د طالبانو د ریاست الوزرا اقتصادي مرستیال ملا عبدالغني برادر په کابل کې د ترکیې له سفیر سره په لیدنه کې په دغه هېواد کې د مېشتو افغان کډوالو د ستونزو د حل په اړه غږېدلی دی. د ملا برادر دفتر ویلي، چې دواړو لوريو د اقتصادي همکاریو د پراختیا په اړه هم خبرې کړې دي.
د پاکستان په کراچۍ ښار کې مېشت د خیبر پښتونخوا او بلوچستان پښتانه وايي، په دغه ښار کې د افغان کډوالو د نیولو پر مهال د یادو ایالتونو پښتانه هم نیول کېږي. په دوی کې د بي بي ګل په نوم د پاخه عمر يوه مېرمن هم نیول شوې او د کډوالو لپاره په جوړ شوي کمپ کې ده.
د ملګرو ملتونو د بشري مرستو د همغږۍ ادارې ویلي چې کاناډا د افغانستان له بشري صندوق سره د څه کم یو میلیون امریکايي ډالر مالي مرسته کړې ده.
د افغانستان لپاره د اروپايي ټولنې ځانګړي استازي ژیل برټراند د خپل ماموریت له پای ته رسېدو سره هممهاله ویلي چې افغانستان او افغانان د اروپايي ټولنې لپاره ارزښت لري او د خپل ماموریت پرمهال له طالبانو سره د اختلافونو باوجود، خبرو ته ژمن پاتې شوی.
۲۵ کاله وروسته القاعده د ۲۰۰۱ کال په څېر نه ده ځکه د خپلو مشرانو، مالي سرچینو، اړیکو او منظمې مرکزي قوماندې په له لاسه ورکولو سره خورا کمزورې شوې ده. د دې شبکې د ماتې تر ټولو روښانه نښه ښايي د هغې د مشرانو وژل کېدل وي خو د دوی له منځه تلو القاعدې ته د پای ټکی نه دی اېښی.
په کابل کې د ایران سفارت خبر ورکړی، چې د دغه سفارت سرپرست عليرضا بېکدلي د ایران د بهرنیو چارو له وزیر عباس عراقچي سره د ایران او افغانستان د اړیکو د وروستیو پرمختګونو او د دواړو هېوادونو ترمنځ د دوه اړخیزې همکارۍ په اړه خبرې کړې دي.
د کندهار د یوشمېر ښوونځیو زدهکوونکي وايي، د نوي ښوونیز کال له پیل سره سم ښوونځیو ته تللي؛ خو د درسي بهیر د عادي پیل پر ځای تر ډېره د ښوونځي د یونیفورم، خولۍ او پګړۍ پر برابرولو او اغوستلو ټینګار کېږي.
د پاکستان د بهرنیو چارو وزارت ویاند سجاد حیدر خان ویلي، چې حکومت د ټولو افغان محصلانو د اېستلو پرېکړه نهده کړې. د هغه په وینا، هغه افغان محصلان چې د پاکستان ویزې لري کولای شي خپلو زدهکړو ته دوام ورکړي.
د ملګرو ملتونو د نشهیي توکو او جرمونو ضد دفتر ویلي، د ۲۰۲۶کال د جنورۍ او جون میاشتو ترمنځ یې د افغانستان په بېلابېلو سیمو کې پر نشهیي توکو د روږدو ۲۱۳ کسانو سره د درملنې په برخه کې مرسته کړې؛ څو بېرته خپل عادي ژوند ته وګرځي.
د کابل له یوه پټ ښوونځي نه ۲۱ افغانو نجونو په خپلو لیکونو کې له نړۍوالې ټولنې غوښتي، چې د زدهکړو، کار او ازاد ژوند حق ته یې پاملرنه وکړي. د سيبياېس نیوز د راپور له مخې، دغه نجونې چې عمرونه یې د ۱۴ او ۱۶ کلونو ترمنځ دي، پر زدهکړو د بندیزونو له امله په پټه زدهکړې کوي.
په کندهار کې ځايي سرچینې وایي، د دغه ولایت د پنجوايي ولسوالۍ په صالحانو سیمه کې یو کس وژل شوی او جسد یې د پېښې پټولو په موخه تر یوه دېوال لاندې ښخ شوی دی. سرچینې وایي، وژل شوی کس د کاروبار په موخه پنجوايي ته تللی و او له یوشمېر کسانو سره یې په کاروبار کې شراکت درلود.
د ملګرو ملتونو د ماشومانو ملاتړ صندوق (یونېسف) وايي، د ۲۰۲۶کال د جنورۍ او جولای میاشتو ترمنځ تر ۵۰۰ ډېر داسې افغان ماشومان ثبت شوي چې یا بېسرپرسته او یا هم له خپلو کورنیو جلا افغانستان ته ستانه شوي دي.
د افغانستان ازادۍ جبهې په نامه وسلهوالې ډلې ویلي، تېره شپه یې د کاپیسا ولایت په تګاب ولسوالۍ کې د ملي اردو پر پخوانۍ او د طالبانو پر اوسنۍ اډې برید کړی چې له امله یې درې طالبان وژل شوي او دوه نور ټپیان دي.
د امریکا ولسمشر ډونالډ ټرمپ ژمنه کړې، که جمهوريپال د کانګرس په منځمهاله ټاکنو کې بریالي شي؛ نو هر بالغ امریکايي ته به ۵زره ډالر ورکړي. هغه دغه پیسې «د ټرمپ د ګټې ونډه» بللې ده.
په خیبر پښتونخوا کې پولیسو د ډرون بریدونو د مخنیوي لپاره پر خپلو پوستو او ودانیو پیاوړي جالونه نصب کړي دي. دغه ارزانه تګلاره تر دې وړاندې د اوکراین په جګړه کې هم تجربه شوې ده.
د بشري حقونو څار بنسټ له پاکستان نه غوښتي، چې د افغان طبي محصلانو د اېستلو پرېکړه بېرته واخلي او هغوی ته اجازه ورکړي چې زدهکړې بشپړې کړي. دغه سازمان د نجونو پر زدهکړو د طالبانو بندیزونو ته په اشارې ویلي، د افغان ښځینه محصلانو اېستل کولای شي دوی د زدهکړو له فرصته محرومې کړي.
د ملګرو ملتونو د وګړو صندوق (UNFPA) ویلي، د ماشومانو ودونه لاهم د بشري حقونو د جدي سرغړونو له ډلې دي او دامهال په نړۍ کې تر ۶۴۰ مېلیونو زیاتې ښځې او نجونې په ماشومتوب کې واده شوې دي.
د «رېچ» څېړنیزې ادارې په راپور کې راغلي، چې په افغانستان کې تر ۲۰۲۱کال وروسته فقر، بېکاري، د خوړو کمښت او طبیعي پېښې د خلکو د بېځایه کېدو مهم لاملونه ګرځېدلي دي. د راپور له مخې، په ۲۰۲۵کال کې ۳.۱ مېلیونه افغانان د هېواد دننه بېځایه شوي چې د افغانستان د نفوس نږدې ۶سلنه جوړوي.
د افغانستان پخواني ولسمشر حامد کرزي د پاکستان هغه پرېکړه چې له مخې یې د طب افغان محصلان د زدهکړو له دوام محرومېږي «خواشینوونکی» اقدام بللی او د یادې پرېکړې د لغوه کېدو غوښتنه یې کړې ده.
د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بېنېټ ویلي، له طالبانو سره په ځینو برخو کې تعامل او خبرې اړینې دي؛ خو دغه تعامل باید د بشري حقونو او نړۍوالو اصولو پر بنسټ وي.
په لوګر کې د طالبانو د ۳۰۳ پلي لوا ویاند محمد نوروز ځلاند ویلي، په غزني کې یې ۴ میله اېم فور، پنځه کلاشینکوف او په زیات شمېر نور مهمات کشف او ترلاسه کړي دي. طالبانو ویلي، په دې تړاو یې یو کس هم نیولی چې وسلې یې له خوست نه غزني ته لېږدولې.