په نیمروز کې د طالبانو د ټرانسپورټ د تنظیم رییس مولوي محمداقبال کلیمالله وایي، چې هره ورځ د دغه ولایت د ورېښمو پله له لارې د صادراتو او وارداتو څه باندې ۵۰۰ ترانزیټي موټر تګراتګ کوي.
افغان سوک وهونکی شکران پرواني به په لندن کې د «PIVOTAL» سوک وهنې سیالۍ کې برخه واخلي، دغه سیالۍ د (Top Tier Boxing) سازمان لهخوا ترسره کېږي. که څه هم د نوموړي سیال لاتراوسه نهدی ټاکل شوی؛ خو ټاکل شوې چې دغه لوبه د ۱۴۰۵کال (د غویي په ۱۱مه) ترسره شي.
د امریکا دوو خبري شبکو راپور ورکړی، چې د «لومړنیو پوځي څېړنو د موندنو» لهمخې، په میناب ښارګوټي کې یو لومړنی ښوونځی د امریکايي ځواکونو له لوري په تېروتنې سره په نښه شوی.
د امریکا د ولسمشر ډونالډ ټرمپ استازي اډم بولر د امریکا د هغې پرېکړې په تړاو چې افغانستان یې د امریکايي وګړو د غېرقانوني نیولو د ملاتړو هېوادونو په نوملړ کې شامل کړی، وویل چې امریکا له دا ډول هېوادونو سره اړیکې نهشي ساتلی.
د امریکا د انرژۍ وزیر کریس رایټ وايي، امریکا به د تېلو د بیو د راټیټولو په موخه له خپلو ستراتیژیکو زېرمو څخه ۱۷۲ میلیونه بېلره تېل بازار ته عرضه کړي.
په ملګرو ملتونو کې د روسیې استازي واسيلي نبنزیا وویل، چې د ایران د جګړې د پای ته رسولو لپاره هېڅ ډول مذاکره نهشته.
د افغانستان پخوانی لوی څارنوال محمد فرید حمیدي وايي، د امریکايي بندیانو د خوشې کولو په تړاو د طالبانو پر وړاندې د واشنګټن وروستی اقدام جدي نهشي ګڼل کېدای. د هغه په وینا، د بهرنیانو یرغمل کول د طالبانو لپاره پر یوې عایداتي سرچینې بدل شوي دي.
د متحدو ایالتونو ولسمشر ډونالډ ټرمپ یو ځل بیا په افغانستان کې د امریکايي پوځي وسایلو د پرېښودلو او د بګرام له هوايي ډګر څخه د وتلو پر څرنګوالي سختې نیوکې وکړې. هغه وویل، له افغانستان څخه وتل د امریکا په تاریخ کې د شرم یوه ورځ وه.
د ملګرو ملتونو امنیت شورا د چهارشنبې په ورځ په ۱۳ موافقو او پرته له کومې مخالفې رایې، یو داسې پرېکړهلیک تصویب کړ چې پر سعودي عربستان، قطر، کویټ، متحده عربي اماراتو او نورو هېوادونو یې د ایران بریدونه غندلي دي.
د ايټالیا چارواکو ویلي، چې د یاد هېواد د ترهګرۍ ضد څانګې یو ۲۲ کلن مصری ځوان له داع-ش خراسان سره د تړاو په تور نیولی دی. یاد ځوان د برګامو پر کلیسا د برید د پلانولو، مذهبي افراطیت ته د لمن وهلو او د «جهاد او شهادت» د ستاینې په تور تورن شوی دی.
د امریکا ولسمشر ډونالد ټرمپ په کنتاکي ایالت کې د یوې غونډې پر مهال وویل، چې متحده ایالات ایران ته د «یو تفریحي سفر» لپاره تللی دی. هغه پر ایران برید تفریحي سفر ته ورته بللی دی.
د سره صلیب نړۍوالې ټولنې خبر ورکړی، چې دوی د ننګرهار په مرکز جلالاباد ښار کې له ۲زرو راستنو شویو کورنیو سره نغدي مرستې کړې دي. دې سازمان که څه هم د مرستې اندازه نه ده مشخصه کړې، خو دا یې ویلي چې دا کورنۍ سرپناوې نه لري او په خلاصو ځایونو کې اوسېږي.
د رویټرز خبري اژانس د راپور لهمخې، د افغانستان د ښځو د فوټبال ملي لوبډلې پخوانۍ کپتانې او بنسټ اېښودونکې خالده پوپل د ایران د ښځینه فوټبال لوبغاړو د زړورتیا ستاینه کړې او په اسټرالیا کې یې د هغوی د پناه غوښتنې له پروسې ملاتړ کړی دی.
د ملګرو ملتونو د کډوالو عالي کمېشنرۍ ویلي دي، چې د چهارشنبې په ورځ یې په هرات ولایت کې د غالۍ اوبدلو یو لوی تولیدي مرکز پرانېستی دی. د یاد مرکز درې پر څلورمه برخه کارکوونکي ښځې دي.
په تخار ولایت کې د طالبانو یوه چارواکي ویلي، چې دوی د خپل مشر هبتالله اخوندزاده له لوري د «جهاد د پیل» فرمان ته په تمه دي، څو د پاکستان پر وړاندې جګړه پیل کړي. تخار کې د طالبانو د کرنې رییس قطبالدین دهنوي زیاته کړې، جهاد د خدای حکم دی او دوی یې د پیل لپاره بشپړ چمتووالی لري.
د رغتیا نړۍوال سازمان په خپل تازه راپور کې ویلي، چې په منځني ختیځ کې د کړېچ شدت په سیمه کې بېساری روغیتایي ناورین رامنځته کړی دی. یاد سازمان ویلي، چې د جګړې له امله سلګونو کسانو ته د مرګژوبلې ترڅنګ هېوادونو ته د درملو لېږد هم له خنډ سره مخ شوی دی.
د روغتیا نړۍوال سازمان ویلي دي، چې په منځني ختیځ کې د جګړو د زیاتېدو له امله نه یوازې د ښکېلو هېوادونو روغتیايي سکټور تر سخت فشار لاندې راغلی، بلکې افغانستان ته د حیاتي روغتیايي مرستو د لېږد بهیر هم له جدي ستونزو سره مخ شوی دی.
په ننګرهار کې د طالبانو رسنیز دفتر د چهارشنبې په ورځ خبر ورکړ، چې د دغې ډلې د نرخونو د کنټرول او احتکار کمېسیون په جلالاباد کې د سبزیو د نرخونو د څار په لړ کې پلټنې کړې دي. د مسوولین په خبره، د هغو هټیوالو سبزۍ یې لیلام کړې دي چې توکي یې له ټاکل شوې نرخنامې په لوړه بیه پلورل.
په بلخ کې د طالبانو والي یوسف وفا د شمال زون د امنیت لپاره زر کسیزه قطعه جوړه کړې ده. طالبانو ویلي، چې د یادې قطعې طالب جنګیالي په درنو او سپکو وسلو سمبال دي.
د افغانستان د کرېکټ ملي لوبډلې مخکښ لوبغاړي راشد خان تر هغه وروسته چې څو ورځې وړاندې یې د یو ورځنیو لوبو د توپاچوونکو په درجهبندۍ کې لومړی ځای خپل کړ، اوس د کرېکټ نړۍوالې شورا په تازه درجهبندۍ کې د شل اوریزو لوبو د غوره توپاچوونکي په توګه هم لومړی مقام ترلاسه کړی دی.
د طالبانو د مشر له فرمان څخه په سرغړونې سږکال په هلمند، کندهار او ارزګان ولایتونو کې کوکنار کرل شوي دي. کروندګر وايي، دوی د مجبوریت او لوږې له امله د هبتالله فرمان نهمني. یو شمېر کروندګرو افغانستان انټرنشنل ـ پښتو ته په خبرو کې ویلي، چې طالب مشرانو د تریاکو د کر اجازه ورکړې ده.