له پکتیا ولایت څخه یوه دولتي کارکونکي د نوم نه ښودلو په شرط افغانستان انټرنشنل پښتو ته په رالیږلي پیغام کې ویلي چې د طالبانو له لوري پر دولتي کارکوونکو د ځیرک موبایلونو کارول منع شوي او دغې پرېکړې ورته ورځنی کار لا سخت کړی دی.
د افغانستان لپاره د ملګرو ملتونو د ښځو څانګې ویلي چې په بامیان ولایت کې د اروپایي ټولنې په ملاتړ د افغان ښځو د رواني روغتیا، خوندي فضاوو، معیشت او د اوبو د لاسرسي په برخو کې پانګونې د ښځو ژوند کې بدلون راوستی او د ټولنو د پیاوړتیا سبب ګرځېدلی.
د ملګرو ملتونو د ماشومانو وجهي صندوق (یونیسف) په یوه نوي راپور کې ویلي چې شاوخوا ۱،۱ میلیارده ماشومان نږدې د نړۍ نیمایي، اوس مهال لږ تر لږه له درېیو هممهاله اقلیمي ګواښونو سره مخ دي، چې د هغوی روغتیا، زدهکړې او ژوند ته جدي خطر پېښوي.
د منځني ختیځ، افغانستان او پاکستان لپاره د بریتانیا د پارلمان مرستیال استازی هیمش فالکنر ویلي چې د سیمهییزو امنیتي ننګونو د حل لپاره اغېزمنه لاره د افغانستان او پاکستان ترمنځ خبرې او همکاري ده. هغه دا هم ویلي چې هر هېواد د نړیوالو قوانینو په چوکاټ کې د خپلو وګړو د ساتنې حق لري.
د طالبانو مرستیال ویاند حمدالله فطرت وايي، چې د دغه ډلې اداري مرستیال عبدالسلام حنفي د خوړو او درملو د یو پلاوي سره افغانستان ته بې کیفیته درملو د راوړلو پر مخنیوي خبرې کړې دي. فطرت ویلي، چې په دې ناسته کې په افغان بازار کې د نېټه تېر درملو د پېر او پلور پر مخنیوي هم بحث شوی دی.
په سلګونو لاریون کوونکو د فوټبال نړیوال جام کې د ایران د لومړۍ لوبې څخه مخکې د لاس انجلس لوبغالي بهر راټول شوي وو، چې د ایران حکومت ضد شعارونه یې ورکول. ایران په دې نړۍوالو سیالیو کې خپله لومړۍ لوبه د نیوزیلنډ په وړاندي دوه پر دوه مساوي کړه.
د بشري حقونو څار سازمان وايي چې په تېرو دوو کلونو کې په نړۍ کې پر تعلیمي بنسټونو لږ تر لږه ۸ زره او ۵۰۰ بریدونه ثبت شوي دي. دغه سازمان افغانستان یادونه هم کړې چې د طالبانو لهخوا د نجونو پر زدهکړو بندیزونه او د ښځینه ښوونکو نیول یې د «زدهکړو پر ضد مستقیم برید» کڼلی.
د طالبانو برېښنا شرکت ویاند محمد صادق حق پرست ویلي، چې په افغانستان کې د کاسا ۱۰۰۰ پروژې چارې ۸۰ سلنه بشپړې شوې او پاتې کارونه به هم ژر تر سره شي. د یادې شبکې اوږدوالی شاوخوا ۱۳۸۶ کیلومتره دی، چې ۱۳۰۰ مېګاواټه ظرفیت لري.
افغان ایواک په خپل اونیز راپور کې ویلي چې په قطر، پاکستان او نورو هېوادونو کې زرګونه افغانان د امریکا د کډوالۍ پروګرامونو د ځنډ او محدودیتونو له امله له نامعلوم برخلیک سره مخ دي، په داسې حال کې چې د امریکا کانګرس هم د ځینو افغان متحدینو د وضعیت په اړه د وضاحت غوښتنه کړې ده.
رویټرز د برېتانیا د جرمونو ملي ادارې (NCA) په حواله راپور ورکړی چې د مانش کانال کې بریتانوي سمندریزو ځواکونو د روسیې د نفت ایستلو بیړۍ چلونکی هندی اجی پینټ، په دې تور نیولی چې د روسیې نفت او نفتي محصولات یې د نړیوالو بندیزونو خلاف نورو هېوادونو ته لېږدول.
په ملګرو ملتونو کې د افغانستان دایمي استازي نصیر احمد فایق د یوناما د ماموریت د یو کال لپاره د غځېدو هرکلی کړی او ویلي یې دي چې په افغانستان کې د دوامدارې سولې او ثبات د ټینګښت یوازینۍ لار د داسې سیاسي نظام رامنځته کېدل دي چې ټولشموله او ځواب ویونکی وي.
کاناډا کې د پشهيي ځوانانو د ټولنې په نوښت د پشهيي ژبې ملي ورځ ونمانځل شوه. د دغې غونډې ویناوالو د پشهيي ژبې د ارزښت، لرغونتوب او د پشهيي قوم د تاریخي او ټولنیز رول په اړه هر اړخیزې خبرې وکړې او د دې ژبې د ساتنې، پراختیا او راتلونکو نسلونو ته یې د لېږدولو پر اهمیت ټینګار وکړ.
د امریکا په کلیفورنیا کې د هوايي ځواک یوه بې۵۲ سټراټوفورټرېس بم غورځونکې الوتکه د دوشنبې په ورځ د اډوارډز له هوايي اډې څخه له پورته کېدو لږ وروسته راغورځېدلې ده. د دغې هوايي اډې چارواکي وايي، داسې انګېرل کېږي، چې په الوتکه کې سپاره د عملې ټول غړي یعنې ۸ کسان وژل شوي دي.
د منځنۍ اسیا هېوادونو او د اروپايي ټولنې چارواکو د قزاقستان په الماتي ښار کې په یوې غونډه کې د افغانستان د وضعیت، د سیمې پر امنیت د هغه د اغېزو او د نړیوالو همکاریو د پراختیا پر لارو چارو خبرې اترې کړې دي.
ځايي سرچینو افغانستان انټرنشنل ته ویلي، چې د طالبانو د استخباراتو ادارې په غور ولایت کې د تیورې ولسوالۍ د زربېد کلي او اړوندو سیمو شاوخوا ۷۰ قومي مشران او مخور، د خبرو لپاره ورغوښتي او له خبرو اترو وروسته نیولي دي.
په کاناډا کې مېشت یو شمېر افغان کډوالو د افغانستان په هرات کې د ښځو د وروستیو نیونو او د اعتراض کوونکو د ځپلو په غبرګون کې اعتراضي غونډه ترسره کړې ده.
د طالبانو د کډوالو کمېسیون وايي، پاکستان او ایران یوازې پرون (دوشنبه د غبرګولي ۲۵مه) له بېلابېلو لارو ۴۷۲ کډوالې کورنۍ چې شمېر ۲۵۲۳ کېږي، په جبري ډول افغانستان ته اړولي دي. د دغه کمېسیون په وینا، په همدې ورځ ۵۹۵ کورنۍ خپلو سیمو ته لېږدول شوي او له ۶۲۳ کورنیو سره مرستې هم شوې دي.
د پولنډ پوله ساتو ځواکونو اعلان کړی چې ۴۵ پناهغوښتونکي یې د لیتوانیا له پولې د ناقانونه اوښتو په تور نیولي دي. د چارواکو په وینا، په نیول شویو کسانو کې د افغانستان، سومالیا، سوډان او ایتوپیا وګړي شامل دي.
د پاکستان د جمعيت علمای اسلام ګوند مشر مولانا فضل الرحمان ويلي، افغانستان ثبات ته او پاکستان يو باثباته ګاونډي ته اړتيا لري. هغه د امریکا او ايران ترمنځ د پخلاينې په ترڅ کې د افغانستان سره هم د سولې د خبرو غوښتنه کړې ده.
د افغانستان لپاره د پاکستان ځانګړي استازي محمد صادق د برېتانیا له یوه پلاوي سره په کتنه کې د افغانستان د بشري وضعیت په تړاو خبرې کړې دي. دغه لیدنه په داسې حال کې ده، چې پر افغانستان د پاکستان د تېرې اونۍ په بریدونو کې د یوناما په وینا، ۱۳ ملکيان وژل شوي او ۱۰ نور ټپيان شوي دي.
د ملګرو ملتونو د ماشومانو د ملاتړ صندوق (یونېسف) ویلي، چې په افغانستان کې د څښاک پاکو اوبو ته د لاسرسي د پراخولو پروژې د ماشومانو او کورنیو پر ژوند مثبت بدلون راوستی دی.