د پاکستان لومړي وزیر شهباز شریف پر مکې مکرمې د ډرون برید د هڅې غندنه کړې او دا یې «نهبښونکې کړنه» بللې ده. هغه ویلي: «پاکستان د سعودي عربستان د ځمکنۍ بشپړتیا او د دغه هېواد د مقدسو ځایونو د امنیت په برخه کې د سعودي تر څنګ ولاړ دی».
په خیبر پښتونخوا کې د بېاسناده افغان کډوالو پر وړاندې د پاکستاني پولیسو عملیات لاهم دوام لري. د مانسهرې ځانګړو پولیسو په خپلو تازه عملیاتو کې لږترلږه ۳۰ افغان کډوال نیولي او بېرته یې افغانستان ته ستانه کړي دي.
د خیبر پښتونخوا په بنو ولسوالۍ کې د امن کمېټې د غړو پر کورونو د کواډکاپټرو په دوو جلا بریدونو کې د یوې ښځې په ګډون لږترلږه دوه کسان وژل شوي او دوه نور ټپیان دي. د پولیسو په وینا، دغه پېښې د بنو ښار په ۱۵ کیلومترۍ کې د احمدزي تاڼې شاوخوا شوې دي.
د «سکای نیوز» په یوه راپور کې په افغانستان کې د څو لسیزو جګړو هغه قربانیان ښودل شوي، چې د جګړو له پای ته رسېدو وروسته هم د خپلو ټپونو، د عزیزانو له لاسه ورکولو او د ناچاوده توکو له ګواښ سره ژوند کوي.
په هرات کې د طالبانو والي اسلام جار د ترکمنستان له سر قونسل باتور یولوف سره په لیدنه کې د دواړو هېوادونو ترمنځ د سوداګریزو همکاریو پر زیاتوالي، د ترانزیټي لارو پر پراختیا، د هرات – تورغونډۍ د اوسپنې پټلۍ پروژې او له ترکمنستان نه فراه ولایت ته د برېښنا پر لېږد خبرې کړې دي.
د افغانستان د پلازمېنې کابل په شمال کې د استالف ولسوالۍ یو کولال وايي، د سلګونه کلونو دغه پخوانی لاسي صنعت د بازار د نشتوالي او د عصري توکو د پراخېدو له امله د لهمنځه تلو له ګواښ سره مخ دی.
د پاکستان د پوځ ویاند احمد شریف چودري ویلي، د طالبانو تر واک لاندې افغانستان کې لسګونه وسلهوالې ډلې د ډیورنډ کرښې هاخوا د بریدونو لپاره پر روزنې، وسلو سمبالولو او د بریدونو پر پلانولو بوختې دي.
د «پيبياېس نیوز» په ځانګړي راپور کې د افغانستان د شل کلنې جګړې درېیو بېلابېلو اړخونو «پخواني افغان کومانډو، د امریکا پخواني سرتېري او یو پخواني طالب جنګیالي» سره مرکې شوې دي.
د اسلاماباد عالي محکمې د یوه افغان ډاکټر عمادالدین د اېستلو پرېکړه په لنډمهالي ډول ځنډولې او هغه ته یې اجازه ورکړې، چې په پاکستان کې خپلو زدهکړو ته دوام ورکړي. دغه پرېکړه د قاضي خادم حسین سومرو لهخوا د دغه ډاکټر د پاکستانۍ مېرمنې مهر ظهور د غوښتنې پر بنسټ شوې ده.
د ژغورنې نړۍوالې کمېټې په یوه راپور کې ویلي، په پاکستان کې مېشت ګڼ افغان کډوال ماشومان لاهم د قانوني وضعیت د ناڅرګندتیا، د اېستلو له وېرې او اقتصادي ستونزو له امله د زدهکړو پر وړاندې له ګڼو خنډونو سره مخ دي.
په پاکستان کې د افغان طبي محصلانو او د اسلامي جمعیت د زدهکړیالانو ټولنې د پاکستان د طبي شورا د وروستۍ پرېکړې پرضد د اسلاماباد عالي محکمې ته ګډه عریضه وړاندې کړې. په عریضه کې غوښتنه شوې، چې د افغان محصلانو د اېستلو پرېکړه دې د هغوی د زدهکړو تر بشپړوولو وځنډول شي.
د امریکا د بهرنیو چارو وزارت ایراني چارواکو ته د ویزو صادرولو په اړه د ایران انټرنشنل د یوې پوښتنې په ځواب کې ویلي، د ډونالډ ټرمپ حکومت د ویزو صادرولو په بهیر کې د ملي امنیت او عامه خوندیتوب تر ټولو لوړ معیارونه پلي کوي؛ څو د امریکا هېواد او وګړو ساتنه وکړي.
د خوړو نړۍوال پروګرام په خپل تازه راپور کې ویلي، د افغانستان اقتصاد لاهم د کورنۍ تقاضا، کرنې، صنعت او د راستنېدونکو کډوالو په مرسته محدوده وده کوي؛ خو دغه وده په هغه اندازه چټکه نهده، چې د نفوس له زیاتوالي سره برابره شي او د خلکو پر ژوند د پام وړ مثبت اغېز وکړي.
یوشمېر افغان محصلان وايي، سره له دې چې د ترکیې له پوهنتونونو یې منل لیکونه ترلاسه کړي او اړین پړاوونه یې بشپړ کړي؛ خو په کابل کې د ترکیې سفارت د دوی د تحصیلي ویزو غوښتنلیکونه رد کړي دي.
په پکتیا کې د طالبانو د صنعت او سوداګرۍ ریاست د دغه ولایت په مرکز ګردېز ښار کې د کورنیو تولېداتو درې ورځنی نندارتون پرانیست. په نندارتون کې ګډونوالو او سوداګرو ویلي، چې د کورنیو تولیداتو د ودې لپاره باید د صادراتو زمینه پراخه او افغاني تولیداتو ته نړۍوال بازارونه وموندل شي.
رویټرز خبري اژانس راپور ورکړی، چې په افغانستان کې د «اېچایوي» ناروغۍ پېښې زیاتې شوې دي. د خپرو شویو شمېرو له مخې، په تېر یو نیم کال کې د یادې ناروغۍ لږترلږه ۲۸۶ نوې پېښې ثبت شوې چې له دې ډلې ۸۶ یې په تېرو پنځو میاشتو کې ثبت شوې دي.
د افغانستان انټرنشنل - پښتو یو څارونکی وایي، د طالبانو د عدلیې وزارت له لوري د کډوالو لپاره د ناروې د کمېټې (این ار سي) د حقوقي برخې فعالیتونه له څلورو میاشتو راهیسې بند شوي دي. په ورته وخت کې یاد سازمان افغانستان انټرنشنل ته ویلي، چې په ۹ ولایتونو کې ددوی فعالیتونه روان دي.
د ژغورنې نړیوالې کمېټې د سېشنبې په ورځ وویل، افغانستان د وچکالۍ په شپږم کال کې د نړۍ په کچه د لوږې تر ټولو جدي کړکېچونو سره مخ دی. د دې کمېټې په وینا، په افغانستان کې ۴،۷ میلیونه کسان د خوړو د نهخوندیتوب په بېړنۍ کچه کې ژوند کوي، چې دا حالت یوازې یو پړاو له قحطۍ سره واټن لري.
ټاکل شوې چې د ملګرو ملتونو امنیت شورا نن، چهارشنبه، د افغانستان د سیاسي، بشري، امنیتي او بشري حقونو د وضعیت په تړاو غونډه وکړي.
هندۍ سیلانۍ آرونیمای ایپي وایي، په بامیانو کې طالبانو هغه مهال ودروله چې یوازې یې سفر کاوه او هېڅ نارینه ملګری ورسره نه و. نوموړې زیاتوي، طالبانو ورته ویلي چې د مقرراتو د ماتولو له امله باید ونیول شي. هغه وایي، کابل کې له هند سفارت سره یې تر اړیکې وروسته ستونزه هواره شوه.
د طالبانو ویاند ذبیحالله مجاهد وايي، چې د دوی لپاره د خپلې تګلارې عملي کول تر دې مهم دي چې دغه تګلاره له خلکو سره د دوی د نږدېوالي یا واټن سبب شي.