د فرانسې پارلمان کې د افغانستان په اړه جوړې شوې غونډې ته د ښځو حقونو فعالې تهمینه سالک ویلي، چې ځینې اروپايي هېوادونه د کډوالو افغانانو د بېرته لېږلو لپاره د طالبانو کوربهتوب کوي، چې دا چاره جدي اندېښنې راپورته کوي. هغې زیاته کړې، چې د طالبانو د «اصلاح شوي» تصور حقیقت نه لري.
په دوحه کې د طالبانو سفیر سهیل شاهین د ګامبیا له سفیر عمر جاح سره لیدنه کې د افغانستان او ګامبیا ترمنځ د اړیکو او همکارۍ په تړاو خبرې کړې دي. خبرپاڼه کې راغلي چې د ناستې پر مهال د افغانستان د عمومي ثبات او امنیت په اړه مفصل بحث شوی دی.
د هلمند ولایت لپاره د طالبانو د رسنیو دفتر د یوې خبرپاڼې په خپرولو سره وايي، په لښکرګاه ښار کې یې ۱۹ اعشاریه ۲ ټُنه بېلابېل نشهيي توکي سوځولي دي.. د خبرپاڼې لهمخې، په دې نشهيي توکو کې خام او پاخه تریاک، چرس، شیشه، شراب، کیمیاوي تېزاب، نشهيي ګولۍ او نور ورته توکې شامل وو.
د امریکا متحده ایالاتو حکومت د چهارشنبې په ورځ د «د ۲۰۲۶ کال د ترهګرۍ پر ضد ملي ستراتېژۍ» سند خپور کړ. په دې سند کې په لاتیني امریکا کې د نشهيي توکو د قاچاق پر کارټلونو، د چپپالو توندلارو ډلو او د اسلامي سختدریځو ډلو لکه القا-عده او داع -ش پر وړاندې مبارزې باندې تمرکز شوی دی.
د امریکا ولسمشر ډونالډ ټرمپ وایي، چې د ایران له چارواکو سره یې په تېرو ۲۴ساعتونو کې «ډېرې ښې» خبرې کړې دي او د یوه احتمالي تړون د ترلاسه کېدو امکان یې لوړ بللی دی.
پښتون سیاستوال او د پاکستان د اپوزیسیون مشر محمود خان اڅکزی وايي، د افغانستان او پاکستان تر منځ روان کړکېچ په ګواښونو نه، بلکې د جدي مذاکراتو او سیمهییزو کنفرانسونو له لارې حل کېدای شي.
د اروپايي پارلمان غړې هانا نیومن ویلي، چې د افغان کډوالو جبري ستنول یوازې بشري ناکامي نه، بلکې ستراتېژیکه تېروتنه ده. هغې زیاته کړې، چې که اروپا ځوان افغانان بېرته بېوزلۍ او ناهیلۍ ته واستوي، نو ډېری به یې د سرپناه او خوړو لپاره د طالبانو شبکو او مدرسو ته ورشي.
د افغانستان لپاره د برېټانیا ځانګړي استازي ریچارډ لېنډسي ویلي، د افغان نارینه وو له لوري د افغان ښځو او نجونو د زده کړو ملاتړ د افغانستان راتلونکي هوساینې لپاره حیاتي دی. هغه د ۲۰۲۶ ازادۍ جایزې ګټونکي مطیعالله ویسا ته مبارکي هم ورکړې او د هغه زړورتیا یې ستایلې ده.
د طالبانو له پېښو سره د مبارزې چمتوالي ادارې مشر د اروپا د ملکي خوندیتوب او بشري مرستو د عملیاتو ادارې له سلاکار سره په کتنه کې له ټولو مرستندویانو وغوښتل چې، خپلې پروژې د خلکو له اړتیاوو سره سمې تنظیم کړي. نوموړي ټینګار کړی، چې د خپلو طرحو په تړاو هم باید له دوی سره مشورې وکړي.
د تېر جمهوري نظام پر مهال د ملي امنیت ادارې مشر رحمت الله نبیل په یوې غونډه کې ویلي، چې د افغانستان د اوسني وضعیت د پای ته رسولو لپاره باید پر یو نوي روایت فکر وشي. هغه زیاته کړې چې باید په ګډه د هېواد ټول وګړي او قشرونه د راتلونکي په تړاو ناسته وکړي.
افغانستان لپاره د ملګرو ملتونو د بشري حقونو ځانګړي راپور ورکوونکي د فرانسې په پارلمان کې یوې غونډې ته ویلي، چې باید د افغانستان پر راتلونکي باندې تمرکز وشي. هغه زیاته کړې چې د افغانستان دننه خلک د طالبانو د جزایي کړنلارې له سختو محدودیتونو سره مخ دي او هغوی ته باید هیله ورکړل شي.
د افغانستان د بشري حقونو وضعیت او د روان بحران د حللارو په اړه دوه ورځنی کنفرانس د فرانسوي چارواکو، د ملګرو ملتونو سازمان ځانګړي راپور ورکوونکي او د افغانستان د پخوانیو چارواکو په ګډون، د چهارشنبې په ورځ د فرانسې ملي شورا کې پیل شوی دی.
په بادغیس کې یو شمېر سوداګرو د پستو بازار د پیکه کېدو په تړاو د اندېښنو په څرګندولو سره له اړوندو طالب مسوولینو غواړي، چې سږکال باید هېچاته دا اجازه ورنهکړل شي، چې پستې له پخېدو وړاندې راټولې کړي. بادغیس کې طالب مسوولین بیا وايي، د پستې ځنګلونو ساتنې لپاره یې ساتونکي ګومارلي دي
د لوګر ولایت ځینو اوسېدونکو افغانستان انټرنشنل - پښتو ته ویلي، چې د دغه ولایت د خروار ولسوالۍ په اسلام درې سیمه کې، نن یو ځل بیا د طالبانو له لوري په عام محضر کې پر څو کسانو د دُرو وهلو سزاوې عملي شوې. د دوی په وینا، نندارچیانو کې ماشومان هم شامل و چې دا یې د اندېښنې وړ بللې ده.
د افغانستان لپاره د ملګرو ملتونو د ماشومانو څخه د ملاتړ صندوق استازي تاجالدین اویوواله ویلي، هر ماشوم د زدهکړې لپاره خوندي ځای او د راتلونکې د جوړولو وسایلو ته اړتیا لري. هغه زیاته کړې، چې یونسېف او ملګرو یې څلورو میلیونو ماشومانو ته د زدهکړې او ښوونې توکي برابر کړي دي.
په افغانستان کې د ملګرو ملتونو د وګړو صندوق استازي، کوابینا اسنتي انتیامواه، ویلي چې په تېرو کلونو کې په دغه هېواد کې شاوخوا ۳۴زره قابلې له زده کړو فارغې شوي، خو لږه اندازه پر دندو بوختې دي.
ترکیې او سعودي عربستان د ډېپلوماټیکو او ځانګړو پاسپورټونو لرونکو لپاره د ویزې د شتون اړتیا لغوه کولو یو مهم تړون لاسلیک کړی دی.
د امریکایي رسنیو نامتو او اغېزمن شخصیت او د سياېناېن شبکې بنسټ اېښودونکی ټېډ ټرنر د چهارشنبې په ورځ د ۸۷ کلونو په عمر ومړ. هغه په امریکا کې د لومړي ۲۴ ساعته کېبلي خبري چینل په جوړولو سره د ټلوېزیون صنعت او د خبرونو د خپرولو بڼه د تل لپاره بدله کړه.
د پخواني جمهوري نظام د چارو ادارې مشر فضل محمود فضلي وایي، په اوسنیو شرایطو کې د ارزښتونو د دفاع او احیا لپاره بهرنیو ادارو ته مراجعه نه یوازې «ځانغولونه» او د وخت ضایع کول دي، بلکې د یوې رښتینې افغاني سیاسي پروسې ټکني کول او مخنیوی یې هم دی.
د طالبانو د ریاست الوزرا د دفتر عمومي رییس ملا عبدالواسع په ارګ کې د المدینه ډیولپمنټ سپلای ال ال سي شرکت له مشرې شهلا هوپر جمال او مل پلاوي سره په لیدنه کې د اداري سیستمونو د عصري کولو او ډیجیټلي کېدو پر اړتیا ټینګار کړی دی.
د امریکا ولسمشر ډونالډ ټرمپ یوه نوې ملي ترهګرۍ ضد ستراتیژي لاسلیک کړې چې په یوه برخه کې یې د نشه يي توکو شبکو فلج کول او د الـ.ـقـ.ـاعدې په څېر ډلو هدف ګرځول او له منځه وړل هم شامل دي.