د پخوانۍ ولسي جرګې پخوا غړې فوزیه کوفي د ملګرو ملتونو سرمنشي ته په اشارې سره ویلي، که دغه سازمان په افغانستان کې د برابرۍ او ګډون پر منشور ولاړ پاتې شوی وای، د طالبانو له لوري د نجونو د زده کړو او کار بندیزونه به نه پراخېدل. هغه وایي، دا سازمان باید پر خپلو اصولو سازش ونهکړي.
د پاکستان د طبیعي پېښو او ژغورنې اداره وایي چې د سند ایالت په کشمور ولسوالۍ کې د مسافر وړونکي بس موټر د چپه کېدو له امله لږ تر لږه ۶ کسان مړه شوي او یو شمېر نور ټپیان شوي دي.
د ایران د بهرنیو چارو وزیر سید عباس عراقچي د امریکا له لوري د سېشنبې په ورځ د اعلان شویو بندیزونو په غبرګون کې ویلي چې واشنګټن له جګړې او بندیزونو څخه د خپلو موخو په ترلاسه کولو کې له ناکامۍ وروسته اوس پر نورو نویو بندیزونو لاس پورې کړی دی.
په افغانستان کې د ملګرو ملتونو مرستندویه پلاوي (یوناما) د سواد نړیوالې ورځې په مناسبت ویلي چې سواد زدهکړه کولی شي د افغانانو د ژوند، معیشت او هوساینې په ښه والي کې مهم رول ولري.
په کور دننه خصوصي رسنۍ «شمشاد ټلوېزیون» افغانستان انټرنشنل – پښتو ته د طالبانو هغه راپورونه رد کړل چې ګواکې د دغه ډلې عدلیې وزارت یې د ودانۍ د تخلیې امر کړی دی. د دغه رسنۍ مسوولین وایي، تر اوسه پورې ورته طالبانو د ودانۍ د تخلیې اړوند خبرداری نه دی ورکړی.
په لوګر کې د طالبانو د امر بالمعروف او نهې عن المنکر اداره وايي چې په دغه ولایت کې یې د موسیقۍ ۱۹۳ الات سوځولي دي. طالبانو په افغانستان کې له بیا واکمنېدو وروسته پر موسیقۍ بندیز لګولی او د موسیقۍ غږول یې حرام بللي دي.
د ناروې د کډوالو شورا عمومي منشي یان ایګلنډ ویلي چې په ۲۰۲۱ کال کې د طالبانو له واکمنېدو وروسته افغانستان ته په خپل پنځم سفر کې یې د خلکو د ژوند د شرایطو او بنسټیزو حقونو پرلهپسې خرابوالی لیدلی دی. نوموړی وایي، هممهاله د دوی بودجه هم د پام وړ راکمه شوې ده.
فاکسنیوز د لوړپوړو امریکايي چارواکو په حواله راپور ورکړی چې د امریکا پوځ د ایران د خارک ټاپو او جاسک بندر ته څېرمه ځینې موخې په نښه کړي چې ایراني تېلوړونکې بېړۍ هم په کې شاملې دي.
په افغانستان کې د پاکستان پخواني سفیر منصور احمد خان د پاکستان د طبي او غاښونو شورا څخه غوښتي چې د افغان طبي محصلینو په اړه خپله وروستۍ پرېکړه له بشري او د دواړو هېوادونو د اوږدمهاله علمي او فرهنګي اړیکو په رڼا کې بیا وڅېړي.
باوري سرچینو د سېشنبې په ورځ (وږي ۱۷مه) افغانستان انټرنشنل ته ویلي چې د طالبانو د عدلیې وزارت ځواکونو د استخباراتو له لاسوهنې وروسته په کابل کې د افغانستان د شیعهګانو د عالي شورا پر دفتر محاصره پای ته رسولې او له سیمې وتلي دي.
اروپايي ټولنې اعلان کړی چې په افغانستان کې یې د زدهکړې او سواد زدهکړې د ملاتړ لپاره نږدې پنځه میلیونه یورو مرسته ځانګړې کړې ده.
د مخکېني جمهوري نظام د عدلیې وزیر فضلاحمد معنوي د ملا عبدالغني برادر او زلمي خلیلزاد په شتون کې د هرات د تېلو او ګازو د تړونونو لاسلیک ناقانونه بللی او ویلي یې دي چې دغه تړونونه به د افغانستان د خلکو او راتلونکي حکومت لپاره قانوني اعتبار ونهلري.
د ایران د سپاه پاسداران اړوند فارس خبري اژانس د سهشنبې په ماښام، د وږي په ۱۷مه، د جاسک په ښار کې د چاودنو د غږونو د اورېدل کېدو خبر ورکړی دی.
د بېپولې خبریالانو سازمان وایي، د وږي په ۱۷مه نېټه د سهشنبې په ورځ په خوست کې د طالبانو امربالمعروف محتسبانو ۱۲ ځايي خبریالان د لنډې مودې لپاره نیولي وو. خبرپاڼه زیاتوي، طالبانو دا کار د کتابونو د یو نندارتون پر مهال د ژوندیو موجوداتو د انځورونو د اخیستلو په بهانه کړی دی.
د امریکا د کډوالۍ او ګمرکونو اداره وايي، یو افغان ژباړن او د امریکايي ځواکونو پخوانی همکار یې د «ترهګرۍ د ملاتړ» په تور نیولی او د هغه د ایستلو بهیر یې هم پیل کړی دی.
د افغانستان لپاره د پاکستان پخواني ځانګړي استازي اصف دُراني ویلي چې د پاکستان له پوهنتونونو څخه د افغان طبي محصلانو اېستل «ځورونکې» پرېکړه ده او له اسلاماباده یې غوښتي چې دا اقدام ژر تر ژره بېرته واخلي.
د افغانستان د کرېکټ ملي لوبډلې پخوانی توپوهونکی جاوید احمدي د مالدیف د کرېکټ ملي لوبډلې د توپوهنې روزونکی ټاکل شوی دی.
ځايي سرچینو افغانستان انټرنشنل ته ویلي چې د عبدالقدیر پهلوانزاده د وژنې په قضیه کې کليدي تورن طالبان مولوي حامد او د پښتون زرغون امنیه قوماندان سید احمد محمدي نن سهار شاوخوا نهه بجې د هرات امنیه قومندانۍ څخه تښتېدلي او ځایونه یې نادرکه کړي دي.
د ایران دولتي خبري اژانس ایرنا د دغه هېواد د وسلهوالو ځواکونو د یوه لوړپوړي قوماندان مصطفی ایزدي له قوله راپور ورکړی چې هرمز تنګی په بشپړ ډول د ایراني ځواکونو تر کنټرول لاندې دی.
د اسټرالیا په ملبورن ښار کې د ملي مرکې په ناسته کې افغان فرهنګي، ټولنیزو، علمي او مدني شخصیتونو د ملي یووالي د پیاوړتیا، د افغانستان د اوسنیو ستونزو د ارزونې او د خلکو د وضعیت د ښهوالي لپاره د عملي لارو چارو موندلو په موخه بحثونه کړي دي.
په کابل کې د یو شمېر افغان رسنیو مسوولینو افغانستان انټرنشنل – پښتو ته ویلي چې د طالبانو استخباراتو پرې د خپلې ډلې رسنیز ادبیات جبري کړي او د ځانګړو ۲۲اصطلاحاتو نوملړ یې ورته سپارلی دی. په دغو اصطلاحاتو کې مخالفو جبهو، سیاستوالو او مخالفو هېوادونو ته ځانګړي نومونه ټاکل شوي.