د ملګرو ملتونو د خوړو او کرنې سازمان (FAO) په خپلې تازه ارزونه کې خبرداری ورکړی، چې د اوبو لګولو لپاره د اوبو سخت کمښت او د کرنیزو سرو د بیو لوړوالی په افغانستان کې د بزګرانو پر وړاندې یو له مهمو ننګونو ګرځېدلي دي.
د طالبانو د اطلاعاتو او کلتور وزارت خبر ورکړی، چې په فراه ولایت کې د «نوای نخبګان» په نوم نوې سیمهییزې راډیو خپلې خپرونې پیل کړې دي. دغه راډیو په ۹۰.۵ اېف اېم څپو کې خپرونې کوي.
د طالبانو د پوهنې وزارت وايي، د ۱۴۰۱کال څخه تر ۱۴۰۴کال پورې یې د سواد زدهکړې په برخه کې زرګونه ښوونیز مرکزونه جوړ کړي او سلګونه زره کسانو ته یې د لیک او لوست د زدهکړې زمینه برابره کړې ده.
د غزې د حکومت د رسنیو دفتر خبر ورکړی، چې د اکټوبر له لسمې نېټې د اوربند له پیل راهیسې پر غزې د اسراییل په بریدونو کې ۱۳۵۲ کسان وژل شوي او ۴زره او ۵۱۱ نور بیا ټپیان شوي دي.
د خیبر پښتونخوا د پېښور د پولیسو عملیاتي مشر فرحان خان وايي، د روان کال په لومړیو اتو میاشتو کې په دغه ښار کې تر ۳۰۰ ډېر افغانان د بېلابېلو جدي او درنو جرمونو په تړاو بندیان شوي دي.
د روسیې دفاع وزیر اندري بېلوسوف ویلي، له افغانستان سره د تاجکستان د ګډې پولې د امنیت پیاوړتیا د مسکو د امنیتي او دفاعي پروګرامونو له مهمو لومړیتوبونو څخه ده. هغه ویلي، په تاجکستان کې د روسیې پوځي اډه له بهرنیو ګواښونو سره د مقابلې لپاره چمتو ده.
د پاکستان لپاره د پخواني ولسمشر ځانګړي استازي محمدعمر داودزي د پاکستان له سیاسي مشرانو، پوهنتونونو او مدني ټولنو غوښتي، چې د افغان محصلانو د اېستلو مخه دې ونیسي. نوموړي ټیګار کړی، چې یاد محصلان دې د کوم نظام د سیاستونو له امله نه مجازات کېږي.
د «اېنبيسي نیوز» د خبرونو څانګې مشرې ربیکا بلومنسټین ویلي، په ۲۰۲۱کال کې د جمهوریت تر پرځېدو وروسته یې له افغانستان نه د ۱۲۴ افغانانو په اېستلو او امریکا کې د هغوی د بیامېشتېدو پروګرام کې مرسته کړې؛ خو د افغان ښځو او نجونو برخلیک هغه موضوع وه، چې هېڅکله یې له ذهنه نهده وتلې.
په پنجشېر کې د طالبانو د والي ویاند سیف الدین لټون وايي، د دغه ولایت له کانونو څخه ۱۱زره او ۱۹۲ قیراطه استخراج شوي زمرد د ۳۰۷زره او ۸۵۲ ډالرو په ارزښت د هېواد پر سوداګرو پلورل شوي دي.
د امریکا او ایران ترمنځ د جګړې د نوې څپې له پیل سره د تېلو بیه د پرلهپسې څلورمې ورځې لپاره لوړه شوې او په هر بېرل کې نږدې ۱۰۰ ډالرو ته رسېدلې ده. د چهارشنبې په لومړیو شېبو کې د برنېټ خام تېل ۱.۶ سلنه او د امریکا د وېسټ ټېکساس انټرمیډیټ خام تېل ۱.۷۲ سلنه لوړ شوي دي.
افغانستان لاهم په نړۍ کې یوازینی هېواد دی، چې نجونې پهکې له شپږم ټولګي پورته له زدهکړو بېبرخې شوې دي؛ خو نوې څېړنه ښيي چې د نجونو پر زدهکړو د بندیزونو سربېره یوشمېر افغان نجونو خپلې زدهکړې نهدي درولې.
د افغانستان رسنیو ملاتړ سازمان د تمدن ټلوېزیون د خبریالانو او کارکوونکو د نه خوندیتوب په اړه اندېښنه ښودلې. یاد سازمان د طالبانو له عدلیې وزارت غوښتنه کړې، چې د دغه رسنۍ پر کارکوونکو دې د پټو او ښکاره بېدلیله فشارونو او تعقیب څخه لاس واخلي.
د افغانستان لپاره د ملګرو ملتونو مرستندویه ماموریت (یوناما) په یوه راپور کې ویلي، څه باندې څلور لسیزو جګړو او بېثباتۍ د افغانستان د سواد پر کچه د پام وړ اغېز کړی دی. د راپور له مخې، په افغانستان کې د ښځو د سواد کچه د نارینهو پرتله ټیټه ده.
د افغانستان کرېکټ بورډ ویلي، چې د هېواد ملي لوبډله به د ۲۰۲۶کال په اکتوبر او نومبر میاشتو کې په متحده عربي اماراتو کې د بنګلهدېش او زمبابوې کرېکټ ملي لوبډلو کوربهتوب وکړي او په درېیو بېلابېلو بڼو به د نړۍوالو لوبو لړۍ ترسره کړي.
د پاکستان د دفاع وزیر خواجه اصف ویلي، که د یمن له لوري پر سعودي عربستان برید وشي نو د پاکستان، سعودي عربستان او ترکیې ترمنځ لاسلیک شوی ګډ دفاعي تړون به عملي شي.
د افغانستان د مخکېني جمهوري حکومت د ولسمشر لومړي مرستیال امرالله صالح ویلي، هر څوک او هره ډله چې له طالبانو سره خبرې، جوړجاړی او همغږي تر مبارزې ارزانه او اغېزمنه وګڼي، نو سپک به شي او ډېر تاوانونه به یې وګالي.
د پښتونخوا په لنډي کوتل کې د حمزه بابا په نوم د افغان کډوالو د بېرته ستنولو د کمپ مسوولین وایي چې له دغه مرکز څخه یې تېره ورځ ۴۴۷ افغان کډوال د تورخم له لارې افغانستان ته ستانه کړي دي.
په افغانستان کې د روغتیايي بودجې کمښت د هېواد په کچه د نږدې ۶۰۰ روغتیايي مرکزونو د تړل کېدو لامل شوی چې ډیری افغانان یې له ګڼو ستونزو سره مخ کړي دي.
د پخوانۍ ولسي جرګې پخوا غړې فوزیه کوفي د ملګرو ملتونو سرمنشي ته په اشارې سره ویلي، که دغه سازمان په افغانستان کې د برابرۍ او ګډون پر منشور ولاړ پاتې شوی وای، د طالبانو له لوري د نجونو د زده کړو او کار بندیزونه به نه پراخېدل. هغه وایي، دا سازمان باید پر خپلو اصولو سازش ونهکړي.
د پاکستان د طبیعي پېښو او ژغورنې اداره وایي چې د سند ایالت په کشمور ولسوالۍ کې د مسافر وړونکي بس موټر د چپه کېدو له امله لږ تر لږه ۶ کسان مړه شوي او یو شمېر نور ټپیان شوي دي.
د ایران د بهرنیو چارو وزیر سید عباس عراقچي د امریکا له لوري د سېشنبې په ورځ د اعلان شویو بندیزونو په غبرګون کې ویلي چې واشنګټن له جګړې او بندیزونو څخه د خپلو موخو په ترلاسه کولو کې له ناکامۍ وروسته اوس پر نورو نویو بندیزونو لاس پورې کړی دی.