د کونړ له ویجاړوونکې زلزلې یو کال وروسته زلزله ځپلي لاهم د سرپناه ترڅنګ اروایي مرستو ته اړتیا لري. د کونړ یوشمېر زلزله ځپلي وایي، د یوکال په تېرېدو لاهم د دوی د ماشومانو اروایي وضعیت نهدی رغېدلی چې له امله یې د دوی زدهکړې له ستونزو سره مخ شوې دي.
په سرپل کې د طالبانو امنیه قوماندانۍ ویلي چې نامعلومو وسله والو په بلخاب ولسوالۍ کې د ډبرو سکرو دوه لېږدونکي موټر سوځولي دي. طالبانو ویلي، د پېښې له رامنځته کېدو سره سم سیمې ته رسېدلي او په دې اړه یې پلټنې پیل کړې دي
ایراني چارواکي وايي، د روان کال په لومړیو پنځو میاشتو کې یې د افغانستان پولې ته څېرمه د دوغارون په بندر کې څه باندي یو ټن نشهيي توکي نیولي دي. دایران د تایباد سرحدي قوماندان وايي، ۹۵ سلنه نیول شوي توکي صنعتي دي او په تړاو یې افغان او ایراني قاچاقبران نیول شوي دي.
په بلخ ولایت کې سیمه ییزو سرچینو ویلي چې د محمد رضا رسول ییلاقي په نوم دغه ولایت یو مشهور شخصیت له کاناډا څخه تر راستنیدو وروسته په مزارشریف کې وژل شوی دی. د سرچینو په وینا، نوموړی د وږي په شپږمه د جمعې په ماښام د ناپیژاندو وسله والو په برید کې وژل شوی دی.
د طالبانو مرستیال ویاند حمدالله فطرت له افغانستان نه د وروستي امریکايي پوځي د وتلو د پنځمې کلیزې په مناسبت ویلي، په دې ورځ د امریکا شل کلن «اشغال» پای ته ورسېد. نوموړي افغانستان «نه تسخیرېدونکې خاوره او د امپراتوریو هدیره» بللې ده.
د هند له زندانونو خوشې شوي لږترلږه ۲۵ پاکستاني وګړي د شنبې په ورځ د واګه ـ اټاري پولې له لارې بېرته پاکستان ته ستانه شول.
فرانسوۍ تصویر اخیستونکې او خبریالې الیزا بلنشرډ ویلي، په افغانستان کې د ښځو او نجونو پر وړاندې محدودیتونو د هغوی پر زدهکړو، کار او راتلونکي ژور اغېز کړی دی.
په تخار کې د طالبانو د عامې روغتیا ریاست خبر ورکړی، چې د یاد ریاست د ارزونې ډلو د دغه ولایت په مرکز، بهارک او خواجهغار ولسوالیو کې د ۱۵ خصوصي روغتیايي مرکزونو فعالیت د ټاکل شویو روغتیايي معیارونو د نه مراعتولو او د ځینو نیمګړتیاوو له امله درولي.
پاکستاني رسنیو راپور ورکړی، په خیبر پښتونخوا کې د هغه افغانانو پرضد څېړنې بشپړې شوې چې په پاکستاني اسنادو په دولتي ادارو کې پر دندو بوخت دي او خپل اصلي هویت یې پټ ساتلی دی.
د طالبانو د کور او ښار جوړولو وزارت خبرداری ورکړی، چې د نوي کابل ښار د ماستر پلان په محدوده کې د استوګنیزو، سوداګریزو او نورو نمرو خرڅلاو یوازې هغه ښارګوټو او پروژو کې قانوني دی چې له دغه وزارت سره ثبت شوې او قانوني قرارداد او د خرڅلاو رسمي جواز یې ترلاسه کړی وي.
د سولې ښوونځي بنسټګرې او مشرې شبانه بسيج راسخ ویلي، چې پنځه کاله وړاندې یې له خپلې ټولنې سره افغانستان پرېښود او روانډا ته ولاړه؛ خو د افغان نجونو د زدهکړو خوب یې ژوندی وساته.
د افغانستان متحدې جبهې ادعا کړې، چې عملیاتي ځواکونو یې د کندهار ولایت د سپین بولدک ولسوالۍ د منار چوک په سیمه کې د طالبانو د استخباراتو یو غړی وژلی دی. د یادې جبهې په وینا، وژل شوی کس د طالبانو د سپین بولدک د علماوو شورا غړی هم و.
له پاکستان نه ستون شوی ۳۰ کلن افغان ضیاالرحمان ننګرهار کې د سیند پر غاړه له خپلې اووه کسیېزې کورنۍ سره په خېمه کې اوسېږي. هغه وایي: «افغانستان ته مې یوازې ۱۰۰ پاکستانۍ روپۍ راوړې وې او د کور د کرایه کولو وس نهلرم».
د خیبرپښتونخوا د شانګلې ولسوالۍ په بنیرول کلي کې د سختو ورښتونو له امله د یوه کور چت پرېوتی، چې له امله یې دوه ښځې مړې او دوه نورې ټپیانې شوې دي. تر یادې پېښې وروسته ځايي خلکو سملاسي د ژغورنې چارې پیل کړې او دوه ښځې یې له کنډوالو ژوندۍ راېستلې دي.
د افغانستان په ختیځ کې د ۲۰۲۵کال د اګسټ ۳۱مه د رېښتر په کچه د ۶،۰ درجې زلزلې تر ۲۱۰۰ ډېر کسان مړه او شاوخوا نیم مېلیون نور اغېزمن کړل. د اسلامېک ریلیف په وینا، د ختیځو ولایتونو په غرنیو او لرو پرتو سیمو کې د زلزلې له امله ګڼ کلي ویجاړ او د خلکو د ژوند او عاید سرچینې لهمنځه تللې.
په کوټه کې د پښتونخوا ملي عوامي ګوند له لوري بلل شوې درې ورځنۍ جرګه لاهم دوام لري. دغه جرګه د پښتنو د اوسنیو سیمهییزو او ملي ستونزو د څېړلو او د حل لپاره د عملي لارو د موندلو په موخه جوړه شوې ده.
د خیبر پښتونخوا شاوخوا ۸۰ سلنه سوداګري په تورخم پورې تړلې ده؛ خو د تورخم لارې تر تړل کېدو نږدې ۱۱ میاشتې تېرېږي، چې له امله یې د دغه ایالت ګڼ کاروبارونه سخت اغېزمن شوي دي. په پېښور کې د چایو سوداګري هم د دغه بندښت له امله له جدي ستونزو سره مخ شوې ده.
د ملګرو ملتونو د بشري مرستو د همغږۍ دفتر (اوچا) وايي، د افغانستان په ختیځ کې د تېرکال له ویجاړوونکې زلزلې یو کال وروسته هم سلګونه کورنۍ له خپلو سیمو بېځایه دي او په سختو شرایطو کې ژوند کوي.
افغانستان کې پر ښځو د طالبانو محدودیتونه، د روغتیايي خدمتونو او د نړۍوالو مرستو کمښت د ماشومانو او مېندو ژوند له جدي ګواښونو سره مخ کړی دی. د سکای نیوز په راپور کې راغلي، د افغانستان په لویو روغتونونو کې هره ورځ ماشومان د لوږې، انتاني ناروغیو او نورو روغتیايي ستونزو له امله مري.
په کابل کې د طالبانو د امنیه قوماندانۍ ویاند خالد ځدراڼ وايي، چې د افغان خبریال بشیر هاتف د زوی عبدالله هاتف د قتل په تړاو یې دوه کسان نیولي او پلټنې ترې روانې دي. د هغه په وینا، د نوموړي جسد څو ورځې وړاندې د کابل اتمې حوزې اړوند موندل شوی و.
د امریکا د خزانې وزیر سکاټ بسنټ ویلي، چې د امریکا د خزانې وزارت ښايي هره اوونۍ پر ایران د اقتصادي فشار د زیاتوالي لپاره نوي بندیزونه اعلان کړي. د نوموړي په وینا، بانکونه به د دغه اقداماتو په لومړي پړاو کې په نښه شي.