د اسټرالیا په ملبورن ښار کې د ملي مرکې په ناسته کې افغان فرهنګي، ټولنیزو، علمي او مدني شخصیتونو د ملي یووالي د پیاوړتیا، د افغانستان د اوسنیو ستونزو د ارزونې او د خلکو د وضعیت د ښهوالي لپاره د عملي لارو چارو موندلو په موخه بحثونه کړي دي.
په کابل کې د یو شمېر افغان رسنیو مسوولینو افغانستان انټرنشنل – پښتو ته ویلي چې د طالبانو استخباراتو پرې د خپلې ډلې رسنیز ادبیات جبري کړي او د ځانګړو ۲۲اصطلاحاتو نوملړ یې ورته سپارلی دی. په دغو اصطلاحاتو کې مخالفو جبهو، سیاستوالو او مخالفو هېوادونو ته ځانګړي نومونه ټاکل شوي.
فرانسې، بریتانیا، کاناډا، ډنمارک، هسپانیا، فنلنډ، ایرلنډ، ایسلنډ، ناروې، پولنډ، پرتګال او سویډن له اسراییل غوښتي چې په لوېدیزه غاړه کې دې د اسراییلي مېشتځایونو پراختیا سملاسي ودروي. دغو هېوادونو ویلي چې د اسراییل اقدامات د دوو دولتونو د حللارې امکان کمزوری کوي.
د بښنې نړیوال سازمان وايي، د پاکستان د طبي شورا وروستۍ پرېکړه چې له مخې یې په پاکستاني پوهنتونونو کې افغان محصلان بېرته افغانستان ته استول کیږي، تبعیضي چلند بللی دی. په پاکستان کې سياستوالو هم دغې پرېکړی ته سخت غبرګون ښودلی دی.
د پاکستان د ملي ډیموکراتیک غورځنګ مشر محسن داوړ وايي، چې د افغان محصلانو د ایستلو پرېکړه «شرموونکې او غیرانساني» ده. داوړ زیاته کړې چې افغان محصلان، په ځانګړي ډول ښځینه محصلانې، په افغانستان کې د طالبانو تر واک لاندې د زده کړو فرصت نه لري.
په اسلاماباد کې د طالبانو سفارت د پاکستان د طبي شورا(پي اېم ډي سي)له لوري د هغو افغان محصلانو د ایستلو په اړه اندېښنه څرګنده کړې چې په دغه هېواد کې د طب په برخه کې زدهکړې کوي.
ملګرو ملتونو سرمنشي انتونیو ګوترېش د طالبانو پر تګلارو نیوکه کړې، چې د افغان ښځو او نجونو حقونه محدودوي. هغه ویلي، چې طالبان باید د ملګرو ملتونو په دفترونو کې د افغان ښځو پر کار بندیز سملاسي لرې کړي.
د طالبانو سرچینو افغانستان انټرنشنل ته وویل، چې د دې ډلې د عدلیې وزیر عبدالحکیم شرعي د شمشاد خصوصي ټلوېزیون مسوولانو ته ویلي، چې د ټلوېزیون ودانۍ دولتي ده او دوی ته یې وسپاري. په ورته وخت کې شمشاد ټلویزیون یو تن مسوول له افغانستان انټرنشنل سره په خبرو کې دغه مساله رد کړه.
د پاکستان د پنجاب ایالت د روغتیايي علومو پوهنتون په دغه ایالت کې ۶۴ پوهنتونونو او پوهنځيو ته د یوه مکتوب له لارې لارښوونه کړې چې افغان محصلان دې «د نافذه پالیسۍ او لارښوونو له مخې بېرته افغانستان ته ستانه کړي».
د مقر پر لویه لار یو موټرچلوونکی ادعا کوي چې د لیزري څراغونو او د ږیرې خرېیلو له امله یوه طالب چارواکي په مخ په څپېړه وهلی او سپکاوی ورته شوی دی. نوموړی وايي، طالبانو شاوخوا درې ساعته کښینولی و.
په مالیزیا کې د طالبانو سفیر نقیب الله احمدي د دغه هېواد د بهرني تجارت د پراختیا ادارې له رییس داتو ابوبکر یوسف سره په لیدنه کې د افغان صادراتو لپاره د مالیزیا د بازارونو، په افغانستان کې د مالیزیايي سوداګرو د پانګونې او د سوداګرو ترمنځ د اړیکو په تړاو خبرې کړې دي.
د طالبانو د تخار امنیه قوماندانۍ ویلي، چې د نقیبالله په نوم صراف د وژنې په تړاو څلور کسان نیول شوي دي. نقیبالله نږدې دوه میاشتې وړاندې د تالقان ښار د بهترین عالم جومات مخې ته د موټرسایکلسپرو وسلهوالو په ډزو وژل شوی و.
د فرانسې د بهرنیو چارو وزیر ژاننویل بارو وايي، هېواد یې په اشغال شوې لویدیزه غاړه کې له اسراییلي مېشتځایونو څخه د تولید شویو توکو د وارداتو د بندولو بهیر پیلوي. بارو وايي، چې فرانسه به له ۱۱ نورو هېوادونو سره یوځای له اسراییلي مېشتځایونو سره سوداګري پای ته ورسوي.
بریتانیا د اشغال شوې لویدیزې غاړې په اسراییلي مېشتځایونو کې پر تولید شویو توکو سوداګریز بندیز اعلانوي. د دغه هېواد یوه لوړپوړي وزیر ویلي، چې دا اقدام له اسراییل سره د بریتانیا د ډېرېدونکي واټن او د تل ابیب پر وړاندې د نویو بندیزونو د لړۍ وروستی ګام دی.
د طالبانو د کانونو او پټرولیم وزارت په ننګرهار ولایت کې د تالک د یوه کان د استخراج تړون له یوه کورني شرکت سره لاسلیک کړ. د دغه وزارت د معلوماتو له مخې، یاد کان د ننګرهار په سپین غر ولسوالۍ کې موقعیت لري او قراردادي شرکت به پرې له ۴،۵ میلیونه ډالرو زیاته پانګونه وکړي.
ملبورن اسیا ریویو په یوه تازه څیړنه کې وايي، له سیمې وروستي راپورونه ښيي چې پاکستان د نیابتي جګړې د نوي پړاو لپاره د پخوانیو افغان امنیتي ځواکونو له ځینو غړو او جهادي قوماندانانو کار اخلي. د مقالې لیکوالان وايي، دغه کسان پر طالبانو د فشار لپاره بیا وسله وال او تنظیمیږي.
د افغانستان لپاره د بریتانیا ځانګړی استازی ریچارډ لېنډسي وايي، بریتانیا د ۲۰۲۵-۲۰۲۶ مالي کال په ترڅ کې لږ تر لږه ۵ میلیونه افغانانو ته د ژوند ژغورنې مرستې رسولې، چې درې میلیونه یې ښځې او نجونې دي.
د افغانستان د خبریالانو مرکز ویلي، چې په خوست کې د طالبانو د امر بالمعروف محتسبانو د کتابونو د یوه نندارتون د خبري پوښښ پر مهال ۱۲ سیمهییز خبریالان په «سپکوونکي ډول» نیولي او د هغوی کمرې یې ضبط کړې دي. دغه خبریالان د طالبانو د اطلاعاتو او کلتور ریاست په بلنه هلته تللي وو.
له افغان شخصیتونو سره د طالبانو د اړیکو کمیسیون ویلي، چې په اوکراین او بلجیم کې د افغانستان پخوانی سفیر له دغه کمیسیون سره د اړیکې له لارې کابل ته ستون شوی. منور ولي د وروستي ځل لپاره د ۲۰۲۵ کال په جون کې د افغان سفیر په توګه د اوکراین د اودیسا له ښاروال سره لیدلي وو.
د ملګرو ملتونو د بشري چارو د همغږۍ دفتر «اوچا» خبرداری ورکوي چې په ۲۰۲۶ کال کې ۲۱،۹ میلیونه افغانان بشري مرستو ته اړتیا لري، خو له اړتیا وړ ۱،۷۱ میلیارده ډالرو څخه تراوسه یوازې ۲۹،۷ سلنه تمویل شوي دي.
په کابل کې د طالبانو اړوند حریت راډیو د خپلو سرچینو له قوله خبر ور کړی، چې د ځمکو د غصب مخنیوي کمېسیون د خاتمالنبین مرکز د تخلیې پر مهال د وسلو او مهماتو یو زېرمتون موندلی دی. د خاتم النبیین مسوولان وايي چې دا وسلې قانوني او د طالبانو د کورنیو چارو وزارت سره ثبت دي.