په فراه کې د طالبانو امنیې قوماندانۍ خبر ورکړی، چې د دغه ولایت په فراهرود ولسوالۍ کې د یوې ټرافیکي پېښې له امله د یوې ښځې په ګډون دوه کسان مړه او درې نور ټپیان شوي دي. د یادې قوماندانۍ په وینا؛ دغه پېښه د فراهرود ولسوالۍ اړوند په اب خرما سیمه کې شوې ده.
په برېتانیا کې په ځايي وخت د سبانۍ (پنجشنبه د غويي ۱۷مه) سیمهییزو ټاکنو لپاره له وېسټ هیرو سیمې څخه د محافظه کار ګوند نوماند «ناتن سمېټ» له نوماندۍ سربېره له ګوندي فعالیتونو تعلیق شو. یاد ګوند د دغې چارې لامل د افغانانو په ګډون د پناه غوښتونکو د ډلهییزې اېستنې غوښتنه، بللې ده.
د فرانسې په پارلمان کې د افغانستان اړوند غونډې ته د ښځو د حقونو فعالې سیما نوري ویلي، چې افغانستان له داسې یوه بحران سره مخ دی چې پولې نه پېژني او د ښځو پر وړاندې روان وضعیت یوازې تبعیض نه، بلکې «بشپړ جنسیتي اپارتاید» دی.
ډونالډ ټرمپ د امریکا د «۲۰۲۶ کال د ترهګرۍ ضد ستراتېژۍ» د نوي سند په سریزه کې د ایران اسلامي جمهوریت «په نړۍ کې د ترهګرۍ لومړی دولتي ملاتړی» بللی او ټینګار یې کړی چې د «نیمېشپې څټک» او «افسانوي قهر» په نوم امریکايي عملیاتو «د ایران بدنام رژیم» ته ویجاړوونکي ګوزارونه ورکړي دي.
دا د یوې اتلس کلنې ښځې کیسه ده چې له وېرې یې د مېړه له کوره د خسر کور ته پناه یووړه، بیا بېرته ستنه کړلی شوه او په پای کې ووژل شوه. غور له کلونو راهیسې د ډېرو ښځو نومونه د ویر او غم له کیسو سره د افغانستان په حافظه کې خوندي کړي دي.
فرانسپرېس خبري اژانس د خپلو سرچینو په حواله راپور ورکړی، چې د لبنان د پلازمېنې بیروت پر سویلي سیمو د اسراییل په هوايي بریدونو کې د حـ.ـزبالله «رضوان» ځانګړو ځواکونو قومندان وژل شوی دی. د اسراییل لومړي وزیر هم د یاد قومندان وژل تایید کړي، خو حـ.ـزبالله یې ردوي.
قرغزستان اعلان کړی، چې د سیمهییزې برېښنا لېږد پروژې «کاسا-۱۰۰۰» اړوند د خپلې برخې ټول ساختماني کارونه یې بشپړ کړي او نورې چارې د افغانستان د برخې بشپړېدو پورې تړلي دي.
پر غزې د اسراییل د هوايي بریدونو پر دوام د حـ ـماس د مرکچي پلاوي مشر خلیلالحیه زوی ټپي او ۵ نور فلسطینیان وژل شوي دي. خلیلالحیه د غزې د راتلونکي په اړه له اسراییل سره د غیر مستقیمو خبرو مشري کوي. اسراییل لا تر اوسه په دې تړاو څه نهدي ویلي.
د سيبيایس نیوز د راپور له مخې، په ټوله امریکا کې د تیلو منځنۍ بیې د چهارشنبې په ورځ د هر ګیلن لپاره ۴،۵۴ ډالرو ته رسېدلې، چې دا د ۲۰۲۲کال د اوړي راهیسې تر ټولو لوړه کچه بلل کېږي.
د فرانسې پارلمان کې د افغانستان په اړه جوړې شوې غونډې ته د ښځو حقونو فعالې تهمینه سالک ویلي، چې ځینې اروپايي هېوادونه د کډوالو افغانانو د بېرته لېږلو لپاره د طالبانو کوربهتوب کوي، چې دا چاره جدي اندېښنې راپورته کوي. هغې زیاته کړې، چې د طالبانو د «اصلاح شوي» تصور حقیقت نه لري.
په دوحه کې د طالبانو سفیر سهیل شاهین د ګامبیا له سفیر عمر جاح سره لیدنه کې د افغانستان او ګامبیا ترمنځ د اړیکو او همکارۍ په تړاو خبرې کړې دي. خبرپاڼه کې راغلي چې د ناستې پر مهال د افغانستان د عمومي ثبات او امنیت په اړه مفصل بحث شوی دی.
د هلمند ولایت لپاره د طالبانو د رسنیو دفتر د یوې خبرپاڼې په خپرولو سره وايي، په لښکرګاه ښار کې یې ۱۹ اعشاریه ۲ ټُنه بېلابېل نشهيي توکي سوځولي دي.. د خبرپاڼې لهمخې، په دې نشهيي توکو کې خام او پاخه تریاک، چرس، شیشه، شراب، کیمیاوي تېزاب، نشهيي ګولۍ او نور ورته توکې شامل وو.
د امریکا متحده ایالاتو حکومت د چهارشنبې په ورځ د «د ۲۰۲۶ کال د ترهګرۍ پر ضد ملي ستراتېژۍ» سند خپور کړ. په دې سند کې په لاتیني امریکا کې د نشهيي توکو د قاچاق پر کارټلونو، د چپپالو توندلارو ډلو او د اسلامي سختدریځو ډلو لکه القا-عده او داع -ش پر وړاندې مبارزې باندې تمرکز شوی دی.
د امریکا ولسمشر ډونالډ ټرمپ وایي، چې د ایران له چارواکو سره یې په تېرو ۲۴ساعتونو کې «ډېرې ښې» خبرې کړې دي او د یوه احتمالي تړون د ترلاسه کېدو امکان یې لوړ بللی دی.
پښتون سیاستوال او د پاکستان د اپوزیسیون مشر محمود خان اڅکزی وايي، د افغانستان او پاکستان تر منځ روان کړکېچ په ګواښونو نه، بلکې د جدي مذاکراتو او سیمهییزو کنفرانسونو له لارې حل کېدای شي.
د اروپايي پارلمان غړې هانا نیومن ویلي، چې د افغان کډوالو جبري ستنول یوازې بشري ناکامي نه، بلکې ستراتېژیکه تېروتنه ده. هغې زیاته کړې، چې که اروپا ځوان افغانان بېرته بېوزلۍ او ناهیلۍ ته واستوي، نو ډېری به یې د سرپناه او خوړو لپاره د طالبانو شبکو او مدرسو ته ورشي.
د افغانستان لپاره د برېټانیا ځانګړي استازي ریچارډ لېنډسي ویلي، د افغان نارینه وو له لوري د افغان ښځو او نجونو د زده کړو ملاتړ د افغانستان راتلونکي هوساینې لپاره حیاتي دی. هغه د ۲۰۲۶ ازادۍ جایزې ګټونکي مطیعالله ویسا ته مبارکي هم ورکړې او د هغه زړورتیا یې ستایلې ده.
د طالبانو له پېښو سره د مبارزې چمتوالي ادارې مشر د اروپا د ملکي خوندیتوب او بشري مرستو د عملیاتو ادارې له سلاکار سره په کتنه کې له ټولو مرستندویانو وغوښتل چې، خپلې پروژې د خلکو له اړتیاوو سره سمې تنظیم کړي. نوموړي ټینګار کړی، چې د خپلو طرحو په تړاو هم باید له دوی سره مشورې وکړي.
د تېر جمهوري نظام پر مهال د ملي امنیت ادارې مشر رحمت الله نبیل په یوې غونډه کې ویلي، چې د افغانستان د اوسني وضعیت د پای ته رسولو لپاره باید پر یو نوي روایت فکر وشي. هغه زیاته کړې چې باید په ګډه د هېواد ټول وګړي او قشرونه د راتلونکي په تړاو ناسته وکړي.
افغانستان لپاره د ملګرو ملتونو د بشري حقونو ځانګړي راپور ورکوونکي د فرانسې په پارلمان کې یوې غونډې ته ویلي، چې باید د افغانستان پر راتلونکي باندې تمرکز وشي. هغه زیاته کړې چې د افغانستان دننه خلک د طالبانو د جزایي کړنلارې له سختو محدودیتونو سره مخ دي او هغوی ته باید هیله ورکړل شي.
د افغانستان د بشري حقونو وضعیت او د روان بحران د حللارو په اړه دوه ورځنی کنفرانس د فرانسوي چارواکو، د ملګرو ملتونو سازمان ځانګړي راپور ورکوونکي او د افغانستان د پخوانیو چارواکو په ګډون، د چهارشنبې په ورځ د فرانسې ملي شورا کې پیل شوی دی.