې ۵۵ پېښې تایید کړې دي.
د طالبانو د عامې روغتیا وزارت وايي، په افغانستان کې د درملو د تولید ظرفیت مخ په پراخېدو دی او دامهال د هېواد دننه تولیدېدونکي درمل په کور دننه د درملو شاوخوا ۳۰ سلنه اړتیا پوره کوي.
په کونړ کې د طالبانو د اقتصاد رییس عبدالله همت وایي، د دغه ولایت په نورګل ولسوالۍ کې د زلزله ځپلو لپاره د یو مېلیون ډالرو په لګښت ۲۲۶ کورنه جوړېږي چې چارې یې ۷۵ سلنه بشپړې شوې دي. نوموړي له مرستندویه ادارو د نورو همکاریو غوښتنه هم کړې.
د پاکستان د روغتیا وزیر مصطفی کمال ویلي، هغه ټول بهرني محصلان چې د استوګنې او زدهکړو قانوني اسناد نهلري باید پاکستان پرېږدي. د هغه په وینا، د پاکستان د طبي شورا وروستۍ پرېکړه یوازې د یوه ځانګړي هېواد د وګړو لپاره نهده؛ بلکې د ټولو بهرنیو محصلانو په اړه ده.
د طالبانو د کانونو او پټرولیم وزارت ویلي، په هرات ولایت کې د ترکمنستان ـ افغانستان ـ پاکستان ـ هند د (ټاپي) ګازو نللیکې پروژې شاوخوا ۸۰ سلنه چارې بشپړې شوې دي.
ځايي سرچینو افغانستان انټرنشنل ته ویلي، چې د بدخشان ولایت په فیضاباد ښار کې چاودنه شوې ده. لاتراوسه د چاودنې د څرنګوالي، د اوښتو زیانونو او احتمالي مرګژوبلې په اړه جزییات نهدي خپاره شوي او طالبانو هم تر دې دمه په دې اړه څه نهدي ویلي.
د طالبانو د بهرنیو چارو وزارت ویاند عبدالقهار بلخي له سيبياېس سره په مرکه کې د سپټمبر ۱۱مې بریدونه وغندل او ویې ویل، چې د ملکي وګړو په نښه کولو په اړه د دوی دریځ له تېر وخت راهیسې یو شان پاتې شوی. نوموړي له امریکا سره د اړیکو د ټینګښت غوښتنه کړې.
په بلوچستان کې د افغان محصلانو مدافع وکیل سید نذیر اغا وايي، د بلوچستان سترې محکمې د هغه افغان محصلانو غوښتنه رد کړې چې غوښتل یې په پاکستان کې خپلو طبي زدهکړو ته دوام ورکړي.
په کندهار کې د طالبانو والي ملاشیرین د یادې ډلې په اداري مجلس کې د ادارو له مسوولینو غوښتي، چې د ټولو کارکوونکو «سیرت او صورت پر سنتو» برابر کړي. هغه ټینګار کړی، چې په کمېټو او کمېسیونونو کې دې د باور وړ کسانو ته ځای ورکړل شي.
د پاکستان لومړي وزیر شهباز شریف پر مکې مکرمې د ډرون برید د هڅې غندنه کړې او دا یې «نهبښونکې کړنه» بللې ده. هغه ویلي: «پاکستان د سعودي عربستان د ځمکنۍ بشپړتیا او د دغه هېواد د مقدسو ځایونو د امنیت په برخه کې د سعودي تر څنګ ولاړ دی».