والسټریټ ژورنال راپور ورکړی چې د امریکا د پوځ وزیر ډان ډریسکول، له څو میاشتو راهیسې د امریکا د جګړې له وزیر پیټ هېګست سره د پوځ د تګلارې او د یو شمېر لوړپوړو پوځي افسرانو د ګوښه کولو پر سر د روانو اختلافونو وروسته، خپله استعفا د امریکا ولسمشر ډونالډ ټرمپ ته سپارلې ده.
د طالبانو مخالفې ډلې، متحدې جبهې ادعا کړې، د اګست په میاشت کې یې د افغانستان په ۱۵ ولايتونو کې د طالبانو پر ضد ۴۳ عمليات ترسره کړي چې په کې یې ۷۴ طالبان وژلي او ۳۵ نور ټپيان کړې دي.
په اسټرالیا کې د «پیس کپ» په غونډه کې له دغه هېواد او نړیوالې ټولنې غوښتل شوي چې د افغان ښځو او نجونو د زدهکړو او بشري حقونو ملاتړ وکړي او له ګواښ سره مخ افغانانو ته د بشري ویزو زمینه پراخه کړي.
ځايي سرچینو د دوشنبې په ورځ افغانستان انټرنشنل ته ویلي چې د بدخشان ولایت د مستوفیت ادارې شاوخوا ۳۰ کارکوونکو د طالبانو د دغه ولایت د مستوفي، مولوي ګلاحمد، د «ناوړه چلند، سپکاوي او پرلهپسې ګواښونو» په اعتراض کې په ډلهییزه توګه له خپلو دندو استعفا کړې ده.
په نورستان کې د طالبانو د امنیه قومندانۍ ویاند محمد حسن ثاقب ویلي، په وانټ ولسوالۍ کې د بارانونو له امله سېلابونه راغلي، کورونه یې له منځه وړي او تر اوسه پورې په دغو پېښو کې لږ تر لږه درې کسان چې دوه ښځې او يو ماشوم دی مړه شوي.
په هلمند کې د سینما لوبغاړی عصمتالله افغان وايي، د خپل ناروغ زوی د درملنې د لګښتونو له برابرولو عاجز شوی او د ماشوم د ژوندي پاتې کېدو لپاره چمتو دی چې هغه بلې کورنۍ ته وسپاري.
د امریکا د یوې فدرالي محکمې قاضي امر کړی، رحمانالله لکڼوال چې د ملي ګارډ د یو غړي د وژلو او د بل د ټپي کولو په تور محاکمه کېږي، په جبري ډول دې خواړه او اړینه طبي درملنه ورکړل شي. لکڼوال د تېر جون له میاشتې راهیسې په توقیف کې له خوړو او کله ناکله له اوبو څښلو ډډه کوي.
افغانستان انټرنشنل د هرات له حوزوي روغتون څخه داسې سند ترلاسه کړي چې ښیي طالبانو د دغه روغتون کارکوونکي په جماعت سره د لمانځه ادا کولو، خولۍ او پګړۍ په سر کولو او د «شریعت مطابق» د وېښتانو او ږیرې ساتلو ته مکلف کړي او که کوم کارکوونکی یې عملي نه کړي مجازات به شي.
د ملګرو ملتونو د عمومي اسامبلې د ۸۰مې دورې مشره انالینا بربوک وايي، له ۱۹۴۵ کال راهیسې د اټومي وسلو له ۲ زرو ډېرې ازموینې شوې، خو هېڅ یوې یې نړۍ خوندي کړې نه ده.
د افغان ایواک بنسټګر او مشر شان وانډيور وايي، یوه تازه ملي نظرپوښتنه ښيي چې ۸۴ سلنه امریکایان د هغو افغانانو او د هغوی د کورنیو د خوندي کولو او ملاتړ غوښتونکي دي چې له امریکايي ځواکونو سره یې همکاري کړې ده.
د بلوچستان ایالت اعلی وزیر سرفراز بګټي ویلي، چې د دغه ایالت په دالبندین کې د یو لړ عملیاتو په ترڅ کې ۱۲ وسلهوال وژل شوي دي. هغه وژل شوي وسلهوال د بلوڅ بیلتون غوښتونکي ډلې غړي یاد کړي دي.
د ملګرو ملتونو پراختیایي پروګرام (یواېنډيپي) وايي، د ۲۰۲۵ کال د اګست پر ۳۱مه په کونړ، ننګرهار او لغمان کې د شوې زلزلې د زیانونو د بیارغونې لپاره ۱۸۱،۱ میلیونه ډالرو ته اړتیا ده. په داسې حال کې چې د دغې زلزلې ټول مالي زیان ۸۶،۲ میلیونه ډالره اټکل شوی دی.
د سره صلیب نړیوالې کمېټې (اې سي ار سي) د عملیاتو مشره افغانستان ته تللې او په کابل کې یې د دې کمېټې د فزیکي بیارغونې له مرکز او د خوست په ځاځي میدان ولسوالۍ کې یې له ځینو ټولنو لیدنه کړې، څو د هېواد بشري وضعیت او له اوسنیو شرایطو اغېزمنو خلکو اړتیاوې له نږدې وارزوي.
د طالبانو د ریاستالوزراء اداري مرستیال عبدالسلام حنفي په مشرۍ د الشفاء روغتون (جمهوریت روغتون) د رهبرۍ پلاوي غونډه شوې چې په کې د روغتون د ساختماني چارو د چټکتیا، طبي تجهیزاتو د برابرولو او د متخصصو ډاکترانو د ګمارنې په اړه بحث شوی دی.
د پاکستان د بشري حقونو کميسيون، د دغه هېواد تر ولکې لاندې کشمير کې د ۲۰۲۶ کال له جون میاشتې راهیسې د ټولو وژل شویو او ټپیانو په اړه د خپلواکو او بېطرفه څېړنو غوښتنه کړې ده.
د هند لومړي وزیر نریندر مودي وايي، له روسي ولسمشر ولادیمیر پوتین سره یې د هند او روسیې د «ځانګړې او امتیازي ستراتیژیکې ملګرتیا» پر ټولو اړخونو پراخې خبرې کړې دي او د دواړو هېوادونو ترمنځ یې په بېلابېلو برخو کې د پام وړ پرمختګ یاد کړی دی.
د جمهوري نظام پر مهال د عدلیې وزیر فضل احمد معنوي د طالبانو له خوا د «د زوجینو د تفریق اصولنامې» له خپرېدو وروسته د کمعمره نجونو د نکاح موضوع د جدي دیني او فقهي بحث غوښتونکې بللې او وايي، د شریعت قطعي احکام باید له بشري فقهي برداشتونو جلا وپېژندل شي.
د روغتیا نړیوال سازمان (دبلیو ایچ او) وايي، له ۲۰۱۲ تر ۲۰۲۴ کال پورې په ټوله نړۍ کې د تنباکو د پاڼو تولید ۱۸،۸ سلنه کم شوی، خو په افریقا کې دغه تولید ۸،۶ سلنه زیات شوی دی.
اروپايي ټولنې د افغانستان د خوړو د خوندیتوب د پیاوړتیا او د اقلیمي بدلون د اغېزو پر وړاندې د مبارزې لپاره ۱۵ میلیون یورو مرسته ځانګړې کړې ده.
د انګلستان پر وړاندې په پرله پسې ډول په دوه ټيسټ سياليو کې د ماتې خوړو وروسته، د پاکستان کرېکټ بورډ درېيو زړو لوبغاړو په ګډون اووه لوبغاړي د بلې سيالۍ لپاره له لوبډلې څخه ايستلي دي.
د غور ولایت په مرکز فیروزکوه ښار کې د طالبانو پر امنیه قوماندانۍ د برید په اړه دوو مخالفو جبهو د مسوولیت ادعا کړې. متحده جبهه د پنځو طالبانو د ټپي کېدو خبره کوي، خو جمهوریت جبهه وايي، طالبانو ته په برید کې «دروند زیان» اوښتی دی.