د انګلستان پر وړاندې په پرله پسې ډول په دوه ټيسټ سياليو کې د ماتې خوړو وروسته، د پاکستان کرېکټ بورډ درېيو زړو لوبغاړو په ګډون اووه لوبغاړي د بلې سيالۍ لپاره له لوبډلې څخه ايستلي دي.
د غور ولایت په مرکز فیروزکوه ښار کې د طالبانو پر امنیه قوماندانۍ د برید په اړه دوو مخالفو جبهو د مسوولیت ادعا کړې. متحده جبهه د پنځو طالبانو د ټپي کېدو خبره کوي، خو جمهوریت جبهه وايي، طالبانو ته په برید کې «دروند زیان» اوښتی دی.
د ملګرو ملتونو سرمنشي انتونیو ګوترېش او د تاجکستان ولسمشر امامعلي رحمان د دوشنبې په ورځ د شانګهای سازمان د غونډې په څنډه کې د افغانستان پر روان وضعیت خبرې کړې دي.
د خیبر پښتونخوا په کرک ولسوالۍ کې د پولیسو پر ګزمه د سړک غاړې ماین په چاودنه کې لږ تر لږه یو پاکستانی پولیس وژل شوی او شپږ نور ټپیان شوي دي.
د طالبانو مخالفه وسلهواله ډله، «جمهوریت جبهه» وایي، ځواکونو یې د دوشنبې په ورځ د غور ولایت په مرکز فیروزکوه ښار کې د طالبانو پر امنیه قوماندانۍ برید کړی دی.
د امریکا ولسمشر ډونالډ ټرمپ په اردن کې د دغه هېواد پر دوو پوځي اډو د ایران له توغندیزو بریدونو وروسته ویلي، چې تهران ته به «سخت» ځواب ورکړي. دا بریدونه د ایران پر لارک ټاپو د امریکا د تېرې شپې د نظامي عملياتو په غبرګون کې شوي دي.
په کندهار کې د طالبانو والي ملا شیرین د دغه ولایت د ۱۱ ولسوالیو له امنیه قوماندانانو سره په ناسته کې د امنیت خوندیتوب لپاره د ګزمو پر ډیرېدو ټینګار کړی دی. نوموړي د ولسوالیو امنیه قوماندانانو ته سپارښته کړې چې له نورو ادارو سره همغږې پراخه کړي.
د تېر جمهوري نظام د چارو ادارې رییس فضل محمود فضلي وايي، هغه څه چې طالب چارواکي یې اوس له امریکا غواړي، په ۲۰۱۷ کال کې د افغانستان او امریکا د ولسمشرانو ترمنځ په لوړه کچه پرې هوکړه شوې وه. د فضلي په وینا، د دغې هوکړې د تخنیکي پلي کېدو په موخه هغې مهال ګډه کاري ډله هم جوړه شوې وه.
پنځه کاله وړاندې، د ۲۰۲۱ کال د اګسټ په ۳۱مه د امریکا وروستی سرتېری له افغانستانه ووت. د امریکا له وتلو سره نه یوازې د شل کلنې جګړې پوځي فصل پای ته ورسېد، بلکې هغه جمهوریت هم سقوط وکړ چې واشنګټن او متحدانو یې د دوو لسیزو لپاره د جوړولو او ساتلو هڅه کړې وه.
د طالبانو د امر بالمعروف او نهی عن المنکر وزارت وايي، چې دایکنډي او تخار ولایتونو کې دوه کوډګر له ګڼ شمېر کتابونو او غیرشرعي تعویذونو سره یوځای نیولي دي. طالبانو ویلي چې دغو کسانو د کورنیو ستونزو د حل په پلمه له خلکو څخه پیسې اخیستې او د کورنیو ترمنځ یې نفاق جوړاوه.
د طالبانو د بهرنیو چارو وزیر امیرخان متقي او د سویلي اسیا په برخه کې د ایران د بهرنیو چارو د وزیر استازی محمد رضا بهرامي د لیدني پرمهال پر دوه اړخیزو اړیکو او د سیمې د وضعیت په اړه غږېدلي دي.
د کانګو په ډیموکراتیک جمهوریت کې د ایبولا ویروس له ۶ زرو زیاتې پېښې تایید شوي او تر ۲۹۰۰ ډېر کسان مړه شوي دي. دا د یاد هېواد په تاریخ کې تر ټولو لویه بېواکسینه ساري خپرېدنکي وبا بلل شوې چې شپږ ولایتونه یې په سختۍ اغېزمن کړي دي.
په جاکارتا کې د طالبانو سفیر د اندونیزیا د پانګونې وزارت له مرستیال سره لیدنه کې په افغانستان کې د پانګونې پر فرصتونو، پانګوالو ته د اسانتیاوو برابرولو او د دواړو هېوادونو د خصوصي سکټورونو ترمنځ د همکاریو پر پیاوړتیا خبرې کړې دي.
د طالبانو د کرنې وزیر عطاالله عمري د ملګرو ملتونو د خوړو او کرنې ادارې له رییس سره په لیدنه کې د اصلاح شویو تخمونو، حیواني نسلونو د اصلاح، سرې او د شېدو راټولولو مرکزونو په برخو کې د همکارۍ د زیاتېدو غوښتنه کړې ده.
د افغانستان د سوداګرۍ او پانګونې خونې رییس سید کریم هاشمي په استانبول کې د ترکیې د سوداګرۍ خونې له مشر سره په لیدنه کې د کابل او انقرې ترمنځ د سوداګریزو اړیکو، اقتصادي همکاریو پیاوړتیا او د پانګونې پر نویو فرصتونو غږېدلی دی.
ازادۍ جبهې ویلي د بدخشان په زیباک ولسوالۍ کې یې د یکشنبې په شپه له طالبانو سره نږدې نیم ساعت نښته کړې او د دوی د کمانډو ځواکونو له متقابل برید وروسته طالبان شاتګ ته اړ شوي دي. طالبانو تر اوسه د دې پېښې په اړه څه نه دي ویلي.
د شانګهای همکارۍ سازمان غونډه د دو شنبې په ورځ د قرغزستان په پلازمېنه بیشکک کې پیل شوه. تمه کېږي چې په دې غونډه کې به د افغانستان اړوندو امنیتي اندېښنو، ترهګرۍ او د نشه یي توکو قاچاق په اړه هم بحثونه وشي. خو دغې غونډې ته طالبان نه دې وربلل شوي.
د ایران ولسمشر مسعود پزشکیان قرغزستان ته د خپل سفر په ترڅ کې د هند له لومړي وزیر نریندرا مودي سره کتلي او دواړو لوریو د دوه اړخیزو اړیکو، همکاریو پراختییا او پیاوړتیا باندې ټینګار کړی دی.
په کونړ کې د طالبانو امنیه قوماندانۍ ویلي، چې د دغه ولایت په مرکز او یو شمېر ولسوالیو کې یې ۱۴ تنه د بېلابېلو جرمونو په تړاو نیولي دي. طالبانو ویلي، چې له مجرمانو او د قانون له سرغړونکو سره به د قانوني چلند وکړي.
د کونړ له ویجاړوونکې زلزلې یو کال وروسته زلزله ځپلي لاهم د سرپناه ترڅنګ اروایي مرستو ته اړتیا لري. د کونړ یوشمېر زلزله ځپلي وایي، د یوکال په تېرېدو لاهم د دوی د ماشومانو اروایي وضعیت نهدی رغېدلی چې له امله یې د دوی زدهکړې له ستونزو سره مخ شوې دي.
په سرپل کې د طالبانو امنیه قوماندانۍ ویلي چې نامعلومو وسله والو په بلخاب ولسوالۍ کې د ډبرو سکرو دوه لېږدونکي موټر سوځولي دي. طالبانو ویلي، د پېښې له رامنځته کېدو سره سم سیمې ته رسېدلي او په دې اړه یې پلټنې پیل کړې دي