والسټریټ ژورنال راپور ورکړی، چې د امریکا د ولسمشر ډونالډ ټرمپ لوړپوړو سلاکارانو په خصوصي غونډو کې د ۲۰۲۹کال تر جنورۍ پورې د ټرمپ د ولسمشرۍ دورې تر پایه د «ایران د جګړې» د دوام احتمال ارزولی دی. دغه ارزونه د جګړې د ژر پای ته رسېدو په اړه د ټرمپ له علني ژمنو سره په ټکر کې ده.
د قومي وطن ګوند مشر او د پاکستان د کورنیو چارو پخواني وزیر افتاب احمدخان شېرپاو ویلي، له پاکستان نه د افغان طبي محصلانو اېستل به د هغوی د زدهکړو او راتلونکي پر برخلیک منفي اغېز وکړي او حکومت باید دغه محصلانو ته د زدهکړو بشپړولو فرصت ورکړي.
د کاناډا د ناټو ټولنې په یوه تحلیلي راپور کې راغلي، چې د افغانستان جګړې نه یوازې د کاناډا د پوځ پر عملیاتو بلکې د دغه هېواد پر پوځي مشرانو، پوځي لومړیتوبونو او دفاعي پالیسیو هم ژور اغېز کړی دی.
د پاکستان تحریک انصاف مرکزي غړی او د دغه هېواد د ملي اسمبلۍ پخوانی رییس اسد قیصر ویلي، چې له پاکستان نه د افغان محصلانو د اېستلو په اړه دې د دغه هېواد د طبي شورا پرېکړه سملاسي بېرته واخیستل شي.
هېلو ټرسټ سازمان په یوه تازه راپور کې ویلي، په ۲۰۲۵کال کې افغانستان د هغه نهو هېوادونو له ډلې و چې د چاودېدونکو توکو له امله پهکې نوې مرګژوبله ثبت شوې ده. د دغه سازمان په وینا، د یادو پېښو ۸۷ سلنه قربانیان ملکي وګړي وو.
د نجونو د زدهکړو او د تعلیم حق فعالې پرستو حکیم ویلي، په افغانستان کې د نجونو او ښځو پر زدهکړو محدودیتونو یو وار بیا ګڼې افغانې مېرمنې دې ته اړې اېستې چې د تېرو کلونو په څېر د پټو ښوونځیو او بدیلو ښوونیزو لارو پر موندلو تکیه وکړي.
رویټرز خبري اژانس د سيبياېس خبریالې جینیفر جیکبز په حواله راپور ورکړی، چې د اردن پر موفقالسلطي هوايي اډه د ایران په برید کې څو امریکایي پوځي الوتکې زیانمنې شوې دي. د راپور له مخې، د «A-10 تاندربولټ» الوتکه چې د «وارتاګ» په نامه هم یادېږي، په نښه شوې او یو وزر یې لهمنځه تللی.
د افغانستان د فوټبال غوره لیګ سیالیو شپږم پړاو نن پنجشنبه (د وږي ۱۹مه) د لسو لوبډلو په ګډون پیلېږي. د سیالیو په پرانیستې لوبه کې د پنځم پړاو اتله لوبډله ابو مسلم فراه به د فاریاب د سرسبز یاشلر سره مخ شي.
د سعودي عربستان په مشرۍ ایتلاف وايي، د ایران له ملاتړه برخمنو حوثیانو د چهارشنبې په ورځ، د وږي په ۱۸مه، د سعودي عربستان درې ښارونه په بالستیک توغندیو او ډرونونو په نښه کړي دي.
د شمالي کوریا مشر کېم جون اون د دغه هېواد د تاسیس د ۷۸مې کلیزې په نمانځغونډه کې د خپلو هغو ځواکونو مننه او ستاینه کړې، چې په «بهرنیو پوځي عملیاتو» کې بوخت دي. د شمالي کوریا شاوخوا ۱۵ زره سرتېري د روسیې په ملاتړ د اوکراین پر ضد جنګېږي.
الجزیره ټلوېزیوني شبکه وایي، د پاکستان د بلوچستان ایالت په پښتونمېشتو سیمو کې د وسلهوالو بریدونو کچه په څرګند ډول لوړه شوې ده. تر څو میاشتو وړاندې پورې دغه سیمې د بلوچستان په نورو برخو کې له وسلوالو ډلو سره له نښتو او بریدونو څخه تر ډېره خوندي پاتې وې.
د لبنان پوځ وايي، اسراییل د جون میاشتې د هوکړې له رامنځته کېدو راهیسې شاوخوا ۷ زره او ۷۰۰ ځله دغه هوکړه نقض کړې ده.
د پنجشېر لپاره د طالبانو د پوهنې ریاست د تعلیم او تربیې مرستیال حسیبالله وايي، یوازې په دغه ولایت کې ۱۲۰ دیني مدرسې او دارالعلوم فعال دي. د پنجشېر لپاره طالب والي بیا وايي، د همدې مدرسو په برکت یې امریکا ماته کړې ده. د چارو څارونکي مدرسې د راتلونکو طالب جنګیالیو مرکزونه ګڼي.
ناټو کې د امریکا پخوانی سفیر نیکولاس برنز وايي، واشنګټن د سپټمبر له ۱۱مې بریدونو وروسته د خپلو ملګرو هېوادونو پراخ ملاتړ ترلاسه کړ، خو افغانستان کې د امریکا ۲۰ کلن حضور د دغه هېواد د ماموریت اصلي موخه ګډهوډه کړه. هغه وایي، موږ فکر نه کاوه چې ۲۰ کاله به په افغانستان کې پاتې شو.
د طالبانو د کورنیو چارو وزارت وايي، د جنایي جرمونو پر وړاندې د مبارزې ځواکونو یې په شپږو ولایتونو کې د عملیاتو پر مهال ۱۵ کسان د بېلابېلو جرمونو په تړاو نیولي دي.
د پنجشېر لپاره د طالبانو والي محمد اغا حکیم د دیني مدرسو په یوې غونډه کې ادعا کړې: «داسې استقلال لرو، چې د هېچا فرمایش نهمنو او له هېچا پیسې نهاخلو». خو تر دې وړاندې امرالله صالح ادعا کړې وه، چې امریکا همدا تېره اونۍ طالبانو ته ۲۰ میلیونه ډالره ورکړي دي.
رویټرز د باخبره سرچینو په حواله راپور ورکړی چې پاکستان تهران ته د سعودي عربستان پیغام رسولی او په کې له ایران غوښتل شوي چې پر حوثیانو خپل نفوذ وکاروي، څو پر سعودي عربستان د هغوی بریدونه ودرول شي.
د طالبانو د المپیک، بدني روزنې او سپورټ ریاست وایي، تېر کال ۲۴۰ افغان ورزشکارانو په بېلابېلو نړیوالو سیالیو کې ګډون کړی دی. د دغه ریاست د معلوماتو له مخې، دغو لوبغاړو په بېلابېلو ورزشي څانګو کې د هېواد په استازیتوب لوبې کړې دي.
د ملګرو ملتونو د وګړو صندوق او د جاپان د نړیوالې همکارۍ ادارې «جایکا» چارواکو په افغانستان کې د قابلګۍ خدمتونو د پیاوړتیا، د میندو د روغتیايي اړتیاوو او د زېږون روغتیا په برخه کې د همکارۍ په اړه خبرې کړې دي.
په پاریس کې د ۱۴ کسانو محاکمه پیل شوې چې ډېری یې د افغانستان وګړي دي او د مانیښ کانال له لارې د پناهغوښتونکو د تېرېدو پر مهال د لږ تر لږه ۳۱ کسانو د مړینې په تړاو تورن دي.
۶ ورځې مخکې په هرات ښار کې یو ۳۰ کلن ځوان له شکنجې وروسته په رڼا ورځ په ډزو ووژل شو. ځايي طالبان ادعا لري، چې د پېښې په تړاو مظنونین نیول شوي، خو په تړاو یې هېڅ ډول معلومات نهدي ورکړي. دغه ولایت لپاره د طالبانو د امنیت امر بیا وايي هر «ږیرهور او لونګۍ والا» طالب نهدی.