روسیې د منځنیو پېړیو د مشهور روسي جګړهمار شهزاده دمیتري دونسکوی د ښي لاس د هډوکو یوه ټوټه د اوکراین جګړې لومړۍ کرښې ته لېږلې، څو د روسي ځواکونو مورال او جګړهییزه روحیه پیاوړې کړي.
د طالبانو تر کنټرول لاندې د افغانستان برېښنا شرکت وايي، د غزني د برېښنا د مرکزي شبکې په پراختیا سره یې په غزني ښار کې شاوخوا ۶۰۰ کورنیو ته برېښنا برابره کړه. خو ملګري ملتونه وايي، د افغانستان شاوخوا ۶۰ سلنه وګړي لا هم برېښنا ته لاسرسی نهلري.
د مخکېني جمهوري نظام د ملي امنیت رییس معصوم ستانکزی وایي، په تېرو کلونو کې د طالبانو په ځانمرګو بریدونو کې زرګونه افغانان قرباني شوي دي. نوموړي زیاته کړې چې په افغانستان کې لومړی ځانمرګی برید د ۲۰۰۱ کال د ډسمبر په نهمه نېټه پر احمدشاه مسعود وشو.
د ناروې د کډوالو شورا عمومي منشي یان اګېلنډ وايي په کابل او کندهار کې یې له طالب مشرانو سره کتلي او له لومړني ښوونځي پورته د نجونو د زدهکړو پر بیا پیلېدو یې ټینګار کړی دی.
د پاکستان د بهرنیو چارو وزارت ویاند ويلي، چې پاکستان غواړي په افغانستان کې سوله او ثبات وویني او له افغانستان سره ښې او دوستانه اړیکې ولري، خو ايا افغانستان هم غواړي چې له پاکستان سره دوستي وکړي؟. هغه ويلي چې که طالبان د وسله والو مخه ونیسي، د همکارۍ فضا بېرته رامنځته کېدای شي.
افغانستان انټرنشنل د طالبانو د استخباراتو لوی ریاست د یوه تبلیغاتي پلان اسناد ترلاسه کړي، چې ښيي دغه ډله غواړي د مخالفو ډلو خلاف د عامه افکارو د بدلولو، د هغوی ترمنځ د اختلافاتو زیاتولو او د طالبانو د امنیتي ځواکونو د پیاوړي انځور جوړولو لپاره یو پراخ تبلیغاتي کمپاین پیل کړي.
یوه امریکايي چارواکي رویټرز ته ویلي چې په روانه اونۍ کې په اردن کې پر امریکايي پوځي اډې د ایران په توغندیزو بریدونو کې څو امریکايي پوځي الوتکو ته مالي او تخنیکي زیانونه اوښتي دي.
د پېښور د پولیسو عملیاتي قوماندان فرحان خان افغانستان انټرنشنل ته په یوه ځانګړې مرکه کې ویلي، چې یوازې په پېښور کې د روان کال په لومړنیو اتو میاشتو کې له ۳۰۰ ډېر افغان کډوال د «جدي او درندو» قضیو له امله بندیان شوي دي.
د اریانا افغان هوايي شرکت مطبوعاتي دفتر وايي، چې په هند کې د برېکس نړیوالې غونډې له امله به د کابل او نوي ډیلي ترمنځ سوداګریزې الوتنې د سپټمبر له ۱۱مې نه تر ۱۳مې پورې د دریو ورځو لپاره بندې وي.
د پاکستان جمعیت علمای اسلام ګوند ویلي، چې په زده کړو د بوختو افغان محصلانو اېستل د هغوی له راتلونکي سره «بې عدالتي» ده.
پاکستان د پنجشنبې په ورځ وویل چې د سعودي عربستان خلاف د حوثیانو د بریدونو په غبرګون کې د مکې د تړون له مخې د اسلاماباد د پوځي اقدام په اړه تر اوسه هېڅ بحث نه دی شوی، خو زیاته یې کړه چې «کله وخت راشي»، پاکستان به د تړون له مخې اقدام وکړي.
ټرمپ د ولسمشرۍ د ټاکنیز کمپاین پر مهال ژمنه کړې وه، چې د امریکا بهرنۍ جګړې به پای ته رسوي، خو له ایران سره یې جګړه شپږ میاشتې اوږده شوې او د پای لار یې نه ښکاري. رویټرز لیکي چې دې جګړې د سپټمبر د یوولسمې د ۲۵مې کلیزې په درشل کې د افغانستان او عراق د اوږدو جګړو خاطرې راژوندۍ کړې.
په هرات ولایت کې د طالبانو چارواکي وايي، چې په تېرو پنځو کلونو کې د دغه ولایت په بېلابېلو اقتصادي، تولیدي، خدماتي او زیربنایي برخو کې د نږدې دوه میلیارده امریکايي ډالرو پانګونې زمینه برابره شوې ده.
د افغانستان د سوداګرۍ او پانګونې خونې مسوولانو په کابل کې د هند له شارژدافیر سره په لیدنه کې غوښتنه کړې چې هند ته د تازه او وچو مېوو د صادراتو د اسانه کولو په برخه کې کارګو الوتنې زیاتې کړي او سوداګرو ته ویزې ورکول اسانه کړي.
د جرمني حکومت له ګواښ سره مخ افغانانو ته یو ځل بیا د پیسو وړاندیز کړی، څو د جرمني د منلو له پروګرامونو ووځي. هغه کورنۍ چې دا وړاندیز ونه مني ښايي په څو ورځو کې په پاکستان کې د جرمني له ملاتړه بې برخې شي.
په روان کال کې افغانانو په اروپايي هېوادونو کې د نورو کډوالو په پرتله د پناه غوښتنې ډېر غوښتنلیکونه سپارلي دي. د اروپايي ټولنې د پناه غوښتنې ادارې خبر ورکړی، چې ددغو غوښتنلیکونو شمېر ۳۹ زرو ته رسیږي.
د پاکستان په پنجاب ايالت کې د طب په زده کړو بوختو ۱۳ افغان محصلانو، چې اووه یې نجونې دي، د پاکستان د طبي شورا د هغو لارښوونو پر ضد د لاهور عالي محکمې ته عریضې کړې دي چې له مخې یې له دوی غوښتل شوي افغانستان ته ستانه شي.
د پاکستان له پنجاب ایالت وروسته په سند ایالت کې هم د طب په زدهکړو بوختو افغان محصلانو ته ویل شوي چې د پاکستان د طبي شورا (پي اېم ډي سي) د لارښوونې له مخې باید افغانستان ته ستانه شي.
د افغانستان د پخواني ولسمشر مرستیال امرالله صالح له پاکستان څخه د افغان محصلانو د ایستلو په غبرګون کې ویلي، داسې هېڅ شواهد نه شته چې د طب محصلانو دې پاکستان ته زیان رسولی وي او دا پریکړه د ناسمو استخباراتي معلوماتو پر بنسټ شوې ده.
د امریکا د دفاع پخواني وزیر او د سي ای اې پخواني مشر لیون پنیټا د افغانستان د وضعیت په اړه سکای نیوز ته وویل، چې په دغه هېواد کې رامنځته شوی وضعیت «ډېر غمجن پای» دی او امریکا باید په افغانستان کې خپل حضور ساتلی وای.
د طالبانو د ریاست الوزرا اقتصادي مرستیال ملا عبدالغني برادر په کابل کې د ترکیې له سفیر سره په لیدنه کې په دغه هېواد کې د مېشتو افغان کډوالو د ستونزو د حل په اړه غږېدلی دی. د ملا برادر دفتر ویلي، چې دواړو لوريو د اقتصادي همکاریو د پراختیا په اړه هم خبرې کړې دي.