په لغمان کې د طالبانو د کرنې، اوبو لګولو او مالدارۍ ریاست د کرنیزو چارو امر بریالی همدرد وايي، په دغه ولایت کې پر ۱۵۱ هکټاره کرنیزې ځمکې شفتالو کرل شوي او تمه لري چې سږکال به ترې ۱۷۰۰ ټنه د شفتالو حاصلات ترلاسه کړي.
د روغتیاپالو د نړۍوالې ورځې په مناسبت اروپايي ټولنې اعلان کړی، چې په افغانستان کې د روغتیاپالو د زدهکړې او مسلکي ودې ملاتړ کوي. اروپايي ټولنې ټینګار کړی، چې ښځې د افغانستان د روغتیايي ځواک یوه مهمه برخه جوړوي او د ژوند په ژغورلو کې مهم رول لوبوي.
د امریکا حکومت پر درېیو کسانو او نهو شرکتونو چین ته د ایران د تېلو لېږد او پلور په برخه کې د همکارۍ له امله بندیزونه اعلان کړي. د امریکا خزانې وزارت ویلي، په بندیزونو کې شامل شرکتونه په هانګکانګ، متحده عربي اماراتو او عمان کې مېشت دي.
نن سېشنبه (د غویي ۲۲مه) د خیبر پښتونخوا د لکي مروت ولسوالۍ په بازار کې چاودنه شوې، چې له امله یې ۹ کسان وژل شوي او ۲۲ نور ټپیان دي. د ځایي پولیسو په وینا؛ په وژل شویو کسانو کې دوه د ټرافیک پولیس هم شامل دي.
د سره صلیب نړۍوالې کمیټې (IFRC) راپور ورکړی، چې د ۲۰۲۶کال په مارچ میاشت کې د سختو او پرلهپسې ورښتونو له امله په افغانستان کې ناڅاپي سېلابونو پراخ زیانونه اړولي دي. د راپور له مخې؛ په دغه سېلابونو کې تر ۲۸۰ ډېرې کورنۍ اغېزمنې شوې، ۹ کسان مړه او ۱۴ نور ټپیان شوي دي.
د طالبانو روغتیا ورازت خبر ورکړی، چې د پلازمېنې کابل د یولسمې ناحیې اړوند «هوټل پروان» سیمه کې د یاد وزارت د خوړو او درملو معینیت د څارنې او پلټنې ریاست د درملو ۴ عمده پلورنځي د اسنادو د نشتوالي له امله تړلي دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، په تېرو دوو ورځو کې (د غویي په ۲۰مې او ۲۱مې) ۲زره او ۲۵۵ کډوالې کورنۍ چې ټولټال ۹زره او ۳۳۸ کسان کېږي؛ له ایران او پاکستان نه افغانستان ته ستنې شوې دي.
ملګري ملتونه وايي، په افغانستان کې ۱۳.۸ مېلیونه خلک د خوړو له کمښت سره مخ دي او نږدې پنځه مېلیونه ماشومان او مېندواره ښځې په خوارځواکۍ اخته دي. د خوړو نړۍوال پروګرام خبرداری ورکړی، چې دغه ګډو فشارونو د ښځو او ماشومانو د خوارځواکۍ د درملنۍ لپاره د خوراکي توکو زېرمې کمې کړې دي.
د طالبانو تر واک لاندې د ملي پراختیا ادارې ویاند نبيالله ارغندیوال وايي، د بلخ په کلدار ولسوالۍ کې د قوشتېپې کانال د سربند تخنیکي چارې په بشپړه توګه پای ته رسېدلې او د جوړولو چارې یې هم ۹۱ سلنه بشپړې شوې دي.
د طالبانو د عامې روغتیا وزارت ویاند شرافت زمان خبر ورکړی، چې واک ته د یادې ډلې تر رسېدو وروسته په تېرو شاوخوا څلورو کلونو کې د خوارځواکو ماشومانو د درملنې مرکزونه له ۸۰۰ تر ۳زره او ۲۰۰ لوړ شوي دي.
د بلوچستان د ګوادر اړوند کنټاني سیمه کې د پاکستان د سمندري ساتونکو او ځايي کارګرو ترمنځ په نښته کې لږ تر لږه دوه کسان وژل شوي او پنځه نور ټپیان دي. دغه شخړه د پاکستان د سمندري ساتونکو لهخوا د یوې پوستې جوړېدو له امله رامنځته شوې ده.
د طالبانو د ټولګټو چارو وزارت خبر ورکړی، چې تېره اونۍ د اوسپنې پټلۍ له لارې ۲۳۵زره ۳۶۲ مټریک ټنه انتقالات شوي دي. د دغه وزارت په وینا؛ یاد انتقالات د حیرتان، اقينې، تورغونډۍ او خواف-هرات بندرونو له لارې شوي دي.
د افغانستان په سوېلي ولایت هلمند کې یو ځل بیا د پاکستاني کلدارو راکړه ورکړه په بېسارې توګه پراخه شوې ده. یوشمېر ځایي سرچینې ادعا کوي، چې د لښکرګاه ښار له څنډو بهر په ولسوالیو او په ځانګړې توګه لرو پرتو سېمو کې نږدې ۹۹ سلنه کاروبار په کلدارو ترسره کېږي.
د تحریک انصاف ګوند بنسټګر او د پاکستان د پخواني لومړي وزیر عمران خان خور عظمی خان د اسلاماباد سترې محکمې ته عریضه کړې او غوښتنه یې کړې، چې عمران خان دې د مناسبې روغتیایي درملنې لپاره شفا نړۍوال روغتون ته ولېږدول شي.
فرانسې خبري اژانس راپور ورکړی، چې اروپايي کمېسیون به په نږدې راتلونکي کې د طالبانو چارواکي بروکسل ته د افغان کډوالو د اېستلو په اړه د خبرو اترو لپاره وربولي. د راپور له مخې؛ ټاکل شوې ده چې ډېر ژر به کابل ته د یادې ناستې د نېټې ټاکلو لپاره یو لیک واستول شي.
د بلخ د سوداګرۍ او پانګونې خونې مرستیال هارون رشید ویلي، په تېر ۱۴۰۴کال کې په دغه ولایت کې په بېلابېلو تولیدي او اقتصادي برخو کې څه باندې ۷۰۰ مېلیون ډالره پانګونه شوې ده. نوموړي زیاته کړې، چې دغه پانګونه د اوسپنې تولید، کرنې، خوراکي توکو او نورو اقتصادي برخو کې شوې ده.
واک ته د طالبانو له رسېدو وروسته یادې ډلې هڅه کړې، چې په خپلو ویناوو او رسنیزو څرګندونو کې د یووالي، انسجام او مرکزي کنټرول انځور وړاندې کړي؛ خو د شواهدو او تر سقوط وروسته پرمختګونو له مخې دغه انځور تر ډېره د بهرني مخاطب لپاره د یوه سیاسي روایت په توګه ارزول کېږي.
د خیبر پښتونخوا په نوشهره کې د یوه زورور توپان له امله په دوو جلا پېښو کې یو اته کلن ماشوم مړ او پنځه کسه نور ټپیان شوي دي. د ځایي چارواکو په وینا؛ په لومړۍ پېښه کې په کارلکي کلي کې د توپان پرمهال د یوه کور چت پرېوتو له امله یو ماشوم مړ او دوه نور کسان ټپیان شوي دي.
وال سټریټ ژورنال ورځپاڼې د «باخبره سرچینو» په حواله راپور ورکړی، چې متحده عربي اماراتو په پټه د ایران پرضد پوځي بریدونه ترسره کړي دي. د راپور له مخې؛ متحده عربي اماراتو په ښکاره ډول د دغه بریدونو پخلی نهدی کړی.
تر ۲۰کلنو کم عمره د افغانستان فوټبال لوبډله به نن سېشنبه (د غویي ۲۲مه) په کافا جام سیالیو کې په خپله لومړۍ لوبه کې له ترکمنستان سره مخ شي. دغه لوبه به د غرمې په ۱۲:۰۰ بجو د تاجکستان په کوربهتوب پیل شي.
د افغان کډوالو د ملاتړ اداره افغان ایواک په خپل تازه اونیز راپور کې ویلي، چې یوې فدرالي محکمې د امریکا بهرنیو چارو وزارت د افغان ځانګړې کډوالۍ ویزو د غوښتونکو په چارو کې پر «جدي ناکامۍ» تورن کړی او امر یې کړی چې د زرګونو افغان متحدینو دوسیې دې په چټک ډول وڅېړل شي.